ധീരജ്‌ വധക്കേസിൽ കുറ്റപത്രം; നിഖിൽ പൈലി ഒന്നാം പ്രതി​

തൊ​ടു​പു​ഴ: യൂ​ത്ത്​ കോ​ൺ​ഗ്ര​സ്​ മ​ണ്ഡ​ലം പ്ര​സി​ഡ​ന്‍റ്​ നി​ഖി​ൽ പൈ​ലി​യെ ഒ​ന്നാം പ്ര​തി​യാ​ക്കി ധീ​ര​ജ്‌ വ​ധ​ക്കേ​സി​ൽ അ​ന്വേ​ഷ​ണ​സം​ഘത്തതിന്റെ കു​റ്റ​പ​ത്രം. കൊ​ല​പാ​ത​കം ന​ട​ന്ന്‌ 81 ദി​വ​സം പൂ​ർ​ത്തി​യാ​കു​മ്പോ​ഴാ​ണ്‌ ഇ​ടു​ക്കി ജി​ല്ല സെ​ഷ​ൻ​സ്‌ കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ച​ത്‌. കെ.​എ​സ്‌.​യു-​യൂ​ത്ത്‌ കോ​ൺ​ഗ്ര​സ്‌ പ്ര​വ​ർ​ത്ത​ക​രാ​യ എ​ട്ടു​പേ​രാ​ണ്‌ പ്ര​തി​ക​ൾ. രാ​ഷ്ട്രീ​യ വൈ​ര്യമാ​ണ്‌ കൊ​ല​പാ​ത​ക​ത്തി​ന്‌ കാ​ര​ണം. പോ​ക്ക​റ്റി​ൽ ക​രു​തി​യി​രു​ന്ന പി​ച്ചാ​ത്തി ഉ​പ​യോ​ഗി​ച്ച്‌ ഒ​ന്നാം പ്ര​തി​യും യൂ​ത്ത്‌ കോ​ൺ​ഗ്ര​സ്‌ വാ​ഴ​ത്തോ​പ്പ്‌ മ​ണ്ഡ​ലം പ്ര​സി​ഡ​ന്റു​മാ​യ നി​ഖി​ൽ പൈ​ലി ആ​ദ്യം അ​ഭി​ജി​ത്തി​നെ​യും തു​ട​ർ​ന്ന്‌ ധീ​ര​ജി​നെ​യും കു​ത്തു​ക​യാ​യി​രു​ന്നെ​ന്ന്​ കു​റ്റ​പ​ത്ര​ത്തി​ൽ പ​റ​യു​ന്നു. ധീ​ര​ജി​ന്‍റെ ഇ​ട​തു​നെ​ഞ്ചി​ൽ മൂ​ന്ന്​ സെ.​മീ. ആ​ഴ​ത്തി​ൽ മു​റി​വു​ണ്ടാ​യി. ഹൃ​ദ​യ​ധ​മ​നി​ക​ൾ മു​റി​ഞ്ഞ​താ​ണ്​ മ​ര​ണ​കാ​ര​ണം. അ​ഭി​ജി​ത്തി​ന്റെ നെ​ഞ്ചി​ലും മൂ​ന്ന്​ സെ.​മീ. ആ​ഴ​ത്തി​ൽ മു​റി​വേ​റ്റു.

സം​ഘം​ചേ​ര​ൽ, കൊ​ല​പാ​ത​കം, വ​ധ​ശ്ര​മം, മ​ർ​ദ​നം, തെ​ളി​വ്‌ ന​ശി​പ്പി​ക്ക​ൽ, ആ​യു​ധം ഒ​ളി​പ്പി​ക്ക​ൽ തു​ട​ങ്ങി​യ കു​റ്റ​ങ്ങ​ളാ​ണ്‌ പ്ര​തി​ക​ൾ​ക്കെ​തി​രെ ചു​മ​ത്തി​യ​ത്‌. ജെ​റി​ൻ ജോ​ജോ, ജി​തി​ൻ ഉ​പ്പു​മാ​ക്ക​ൽ, ടോ​ണി തേ​ക്കി​ല​ക്കാ​ട​ൻ, നി​തി​ൻ ലൂ​ക്കോ​സ്‌, സോ​യി​മോ​ൻ സ​ണ്ണി, ജ​സി​ൻ ജോ​യി, അ​ല​ൻ​ബേ​ബി എ​ന്നി​വ​രാ​ണ്‌ ര​ണ്ടു​മു​ത​ൽ എ​ട്ടു​വ​രെ പ്ര​തി​ക​ൾ. കേ​സി​ൽ 143 സാ​ക്ഷി​ക​ൾ. ഒ​ന്നാം പ്ര​തി നി​ഖി​ൽ പൈ​ലി​ക്ക്‌ ജാ​മ്യം ന​ൽ​കി​യി​ട്ടി​ല്ല. ഇ​യാ​ളു​ടെ ജാ​മ്യാ​പേ​ക്ഷ അ​ഞ്ചി​ന്​ വാ​ദം കേ​ൾ​ക്കു​ന്ന​തി​ന്​ മാ​റ്റി​യി​ട്ടു​ണ്ട്‌. കേ​സി​ന്‍റെ സ്‌​പെ​ഷ​ൽ പ​ബ്ലി​ക്‌ പ്രോ​സി​ക്യൂ​ട്ട​റാ​യി സു​രേ​ഷ്‌ ബാ​ബു തോ​മ​സി​നെ സ​ർ​ക്കാ​ർ നി​യ​മി​ച്ചി​ട്ടു​ണ്ട്‌. ജ​നു​വ​രി 10നാ​യി​രു​ന്നു ഇ​ടു​ക്കി ഗ​വ. എ​ൻ​ജി​നീ​യ​റി​ങ്​ കോ​ള​ജ്​ വി​ദ്യാ​ർ​ഥി ധീ​ര​ജ്​ രാ​ജേ​ന്ദ്ര​ൻ കൊ​ല്ല​പ്പെ​ട്ട​ത്.