എം. പ്രേമചന്ദ്രൻ അന്തരിച്ചു

കൊച്ചി: കെ.പി.സി.സി സെക്രട്ടറിയും കൊച്ചി നഗരസഭ കൗൺസിലറുമായ വൈറ്റില മേനാച്ചേരിൽ (അഭയം) വീട്ടിൽ എം. പ്രേമചന്ദ്രൻ (63) അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. പ്രമുഖ ക്രിമിനൽ അഭിഭാഷകനായിരുന്ന തമ്മനത്ത് അരവിന്ദാക്ഷ മേനോ​​​െൻറയും ശ്രീദേവിയുടെയും മകനാണ്. ഭാര്യ: ജയശ്രീ. മകൾ: പാർവതി. മരുമകൻ: പ്രേം കൃഷ്ണൻ. സഹോദരങ്ങൾ: രാജ്മോഹൻ, മനോജ്, സുധാദേവി, സിന്ധു.

മഹാരാജാസ് കോളജ് കെ.എസ്.യു യൂണിറ്റ് പ്രസിഡൻറായി രാഷ്ട്രീയ പ്രവർത്തനം ആരംഭിച്ച പ്രേമചന്ദ്രൻ യൂത്ത് കോൺഗ്രസ് ജില്ലാ പ്രസിഡൻറ്​, വൈറ്റില കോൺഗ്രസ് മണ്ഡലം പ്രസിഡൻറ്​ എന്നീ പദവികളും വഹിച്ചിട്ടുണ്ട്. മൂന്നാം തവണയും കൗൺസിലറായി തെരഞ്ഞെടുക്കപ്പെട്ട പ്രേമചന്ദ്രൻ രാഷ്ട്രീയത്തിലെ സൗമ്യ സാന്നിധ്യമായിരുന്നു. കോൺഗ്രസ് പിളർന്ന കാലഘട്ടത്തിൽ പി.സി. ചാക്കോയോടൊപ്പം ഉറച്ചു നിന്ന പ്രേമചന്ദ്രൻ കോൺഗ്രസ് എസിൽ ചേർന്ന ശേഷം പാർട്ടിയിൽ തിരികെ എത്തുകയായിരുന്നു.

പ്രേമചന്ദ്ര​​​െൻറ നിര്യാണത്തിൽ എ.ഐ.സി.സി ജനറൽ സെക്രട്ടറി ഉമ്മൻചാണ്ടി, പ്രതിപക്ഷ നേതാവ് രമേശ് ചെന്നിത്തല, കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ, പ്രവർത്തക സമിതി അംഗം പി.സി.ചാക്കോ എന്നിവർ അനുശോചിച്ചു. സംസ്കാരം ഇന്ന്​ വൈകിട്ട് ആറ്​ മണിക്ക് വീട്ടുവളപ്പിൽ നടക്കും.