Begin typing your search above and press return to search.
exit_to_app
exit_to_app
land in kerala
cancel
camera_alt

representative image

Homechevron_rightNewschevron_rightKeralachevron_rightഭൂമി തരം മാറ്റൽ:...

ഭൂമി തരം മാറ്റൽ: ഫീസിളവിന്​ കട്ട്​ ഓഫ്​ ഡേറ്റ്​ നിശ്ചയിച്ച സർക്കുലർ ഹൈകോടതി റദ്ദാക്കി

text_fields
bookmark_border

​െകാച്ചി: 2008ലെ നെൽവയൽ തണ്ണീർത്തട സംരക്ഷണ നിയമപ്രകാരം നിലം തരംമാറ്റാൻ അപേക്ഷ നൽകിയ ദിവസം കണക്കാക്കി (കട്ട്​ ഓഫ്​ ഡേറ്റ്​) ഫീസിളവ്​ അനുവദിക്കാനുള്ള സർക്കാറി​െൻറ സർക്കുലർ ഹൈകോടതി റദ്ദാക്കി. റവന്യൂ രേഖകളിൽ നിലമാണെങ്കിലും ​േഡറ്റ ബാങ്കിൽ ഉൾപ്പെടാതെ കിടക്കുന്നതും നിർമാണപ്രവർത്തനങ്ങൾക്കോ മറ്റോ അതുവരെ ഉപയോഗിക്കാത്തതുമായ 25 സെൻറിൽ താഴെയുള്ള ഭൂമിയുടെ തരം മാറ്റാൻ ഫീസ്​ വേണ്ടതില്ലെന്ന 2021 ഫെബ്രുവരി 25ലെ സർക്കാർ ഉത്തരവി​െൻറ ആനുകൂല്യം അതിനുമുമ്പുള്ള അപേക്ഷകർക്കും ബാധകമാക്കിയാണ്​ ചീഫ്​ ജസ്​റ്റിസ്​ എസ്​. മണികുമാർ, ജസ്​റ്റിസ്​ ഷാജി പി. ചാലി എന്നിവരടങ്ങിയ ഡിവിഷൻ ബെഞ്ചി​െൻറ ഉത്തരവ്​.

2008ലെ നെൽവയൽ തണ്ണീർത്തട സംരക്ഷണ നിയമത്തിലെ 27എ, 27ഡി വകുപ്പുകളിൽ 2017 ഡിസംബർ 30ന്​ കൊണ്ടുവന്ന ഭേദഗതിയുടെ നിയമസാധുത ചോദ്യംചെയ്​ത്​ സമർപ്പിച്ച ഒരുകൂട്ടം ഹരജികളാണ്​ കോടതി പരിഗണിച്ചത്​.​ കേരള ഭൂവിനിയോഗ ഉത്തരവ് പ്രകാരം അനുമതി വാങ്ങാത്തതും റവന്യൂ രേഖകളിൽ നിലമെന്നുണ്ടെങ്കിലും ​േഡറ്റ ബാങ്കിൽ ഉൾപ്പെടാത്തതുമായ ഭൂമി 2008ലെ നിയമം വരുംമുമ്പ്​ നികത്തി രൂപമാറ്റം വരുത്തിയിട്ടുണ്ടെങ്കിൽ 2008 നിയമത്തിലെ െസക്​ഷൻ 27 പ്രകാരം ആർ.ഡി.ഒക്ക് ക്രമപ്പെടുത്താൻ അപേക്ഷ നൽകാമെന്നാണ് ചട്ടം.

ആർ.ഡി.ഒയുടെ ഉത്തരവി​െൻറ അടിസ്ഥാനത്തിൽ അവിടെ വീടോ, വാണിജ്യസ്ഥാപനമോ മറ്റോ നിർമിക്കാൻ അനുമതി തേടാം. എന്നാൽ, നെൽവയൽ, തണ്ണീർത്തട സംരക്ഷണ നിയമം നിലവിൽ വന്ന 2008 ആഗസ്​റ്റ്​ 12ന് മുമ്പ് നികത്തിയ ഭൂമി നിയമപരമായി ക്രമപ്പെടുത്താനുള്ള അവസരമൊരുക്കാനാണ് 2017ലെ ഭേദഗതി കൊണ്ടുവന്നത്​. ഹരജി പരിഗണനയിലിരിക്കെ,​ 25 സെൻറ്​ വരെയുള്ള ഭൂമി നികത്താൻ ഫീസ്​ നൽകേണ്ടതില്ലെന്ന്​ 2021 ഫെബ്രുവരി 25ന്​ സർക്കാർ ഭേദഗതി കൊണ്ടുവന്നു​. 25 മുതൽ ഒരേക്കർവരെ മതിപ്പുവിലയുടെ 10 ശതമാനവും ഒന്നിന്​ മുകളിൽ 20 ശതമാനവും നൽകണമെന്നും നിശ്ചയിച്ചു.

അതേസമയം, 2021 ഫെബ്രുവരി 25ന്​ ശേഷം ലഭിച്ച അപേക്ഷകളിൽ മാത്രമേ ഈ ഫീസിളവ്​ അനുവദിക്കേണ്ടതുള്ളൂവെന്ന്​ റവന്യൂ ഉദ്യോഗസ്ഥർക്ക്​ നിർദേശം നൽകി ജൂലൈ 23ന്​ വേറെ സർക്കുലറും പുറപ്പെടുവിച്ചു. ഈ സർക്കുലറാണ്​ ഭരണഘടന വിരുദ്ധവും നിയമവും ചട്ടവു​ം ലംഘിക്കുന്നതുമാണെന്ന്​ ചൂണ്ടിക്കാട്ടി കോടതി റദ്ദാക്കിയത്​.

ഫീസിളവിനുള്ള അപേക്ഷകൾ കട്ട്​ ഓഫ്​ ഡേറ്റ്​ പരിഗണിക്കാതെ രണ്ടു​ മാസത്തിനകം പരിഗണിക്കാനും കോടതി നിർദേശിച്ചു. അതേസമയം,​ 2008 നിയമത്തിലെ 27എ, 27ഡി വകുപ്പുകളിലെ ഭേദഗതിയുടെ നിയമസാധുത സംബന്ധിച്ച വിഷയങ്ങൾ ഇതുമായി ബന്ധപ്പെട്ട്​ കോടതി മുമ്പാകെയുള്ള മറ്റ്​ ഹരജികൾക്കൊപ്പം പരിഗണിക്കാവുന്നതാണെന്നും കോടതി വ്യക്തമാക്കി.

'ആനുകൂല്യം തുല്യമായി തന്നെ ലഭിക്കണം'

ഭൂമിയുടെ തരം മാറ്റാൻ ഫീസിളവ്​ നൽകുന്നതിന്​ കട്ട്​ ഒാഫ്​ ഡേറ്റ്​ വെച്ചത്​ യുക്തമായ വേർതിരിവ്​ എന്ന നിലയിലാണെന്ന വാദം അംഗീകരിക്കാനാവില്ലെന്ന്​ ഹൈകോടതി. വേർതിരിവ്​ നീതീകരിക്കാനാകാത്തതും സ്വേച്ഛാപരവുമാണ്​.

തുല്യ ആനുകൂല്യത്തിന്​ അർഹരായ ഒരേ വിഭാഗക്കാരായവരെ അപേക്ഷ നൽകുന്ന വ്യത്യസ്​ത തീയതികളുടെ അടിസ്ഥാനത്തിൽ​ വേർതിരിക്കാനാവില്ല. ഒരേ സാഹചര്യത്തിലും ചുറ്റുപാടിലുമുള്ളവരെ ഒരേരീതിയിൽ തന്നെ പരിപാലിക്കപ്പെടണമെന്ന​ ഭരണഘടന വ്യവസ്ഥയാണ്​ സർക്കുലറിലൂടെ ലംഘിക്കപ്പെട്ടത്​.

തുല്യർക്ക്​ ബാധ്യതകളും ആനുകൂല്യങ്ങളും ഭരണഘടനാപരമായി തുല്യമായി തന്നെ ലഭ്യമാക്കണം. ഒരു വിഭാഗത്തെ ഒഴിവാക്കി ഇളവ്​ നടപ്പാക്കുന്നത്​ ഭരണഘടനയുടെയും നിയമത്തി​െൻറയും ലക്ഷ്യം ഇല്ലാതാക്കും -കോടതി ചൂണ്ടിക്കാട്ടി.

Show Full Article
TAGS:High Court 
News Summary - Change of land: High Court quashes circular setting cut-off date for fee waiver
Next Story