രണ്ട് ട്രെയിനുകളുടെ സമയക്രമത്തിൽ മാറ്റം

തിരുവനന്തപുരം: തൃശൂർ-കണ്ണൂർ (16609) എക്സ്പ്രസിന്‍റെ മൂന്ന് സ്റ്റേഷനുകളിലെയും എറണാകുളം-ഷൊർണൂർ മെമുവിന്‍റെ (06018) ഷൊർണൂരിലെയും എത്തിച്ചേരൽ സമയത്തിൽ ഒക്ടോബർ 23 മുതൽ മാറ്റം. തൃശൂർ-കണ്ണൂർ രാവിലെ 6.35ന് പകരം 6.45 നാകും തൃശൂരിൽനിന്ന് പുറപ്പെടുക.

പൂങ്കുന്നം 6.50 (നിലവിലെ സമയം -6.40), മുളങ്കുന്നത്തുകാവ് 6.57 (6.47), വടക്കാഞ്ചേരി 7.06 (6.55) എന്നിങ്ങനെയാണ് മറ്റ് േസ്റ്റഷനുകളിലെ പുതുക്കിയ സമയം. എറണാകുളം-ഷൊർണൂർ മെമു ഷൊർണൂരിൽ എത്തുന്നത് നിലവിലെ രാത്രി 10.35നുപകരം രാത്രി 8.40 നായിരിക്കും. പുറപ്പെടൽ സമയത്തിലോ മറ്റ് സ്റ്റേഷനുകളിലെ സമയക്രമത്തിലോ മാറ്റമില്ല.