കേന്ദ്ര-സംസ്ഥാന സർക്കാറുകളെ വിമർശിച്ച്​ ചങ്ങനാശ്ശേരി അതിരൂപത

ച​ങ്ങ​നാ​ശ്ശേ​രി: കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ​ക്കെ​തി​രെ ച​ങ്ങ​നാ​ശ്ശേ​രി അ​തി​രൂ​പ​ത​യു​ടെ വി​മ​ർ​ശ​നം. അ​തി​രൂ​പ​ത​യി​ലെ പ​ള്ളി​ക​ളി​ൽ ഞാ​യ​റാ​ഴ്ച വാ​യി​ച്ച സ​ർ​ക്കു​ല​റി​ലാ​ണ്​ വി​മ​ർ​ശ​നം. തൊ​ഴി​ല്‍, വി​ദ്യാ​ഭ്യാ​സം, വി​ശ്വാ​സം തു​ട​ങ്ങി​യ മേ​ഖ​ല​ക​ളി​ലെ തു​ട​രെ​യു​ള്ള ന്യൂ​ന​പ​ക്ഷാ​വ​കാ​ശ ധ്വം​സ​ന​വും വേ​ര്‍തി​രി​വും ക്രൈ​സ്ത​വ സ​മൂ​ഹ​ത്തി​ന്‍റെ നി​ല​നി​ല്‍പ്​ ചോ​ദ്യം​ചെ​യ്യു​ന്ന നി​ല​യി​ലേ​ക്ക്​ വ​ള​രു​ക​യാ​ണ്. ന്യൂ​ന​പ​ക്ഷാ​വ​കാ​ശ​ങ്ങ​ളു​ടെ ഭാ​ഗ​മാ​യ അ​ധ്യാ​പ​ക-​അ​ന​ധ്യാ​പ​ക​നി​യ​മ​ന​ങ്ങ​ള്‍ വി​വി​ധ കാ​ര​ണ​ങ്ങ​ളാ​ല്‍ അ​ട്ടി​മ​റി​ക്ക​പ്പെ​ടു​ന്നു. ക്രൈ​സ്ത​വ​രു​ടെ പാ​വ​ന​ദി​ന​ങ്ങ​ളെ പ്ര​വൃ​ത്തി​ദി​ന​ങ്ങ​ളാ​ക്കി​മാ​റ്റു​ന്ന​ത്​ തു​ട​ര്‍ച്ച​യാ​യി റി​പ്പോ​ര്‍ട്ട് ചെ​യ്യ​പ്പെ​ടു​ന്നു. ബ​ഫ​ര്‍ സോ​ണു​ക​ളു​ടെ​യും പ​രി​സ്ഥി​തി നി​യ​മ​ങ്ങ​ളു​ടെ​യും വ​ന്യ​ജീ​വി ആ​ക്ര​മ​ണ​ത്തി​ന്‍റെ​യും വ​ന നി​യ​മ നി​ഷ്ക​ര്‍ഷ​ക​ളു​ടെ​യും വ​ഖ​ഫ് നി​യ​മ​ന​ട​പ​ടി​ക​ളു​ടെ​യും ഭീ​ഷ​ണി​യി​ല്‍ അ​നു​ദി​ന​ജീ​വി​തം ക്ലേ​ശ​ക​ര​മാ​യി​രി​ക്കു​ന്നു. ജ​ന​ങ്ങ​ളെ​യും അ​വ​ര്‍ നേ​രി​ടു​ന്ന ജീ​വി​ത യാ​ഥാ​ര്‍ഥ്യ​ങ്ങ​ളെ​യും വോ​ട്ട് ബാ​ങ്ക് രാ​ഷ്ട്രീ​യ​ത്തി​ന്‍റെ കു​ഴ​ല്‍ക്ക​ണ്ണാ​ടി​യി​ലൂ​ടെ വി​ല​യി​രു​ത്തി ഗ​ണി​ക്കു​ക​യോ അ​വ​ഗ​ണി​ക്കു​ക​യോ ചെ​യ്യു​ന്ന പ​തി​വ്​ മു​ഖ്യ​ധാ​രാ രാ​ഷ്ട്രീ​യ​പാ​ര്‍ട്ടി​ക​ള്‍ പി​ന്തു​ട​രു​ക​യാ​ണെ​ന്നും സ​ർ​ക്കു​ല​റി​ൽ കു​റ്റ​പ്പെ​ടു​ത്തു​ന്നു.

ജ​സ്റ്റി​സ് ജെ.​ബി. കോ​ശി ക​മീ​ഷ​ൻ റി​പ്പോ​ർ​ട്ട് പു​റ​ത്തു​വി​ടു​ന്ന​തി​ൽ സ​ർ​ക്കാ​ർ ഗു​രു​ത​ര അ​ലം​ഭാ​വം കാ​ട്ടു​ന്ന​താ​യും ച​ങ്ങ​നാ​ശ്ശേ​രി അ​തി​രൂ​പ​ത മെ​ത്രാ​പ്പോ​ലീ​ത്ത ആ​ർ​ച്ബി​ഷ​പ് മാ​ർ തോ​മ​സ് ത​റ​യി​ൽ പു​റ​ത്തി​റ​ക്കി​യ സ​ർ​ക്കു​ല​റി​ൽ പ​റ​യു​ന്നു. ദ​ലി​ത് ക്രൈ​സ്‌​ത​വ സം​വ​ര​ണം ന​ട​പ്പാ​ക്കു​ന്ന​തി​ലും അ​വ​ർ​ക്ക് പ്ര​ത്യേ​ക ക്ഷേ​മ​പ​ദ്ധ​തി​ക​ൾ അ​നു​വ​ദി​ക്കു​ന്ന​തി​ലും അ​നാ​സ്ഥ തു​ട​രു​ന്ന​താ​യും ക​ർ​ഷ​ക​രെ അ​വ​ഗ​ണി​ക്കു​ന്ന​താ​യും സ​ർ​ക്കു​ല​റി​ൽ കു​റ്റ​പ്പെ​ടു​ത്തു​ന്നു. ക​ത്തോ​ലി​ക്ക കോ​ൺ​ഗ്ര​സി​ന്‍റെ ആ​ഭി​മു​ഖ്യ​ത്തി​ൽ ന​ട​ത്തു​ന്ന ‘ക​ർ​ഷ​ക​ര​ക്ഷ ന​സ്രാ​ണി മു​ന്നേ​റ്റം’ അ​വ​കാ​ശ സം​ര​ക്ഷ​ണ റാ​ലി​യോ​ടും മ​ഹാ​സ​മ്മേ​ള​ന​ത്തോ​ടു​മ​നു​ബ​ന്ധി​ച്ചാ​ണ് സ​ർ​ക്കു​ല​ർ പു​റ​ത്തി​റ​ക്കി​യ​ത്.