ഇന്ന് ജനങ്ങളുടെ കോടതിയാണ്, എല്ലാം അവർ തീരുമാനിക്കും; വികസനം മുടക്കിയത് എൽ.ഡി.എഫ് -ചാണ്ടി ഉമ്മൻ

കോട്ടയം: ഇന്ന് ജനങ്ങളുടെ കോടതിയാണെന്നും പുതുപ്പള്ളിയുടെ വിധി ജനങ്ങൾ തീരുമാനിക്കുമെന്നും യു.ഡി.എഫ് സ്ഥാനാർഥി ചാണ്ടി ഉമ്മൻ. പുതുപ്പള്ളിയുടെ വികസനം മുടക്കിയത് എൽ.ഡി.എഫ് സർക്കാരാണെന്നും ചാണ്ടി ഉമ്മൻ ആരോപിച്ചു.

പ്രവചനത്തിനില്ലെന്നും തികഞ്ഞ വിജയ പ്രതീക്ഷയാണുള്ളതെന്നും ചാണ്ടി വ്യക്തമാക്കി. തെരഞ്ഞെടുപ്പിൽ വികസനമാണ് ചർച്ച എന്ന് പറഞ്ഞവർ എന്താണ് ചെയ്യുന്നതെന്നും വ്യക്തി അധിക്ഷേപത്തിലേക്ക് അധപതിച്ചത് എന്തിനാണെന്നും ചാണ്ടി ഉമ്മൻ ചോദിച്ചു.

പുതുപ്പള്ളി പള്ളിയിലെ ഉമ്മൻചാണ്ടിയുടെ കല്ലറയിൽ പ്രാർഥിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. പുതുപ്പള്ളി ജോർജിയൻ സ്കൂളിലെ പോളിങ് ബുത്തിൽ ചാണ്ടി ഉമ്മനും കുടുംബാംഗങ്ങളും വോട്ട് രേഖപ്പെടുത്തി.

ഒ​രു​മാ​സ​ത്തോ​ളം നീ​ണ്ട വാ​ശി​യേ​റി​യ പ്ര​ചാ​ര​ണ​ത്തി​ന്​ ശേ​ഷമാണ് പു​തു​പ്പ​ള്ളി നി​യ​സ​ഭ മ​ണ്ഡ​ലത്തിൽ ഇന്ന് വോട്ടെടുപ്പ് നടക്കുന്നത്. രാ​വി​ലെ ഏ​ഴിന് തുടങ്ങിയ​ പോ​ളി​ങ് വൈ​കീ​ട്ട്​ ആ​റിന് പൂർത്തിയാകും​.

യു​വാ​ക്ക​ൾ ത​മ്മി​ലു​ള്ള നേ​രി​ട്ടു​ള്ള പോ​രാ​ട്ട​ത്തി​ന്​ വേ​ദി​യാ​കു​ന്ന മ​ണ്ഡ​ല​ത്തി​ൽ ഉ​മ്മ​ൻ ചാ​ണ്ടി​യു​ടെ പി​ൻ​ഗാ​മി ആ​രാ​ക​ണ​മെ​ന്ന്​ ജ​നം ഇന്ന് വി​ധി​യെ​ഴു​തും. ഈ​ മാ​സം എ​ട്ടി​ന് വോട്ടെണ്ണൽ.