ചന്ദ്രൻ ഉണ്ണിത്താൻ മരിച്ചത് തലക്കേറ്റ ക്ഷതമെന്ന് പോസ്റ്റ് മോർട്ടം റിപ്പോർട്ട്

ഗാന്ധിനഗർ (കോട്ടയം): ശബരിമല കര്‍മസമിതി പ്രവര്‍ത്തകന്‍ ചന്ദ്രന്‍ ഉണ്ണിത്താ​​​െൻറ മരണം തലക്കേറ്റ ക്ഷതം മൂലമെ ന്ന് പോസ്​റ്റ്​മോര്‍ട്ടം റിപ്പോര്‍ട്ടിലെ പ്രാഥമികനിഗമനം. തലയോട്ടി തകർന്ന നിലയിലാണ്​​. തലയില്‍ നിരവധി ക്ഷത ങ്ങളുമുണ്ട്​. ഇത്​ മൂലമുണ്ടായ അമിത രക്തസ്രാവും മരണകാരണമായി. ഇയാൾ ഹൃദ്​രോഗിയായിരുന്നുവെന്നും റിപ്പോർട്ടി ൽ പറയുന്നു. നേരത്തെ ​ഹൃദയ ശസ്ത്രക്രിയ നടത്തിയിരുന്നതായും കണ്ടെത്തി.

നേരത്തെ ചന്ദ്രൻ മരിച്ചത്​ ഹൃദയസ്തംഭനം മൂലമാണെന്ന്​ മുഖ്യമന്ത്രി പറഞ്ഞിരുന്നു. ഇത് വിരുദ്ധമായ വിവരങ്ങളാണ്​ പോസ്​ റ്റ്​മോര്‍ട്ടം റിപ്പോര്‍ട്ടിലുള്ളത്. ഹൃദയസ്തംഭനം ഉണ്ടായോയെന്ന്​ വിശദമായ പോസ്​റ്റ്​മോർട്ടം റിപ്പോർട്ടിൽ മാത്രമേ വ്യക്​തമാകുകയുള്ളൂവെന്ന്​ ഡോക്​ടർമാർ പറഞ്ഞു.

ഹൃദയസ്തംഭനത്തെത്തുടര്‍ന്നാണ് ചന്ദ്ര​​​െൻറ മരണമെന്ന്​​ മുഖ്യമന്ത്രി പറഞ്ഞതിനു പിന്നാലെ പ്രതിഷേധവുമായി ബി.ജെ.പി രംഗത്തെത്തിയിരുന്നു. പോസ്​റ്റുമോർട്ടം നടത്തുന്നതിന്​ മുമ്പ്​ തന്നെ ഹൃദയാഘാതമാണ്​ മരണകാരണമെന്ന്​ മുഖ്യമന്ത്രി വ്യക്​ തമാക്കിയത്​ റിപ്പോർട്ട്​ അട്ടിമറിക്കാനാണെന്ന്​ ഹിന്ദു ​െഎക്യവേദി സംസ്​ഥാന അധ്യക്ഷത കെ.പി. ശശികല ആരോപിച്ചിരുന്നു.

ബുധനാഴ്ച ശബരിമല കർമസമിതി നടത്തിയ പ്രതിഷേധ പ്രകടനത്തിനിടെ ഉണ്ടായ കല്ലേറിലാണ് ചന്ദ്രന് തലക്ക് പരിക്കേറ്റത്. ഗുരുതര പരിക്കുകളോടെ കോട്ടയം മെഡിക്കൽ കോളജിലേക്ക് കൊണ്ടുപോകും വഴിയാണ് ചന്ദ്രൻ മരണപ്പെട്ടത്.