കേരളത്തിൽ അടുത്ത ദിവസങ്ങളിൽ മിന്നലോടെ മഴക്ക് സാധ്യത

തിരുവനന്തപുരം: കേരളത്തിൽ അടുത്ത ദിവസങ്ങളിൽ മിന്നലോട് കൂടിയ മഴക്ക് സാധ്യതയെന്ന് കേന്ദ്ര കാലാവസ്ഥ നിരീക്ഷണ കേന്ദ്രം. തിങ്കളാഴ്ച വരെ മണിക്കൂറില്‍ 30 മുതല്‍ 40 കിലോമീറ്റര്‍ വരെ വേഗത്തില്‍ ശക്തമായ കാറ്റിനും ഒറ്റപ്പെട്ടയിടങ്ങളില്‍ ഇടിമിന്നലോടുകൂടിയ മഴക്കും സാധ്യതയുണ്ട്​.

ജാഗ്രത നിർദേശങ്ങൾ പുറത്തിറക്കിയിട്ടുണ്ട്. ഉച്ചയ്ക്ക് രണ്ടു മുതൽ രാത്രി 10 വരെ മിന്നലിന് സാധ്യത കൂടുതലാണെന്നാണ് മുന്നറിയിപ്പ്.

അതേസമയം, തെക്കന്‍ തമിഴ്നാട് തീരത്തിനു​ മുകളില്‍ രൂപപ്പെട്ട ചക്രവാതച്ചുഴി ദുര്‍ബലമായതായി കേന്ദ്ര കാലാവസ്ഥ വകുപ്പ് അറിയിച്ചു.

മൂഴിയാർ ഡാമിന്‍റെ ഷട്ടർ ഉയർത്തും. ശബരിഗിരി വൃഷ്ടി പ്രദേശത്തെ മഴയിൽ കക്കട്ടാറിന്‍റെ തീരുത്തുള്ളവർക്ക് ജാഗ്രതാ നിർദേശം നൽകി.