ശക്തമായ മഴക്ക് സാധ്യത; മൂന്നു ജില്ലകളിൽ റെഡ് അലർട്ട്

തിരുവനന്തപുരം: സംസ്ഥാനത്ത് ഇന്നും ശക്തമായ മഴക്ക് സാധ്യതയെന്ന് മുന്നറിയിപ്പ്. പത്തനംതിട്ട, കോട്ടയം, ഇടുക്കി ജില്ലകളിൽ റെഡ് അലർട്ടാണ്. തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്. മറ്റു ജില്ലകളിൽ യെല്ലോ അലർട്ടും ഉണ്ട്.

പത്തനംതിട്ടയിൽ നാളെയും റെഡ് അലർട്ടുണ്ട്. മത്സ്യത്തൊഴിലാളികൾക്ക് ജാഗ്രത നിർദേശം പുറപ്പെടുവിച്ചു. കേരള തീരത്ത് മത്സ്യ ബന്ധനം വിലക്കിയിരിക്കുകയാണ്.

ഈരാറ്റുപേട്ട - വാഗമണ്‍ റോഡിലെ രാത്രി യാത്രക്ക് ഇന്നും നിരോധനമുണ്ട്.

മഴ ശക്തമായതോടെ അതിരപ്പിള്ളി, വാഴച്ചാല്‍ വിനോദ സഞ്ചാര കേന്ദ്രങ്ങൾ അടച്ചു. രാവിലെ ആറ് മുതൽ വൈകീട്ട് നാല് വരെ അന്തർ സംസ്ഥാന യാത്രക്കാർക്ക് ഇതിലൂടെ സഞ്ചരിക്കാം. കെ.എസ്.ആര്‍ടി.സി ബസുകളും സർവീസ് നടത്തും.