സംസ്ഥാനത്ത്​ കനത്ത മഴക്ക്​ സാധ്യത; അഞ്ച്​ ജില്ലകളിൽ ഓറഞ്ച്​ അലർട്ട്​

തിരുവനന്തപുരം: സംസ്ഥാനത്ത്​ കനത്ത മഴക്ക്​ സാധ്യതയെന്ന്​ കാലാവസ്ഥ പ്രവചനം. ബംഗാൾ ഉൾക്കടലിൽ രൂപംകൊണ്ട ന്യൂനമർദ്ദമാണ്​ മഴക്ക്​ കാരണം. മൂന്ന്​ ദിവസം സംസ്ഥാനത്ത്​ കനത്തമഴയുണ്ടാകുമെന്ന്​ കാലവസ്ഥ നിരീക്ഷണ കേന്ദ്രം അറിയിച്ചു. കനത്തമഴ പ്രവചിച്ചതിന്​ ​തുടർന്ന്​ അഞ്ച്​ ജില്ലകളിൽ ഓറഞ്ച്​ അർട്ട്​ പ്രഖ്യാപിച്ചിട്ടുണ്ട്​. പത്തനംതിട്ട, പാലക്കാട്​, കോട്ടയം, മലപ്പുറം, ഇടുക്കി ജില്ലകളിലാണ്​ ഓറഞ്ച്​ അലർട്ട്​.

തെക്ക് കിഴക്കൻ ബംഗാൾ ഉൾകടലിൽ രൂപപ്പെട്ട ന്യുനമർദ്ദം അടുത്ത 36 മണിക്കൂറിനുള്ളിൽ വീണ്ടും ശക്തി പ്രാപിച്ച് തീവ്ര ന്യുന ർദ്ദമായി മാറി പടിഞ്ഞാറു - വടക്ക് പടിഞ്ഞാറു സഞ്ചരിച്ചു നവംബർ 11 രാവിലെയോടെ തമിഴ്നാടിന്‍റെ വടക്കൻ തീരത്ത് കരയിൽ പ്രവേശിക്കാനാണ്​ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.

മധ്യ അറബികടലിൽ നിലവിലുള്ള ന്യുന മർദ്ദം അടുത്ത 3 ദിവസം കൂടി പടിഞ്ഞാറു -തെക്ക് പടിഞ്ഞാറു ദിശയിൽ സഞ്ചരിക്കാൻ സാധ്യത​യുണ്ടെന്നും കാലാവസ്ഥ വകുപ്പ്​ വ്യക്​തമാക്കി.