ഹാദിയക്ക്​ നീതി; വിദ്യാർഥിനികൾ സെ​​ക്ര​േട്ടറിയറ്റ്​ മാർച്ച്​ നടത്തി

 തിരുവനന്തപുരം: വീട്ടുതടങ്കലിൽ കഴിയുന്ന ഹാദിയ​യെ മോചിപ്പിക്കണമെന്ന്​ ആവശ്യപ്പെട്ട്​ വിദ്യാർഥിനികൾ സെക്ര​േട്ടറിയറ്റ് മാർച്ച്​ നടത്തി. ‘സിറ്റിസൺസ്​ ഫോർ ഹാദിയ’ ബാനറിൽ നടത്തിയ മാർച്ചിൽ ജെ.എൻ.യു, ഹൈദരാബാദ്, പോണ്ടിച്ചേരി, കേരള എന്നീ സർവകലാശാലകളിലെ വിദ്യാര്‍ഥിനികൾ പ​െങ്കടുത്തു. ഇഷ്​ടമുള്ള മതം തെരഞ്ഞെടുത്തെന്ന പേരിൽ പ്രായപൂർത്തിയായ ​യുവതിയെ വീട്ടുതടങ്കലിൽ പാർപ്പിച്ചിരിക്കുന്നത്​ പരിഷ്​കൃത സമൂഹത്തിന്​ ചേർന്നതല്ലെന്ന്​ ഇവർ പറഞ്ഞു.

ഇടതുസർക്കാർ ഭരിക്കുന്ന സംസ്ഥാനത്ത്​ ഇത്തരമൊരു അവസ്ഥ സൃഷ്​ടിക്കപ്പെട്ടത്​ ലജ്ജാകരമാണ്​. സംഘ്​പരിവാർ പ്രതിഷേധം കണക്കിലെടുത്താണ്​ പൊലീസ്​ ​പ്രവർത്തിക്കുന്നത്​. കടുത്ത മനുഷ്യാവകാശ ലംഘനം നടന്നിട്ടും കണ്ടില്ലെന്ന്​ നടിക്കുകയാണ്​​. ഹാദിയയെ കാണാനോ സംസാരിക്കാനോ ആരെയും അനുവദിക്കുന്നില്ല. ഹാദിയക്ക്​ പറയാനുള്ളത്​ കേൾക്കാൻ തയാറാകണമെന്നും ഭർത്താവിനെ വേട്ടയാടരുതെന്നും ആവശ്യപ്പെട്ടു.

ജെ.എൻ.യു വിദ്യാർഥി നേതാവ്​ ഭൂപാലി മേഗർ ഉദ്​ഘാടനം ചെയ്​തു. ഡോ. വർഷ ബഷീർ അധ്യക്ഷത വഹിച്ചു. മൃദുല ഭവാനി, അഡ്വ. ഗ്രീഷ്​മ, സുധീഷ്​ കണ്ണാടി, ശരണ്യ മോൾ, വിനീത വിജയൻ, വിവിധ സംഘടന പ്രതിനിധികളായ ഷഫീഖ്​ വഴിമുക്ക്​ (എം.എസ്​.എഫ്​), തസ്​നി മുഹമ്മദ്​ (ജി.​െഎ.ഒ), മുഹമ്മദ്​ റാഷിദ്​ (കാമ്പസ്​ ഫ്രണ്ട്​), പി.പി. ജസീം (എസ്​.​െഎ.ഒ), സജി കൊല്ലം (ഡി.എച്ച്​.ആർ.എം), സജീദ്​ ഖാലിദ്​ (വെൽ​െഫയർ പാർട്ടി), സാജൻ (ദലിത്​ പാന്തേഴ്​സ്​), കെ.എച്ച്​. നാസർ (പോപുലർ ഫ്രണ്ട്​), ഡോ. ദസ്​തഗീർ (മൈനോറിറ്റി റൈറ്റ്​സ്​ വാച്ച്​), നസീമ (നാഷനൽ വിമൻസ്​ ഫ്രണ്ട്​), ഹഫ്​സ (ഹരിത) എന്നിവർ സംസാരിച്ചു. റെനി അയ്​ലിൻ നന്ദി പറഞ്ഞു.