റിയൽ എസ്​റ്റേറ്റ്​ കൊല: ഉ​ദ​യ​ഭാ​നു​വി​നെ ക​സ്​​റ്റ​ഡി​യി​ല്‍  ചോ​ദ്യം​ചെ​യ്യ​ണ​മെ​ന്ന്​ പൊ​ലീ​സ്​

കൊച്ചി: റിയല്‍ എസ്​റ്റേറ്റ് ഇടനിലക്കാരന്‍ രാജീവിനെ കൊലപ്പെടുത്തിയ കേസിൽ പ്രമുഖ അഭിഭാഷകൻ ഉദയഭാനു നൽകിയ മുൻകൂർ ജാമ്യ ഹരജി ഹൈകോടതി വിധി പറയാൻ മാറ്റി. ഏഴാം പ്രതിയായ ഹരജിക്കാര​​െൻറയും പ്രോസിക്യൂഷ​​െൻറയും കക്ഷി ചേർന്ന രാജീവി​​െൻറ മകൻ അഖിലി​​െൻറയും വാദം കേട്ട​ ശേഷമാണ്​ വിധി പറയാൻ മാറ്റിയത്​. പ്രതികളുമായി ഫോണിൽ സംസാരിച്ചതി​​െൻറ അടിസ്ഥാനത്തിൽ ഉദയഭാനുവിനെ അറസ്​റ്റ്​ ചെയ്യുന്നതും പ്രതിയാക്കുന്നതും നിയമപരമല്ലെന്ന്​ അദ്ദേഹത്തിന്​ വേണ്ടി ഹാജരായ രണ്ട്​ മുതിർന്ന അഭിഭാഷകർ ചൂണ്ടിക്കാട്ടി.

രാജീവി​​െൻറ മകന്‍ അഖിലിന് വേണ്ടി ഹാജരായ മുതിര്‍ന്ന അഭിഭാഷകനും പ്രോസിക്യൂഷനൊപ്പം ജാമ്യ ഹരജിയെ ശക്തമായി എതിര്‍ത്തു. ഉദയഭാനുവിന്​ പ്രതികളുമായും കൊലപാതകവുമായും ബന്ധമുണ്ടെന്നതിന്​ ഒ​േട്ടറെ തെളിവ്​ ലഭിച്ചിട്ടുണ്ടെന്നും കസ്​റ്റഡിയിലെടുത്ത് ചോദ്യം ചെയ്യല്‍ നിര്‍ബന്ധമാണെന്നുമായിരുന്നു പ്രോസിക്യൂഷ​​െൻറ വാദം. ഉദയഭാനുവി​​െൻറ ഓഫിസില്‍നിന്ന് പിടിച്ചെടുത്ത കമ്പ്യൂട്ടര്‍ ഹാര്‍ഡ് ഡിസ്‌ക് ഫോറന്‍സിക്​ പരിശോധനക്ക്​ ലാബിലേക്ക്​ അയച്ചിട്ടുണ്ടെന്നും പ്രോസിക്യൂഷന്‍ ചൂണ്ടിക്കാട്ടി. 

സംഭവത്തി​​െൻറ മുഖ്യ സൂത്രധാരനാണ് ഉദയഭാനുവെന്നും നിയമത്തി​​െൻറ പിടിയിൽനിന്ന് രക്ഷപ്പെടാനാണ് മുൻകൂർ ജാമ്യ ഹരജി നൽകിയിട്ടുള്ളതെന്നും ചൂണ്ടിക്കാട്ടിയാണ്​ അഖിൽ കക്ഷിചേരൽ ഹരജി നൽകിയത്​.