വാർഡംഗത്തിന്​ കോവിഡ്​; പ്രവർത്തനം താളംതെറ്റി ചാലക്കുടി നഗരസഭ

ചാലക്കുടി: നഗരസഭയിലെ അംഗത്തിന് കോവിഡ് 19 സ്ഥിരീകരിച്ചതിനെ തുടർന്ന് ആശുപത്രിയിൽ പ്രവേശിപ്പിച്ചു. ഇതേ തുടർന്ന്​ നഗരസഭ ഓഫീസി​െൻറ പ്രവർത്തനം വരും ദിവസങ്ങളിൽ തടസപ്പെടും. നഗരസഭയിലെ ആരോഗ്യ വിഭാഗത്തിലെ ജീവനക്കാരന് കോവിഡ് സ്ഥിരീകരിച്ചിരുന്നതിനെ തുടർന്ന് കഴിഞ്ഞ നാല്​ ദിവസമായി ഓഫീസ് അടച്ചു പൂട്ടിയിരുന്നു.

തിങ്കളാഴ്ച മുതൽ പ്രവർത്തനം ആരംഭിക്കാൻ ഒരുങ്ങുന്നതിനിടെയാണ്​ വാർഡംഗത്തിന് കോവിഡ് സ്ഥിരീകരിച്ചത്. ഇവർ നഗരസഭയുടെ പ്രവർത്തനങ്ങളുമായി ബന്ധപ്പെട്ട് പ്രവർത്തിച്ചിരുന്നു. ഇതോടെ​ നഗരസഭയുടെ പ്രവർത്തനം അവതാളത്തിലാക്കിയിരിക്കുകയാണ്​.

കോവിഡ്​ സ്ഥിരീകരിച്ചയാൾ ഞായറാഴ്ച രാവിലെയും ചാലക്കുടി മാർക്കറ്റിൽ നടന്ന ശുചീകരണ പരിപാടികളിൽ പങ്കെടുത്തത് ഏവരേയും ആശങ്കയിലാഴ്​ത്തിയിട്ടുണ്ട്​​.