ചെയര്‍മാൻ തെരഞ്ഞെടുപ്പിന് സംസ്ഥാന കമ്മിറ്റി വിളിക്കാൻ ജോസഫിന് മാണി വിഭാഗത്തി​െൻറ കത്ത്

കോട്ടയം: കേരള കോൺഗ്രസ് എം ചെയർമാനെ തെരഞ്ഞെടുക്കാൻ സംസ്ഥാന കമ്മിറ്റി യോഗം ഉടൻ വിളിക്കണമെന്നാവശ്യപ്പെട്ട് മാ ണി വിഭാഗം കത്തുനൽകി. സംസ്ഥാന കമ്മിറ്റി അംഗങ്ങൾ ഒപ്പിട്ട കത്ത് എം.എൽ.എമാരായ റോഷി അഗസ്​റ്റിനും പ്രഫ. എൻ. ജയരാജും ച േർന്നാണ് വർക്കിങ്​ ചെയർമാൻ പി.ജെ. ജോസഫിന് കൈമാറിയത്. അതിനിർണായക സാഹചര്യത്തിലൂടെ ദേശീയ, സംസ്ഥാന രാഷ്​ട്രീയം കടന്നുപോകുമ്പോൾ ചെയർമാനെ തെര​െഞ്ഞടുക്കാത്തത് രാഷ്​ട്രീയമായും സംഘടനപരമായും പ്രതിസന്ധിയാണ് സൃഷ്​ടിക്കുന്നതെന്ന് കത്തിൽ ചൂണ്ടിക്കാട്ടുന്നു.

കേരള കോൺഗ്രസ് ഭരണഘടന പ്രകാരം സംസ്ഥാന കമ്മിറ്റിയിലെ ആകെ അംഗസംഖ്യയുടെ നാലിൽ ഒന്ന് അംഗങ്ങൾ ഒപ്പിട്ട് രേഖാമൂലം ആവശ്യപ്പെട്ടാൽ സംസ്ഥാന കമ്മിറ്റി വിളിച്ചുചേർക്കാതിരിക്കാനാവില്ല. ഭരണഘടനയിലെ 11ാം വകുപ്പി​​െൻറ അടിസ്ഥാനത്തിലാണ് സംസ്ഥാന കമ്മിറ്റിയിലെ ഭൂരിപക്ഷം അംഗങ്ങളുടെ പിന്തുണയുള്ള മാണി വിഭാഗം കൃത്യം 127 അംഗങ്ങൾ ഒപ്പിട്ട കത്ത് ആദ്യഘട്ടമെന്ന നിലയിൽ നൽകിയത്.

കേരള കോൺഗ്രസ് പാർട്ടി ലീഡറെ ജൂൺ ഒമ്പതിന് മുമ്പ്​ തെര​െഞ്ഞടുക്കണമെന്ന് സ്പീക്കർ നൽകിയ കത്തിൽ നിർദേശിച്ചിട്ടുണ്ട്. കേരള കോൺഗ്രസ് ഭരണഘടന പ്രകാരം പാർട്ടി ചെയർമാ​​െൻറ അധ്യക്ഷതയിൽ ​േചരുന്ന പാർലമ​െൻററി പാർട്ടി യോഗത്തിൽ മാത്ര​േമ ലീഡറെ തെരഞ്ഞെടുക്കാനാവൂ. സംസ്ഥാന കമ്മിറ്റി വിളിച്ചുചേർത്ത്​ ജനാധിപത്യപരമായി യോഗം ചേർന്ന്​ ചെയർമാനെ തെരഞ്ഞെടുക്കണമെന്ന ആവശ്യം കണ്ടില്ലെന്ന് നടിക്കുന്ന നേതൃത്വം, സ്പീക്കറുടെ നിർദേശം ലഭിച്ചിട്ടും നടപടി സ്വീകരിക്കാത്ത സാഹചര്യത്തിലാണ് കത്തെന്നാണ് മാണി വിഭാഗം പറയുന്നത്. കേരള കോൺഗ്രസ് ഭരണഘടന പ്രകാരം ചെയർമാനെ തെര​െഞ്ഞടുക്കാനുള്ള പരമാധികാര സമിതി സംസ്ഥാന കമ്മിറ്റിയാണ്. സ്പീക്കർ നിർദേശിച്ച തീയതിക്ക് മുമ്പ്​ ചെയർമാൻ തെരഞ്ഞെടുപ്പി​​െൻറ നടപടികൾ പൂർത്തീകരിക്കണമെന്നാണ് മാണി വിഭാഗം ആവശ്യപ്പെടുന്നത്. കത്തി​​െൻറ പകർപ്പ്​ ഡെപ്യൂട്ടി ചെയർമാൻ സി.എഫ്. തോമസ് എം.എൽ.എക്കും വൈസ് ചെയർമാൻ ജോസ് കെ. മാണിക്കും നൽകി.