ഡെലിവറി ബോയ് ചമഞ്ഞെത്തി യുവതിയുടെ മാല കവര്‍ന്നു

കാഞ്ഞിരപ്പള്ളി: ഡെലിവറി ബോയ് ചമഞ്ഞ് വീട്ടില്‍ കയറി യുവതിയുടെ മാല കവര്‍ന്നു. കൂവപ്പള്ളി ആലമ്പരപ്പ് അജിത്തി​െൻറ ഭാര്യ ഊര്‍മിളയുടെ (23) മാലയാണ് കവര്‍ന്നത്.

തോളിൽ ഡെലിവറി ബാഗ് തൂക്കിയെത്തിയ യുവാവ് ഒരു ഓൺലൈൻ കമ്പനിയിൽനിന്നാണെന്ന്​ പരിചയപ്പെടുത്തിയാണ്​ വീട്ടിൽ കയറിയത്. തോളില്‍ ബാഗുണ്ടായിരുന്നതിനാൽ യുവതിക്ക് സംശയം തോന്നിയില്ല.

മാല പൊട്ടിക്കാന്‍ ശ്രമിച്ചതോടെ യുവതി തടഞ്ഞെങ്കിലും മുഖത്തിടിച്ച് വീഴ്ത്തിയശേഷം കടന്നുകളയുകയായിരുന്നു. രണ്ടുപേരാണ് എത്തിയതെന്ന് പിന്നീട് യുവതി പൊലീസിന് മൊഴിനല്‍കി.

മോഷ്​ടാവി​െൻറ പിന്നാലെ ഓടിയപ്പോള്‍ റോഡില്‍ മറ്റൊരാള്‍ ബൈക്കില്‍ കാത്തുനില്‍പുണ്ടായിരു​െന്നന്ന്​ യുവതി പറഞ്ഞു. നഷ്​ടമായ മാല മുക്കുപണ്ടമാണെന്നും താലി സ്വര്‍ണമായിരു​െന്നന്നും യുവതി പൊലീസിനോട് പറഞ്ഞു. സംഭവത്തില്‍ കാഞ്ഞിരപ്പള്ളി പൊലീസ് അന്വേഷണം തുടങ്ങി.