ചാക്കോ വധക്കേസിലെ പ്രതി ഭാസ്​കരപിള്ളക്ക്​ ചാക്കോയുടെ ഭാര്യയുടെ മാപ്പ്​

ചെങ്ങന്നൂർ: കോളിളക്കം സൃഷ്​ടിച്ച ചാക്കോ വധക്കേസിലെ പ്രധാന പ്രതി സുകുമാരകുറുപ്പി​​​െൻറ ബന്ധുവും മറ്റൊരു പ്രതിയുമായ ഭാസ്​കരപിള്ളക്ക്​ ചാക്കോയുടെ ഭാര്യ ശാന്തമ്മ മാപ്പ്​ നൽകി. സംഭവം നടന്ന്​ 34 വർഷത്തിന്​ ശേഷം ശനിയാഴ്​ച വൈകുന്നേരം 5.45ന് ചെങ്ങന്നൂർ മലങ്കര കാതോലിക്ക പള്ളി മേടയിലായിരുന്നു ഇവരുടെ കൂടിക്കാഴ്ച. 

പിടികിട്ടാപ്പുള്ളിയായ സുകുമാരകുറുപ്പി​​​െൻറ ഭാര്യാസഹോദരി ഭർത്താവാണ്​ ഭാസ്​കരപിള്ള. ചാക്കോ വധക്കേസിൽ ജീവപര്യന്ത്യം ശിക്ഷ അനുഭവിച്ച പ്രതിയാണ്​. ചാക്കോയുടെ ഭാര്യക്കൊപ്പം സഹോദരന്മാരായ ജോൺസൺ, ആൻറണി, സാജൻ എന്നിവരും എത്തിയിരുന്നു. അവരും ഭാസ്​കരപിള്ളക്ക്​ മാപ്പ്​ നൽകി. ‘കർത്താവ് നിങ്ങൾക്ക് മാപ്പ്​ നൽകും’. അത​ുകേട്ട്​ പാപഭാരം കൊണ്ട് കണ്ണുകൾ നിറഞ്ഞു.

അന്നത്തെ സാഹചര്യത്തിൽ എന്താണ് സംഭവിക്കുന്നതെന്ന് താൻ അറിഞ്ഞിരുന്നില്ല. അറിയാതെ പെട്ടുപോയതാണ്. കൊലപാതകമാണ്​ ലക്ഷ്യമെന്ന്​ അറിഞ്ഞിരുന്നില്ല -അയാൾ പറഞ്ഞു. ജയിലിൽനിന്നും ഇറങ്ങിയശേഷം വന്ന്​ കാണണമെന്ന് ആഗ്രഹിച്ചിരുന്നു. എന്നാൽ, പ്രതികരണം ഒാർത്ത്​ ഭയപ്പെട്ടു. കൂടിക്കാഴ്​ചക്ക്​ സമ്മതമാണെന്ന ശാന്തമ്മയുടെ ആഗ്രഹം അറിഞ്ഞാണ്​ എത്തിയത്​. 

1984 ജനുവരി 22നാണ്​ ഫിലിം റെപ്രസ​േൻററ്റീവായ ചാക്കോയെ ദേശീയപാതയിൽ കരുവാറ്റ ഭാഗത്തുനിന്ന്​ കാറിൽ കയറ്റി കൊല്ലകടവ് പൈനുംമൂടിന് സമീപം കൊല​പ്പെടുത്തി വിജനമായ പാടത്ത്​ തള്ളിയത്​. മൃതദേഹം കാറിലിട്ട്​ കത്തിച്ച്​ തള്ളുകയായിരുന്നു. ഗൾഫിലായിരുന്ന സുകുമാരകുറുപ്പ്​ ഇൻഷുറൻസ്​ തുക തട്ടിയെടുക്കാൻ ത​​​െൻറ രൂപസാദൃശ്യമുള്ളയാളെ കൊലപ്പെടുത്തുകയായിരുന്നു. സുകുമാരകുറുപ്പിനെ ഇതുവരെ ക​െണ്ടത്താൻ കഴിഞ്ഞിട്ടില്ല. മറ്റുപ്രതികൾ ശിക്ഷ അനുഭവിച്ചു.