നിയ​ന്ത്രണങ്ങളോടെ മദ്യവിൽപ്പന ശാലകൾ തുറക്കാം

ന്യൂഡൽഹി: മേയ്​ 17വരെ ലോക്​ഡൗൺ നീട്ടി കേ​ന്ദ്ര ആഭ്യന്തര മന്ത്രാലയം പുറത്തിറക്കിയ മാർഗരേഖയിൽ നിയന്ത്രണങ്ങളോടെ മദ്യശാലകൾ തുറന്നു പ്രവർത്തിക്കാനും അനുമതി. ബാറുകൾ തുറക്കില്ല. 

പാൻ, ഗുഡ്​ക, പുകയില ഉൽപ്പന്നങ്ങൾ തുടങ്ങിയവ വിൽക്കുന്ന കടകൾക്കും തുറന്നു പ്രർത്തിക്കാൻ അനുമതിയുണ്ട്​. ആളുകൾ തമ്മിൽ സാമൂഹിക അകലം പാലിക്കണം. ഒരു സമയത്ത്​ അഞ്ചുപേരിൽ കൂടുതൽ ആളുകൾ പാടില്ല. പൊതുസ്​ഥലത്ത്​ മദ്യപാനം പാടില്ലെന്നും മാർഗരേഖയിൽ വ്യക്തമാക്കുന്നു. 

പഞ്ചാബും കേരളവും നേരത്തേ മദ്യശാലകൾ തുറക്കാൻ അനുമതി നൽകണമെന്ന്​ കേന്ദ്രത്തോട്​  ആവശ്യപ്പെട്ടിരുന്നു.