ഗൾഫ്​ വിമാന നിരക്കിൽ ഇടപെടില്ല -കേന്ദ്ര സർക്കാർ

ന്യൂഡൽഹി: വിമാന നിരക്ക്​ വർധനവിന്‍റെ കാര്യത്തിൽ കേന്ദ്ര സർക്കാർ ഇടപെടാൻ ഉ​​ദ്ദേശിക്കുന്നി​ല്ലെന്നും ഗൾഫ് രാജ്യങ്ങളിൽ നിന്നും കേരളത്തിലേക്കുള്ള വിമാനയാത്രാ നിരക്കിൽ ഉണ്ടാവുന്ന അനിയന്ത്രിതമായ വർധനവിൽ ഒന്നും ചെയ്യാനില്ലെന്നും കേന്ദ്ര വ്യോമയാന സഹമന്ത്രി വി.കെ. സിങ്. രാജ്യസഭയിൽ എളമരം കരീം എം.പിയുടെ ചോദ്യത്തിന് ​മറുപടി നൽകുകയായിരുന്നു അദ്ദേഹം. ​

വ്യോമയാന മേഖലയിൽ സർക്കാർ നിയന്ത്രണങ്ങൾ എടുത്തുകളഞ്ഞ ശേഷം വിമാന നിരക്ക്​ വിപണിക്ക്​ ​അനുസൃതമാണ്​. നിരക്ക്​ നിശ്ചയിക്കുന്നതും നിയന്ത്രിക്കുന്നതും സർക്കാറല്ല. വിപണി നിയന്ത്രിക്കുന്ന ശക്തികളെ ആശ്രയിച്ചാണ്​ വിമാന ടിക്കറ്റ്​ നിരക്ക്.​ ആഗോള തലത്തിൽ പിന്തുടരുന്ന രീതിയാണിതെന്നും മന്ത്രി പറഞ്ഞു.