കേന്ദ്ര മന്ത്രി പൊൻ രാധാകൃഷ്​ണൻ സന്നിധാനത്തെത്തി VIDEO

പമ്പ: കേന്ദ്ര മന്ത്രി പൊൻ രാധാകൃഷ്​ണൻ ദർശനത്തിനായി സന്നിധാനത്തെത്തി. ബി.ജെ.പി നേതാവ്​ എ.എൻ. രാധാകൃഷ്​ണനും ഒപ്പമുണ്ടായിരുന്നു​. നാഗർകോവിലിലെ വസതിക്കടുത്തുള്ള ക്ഷേത്രത്തിൽ നിന്ന്​ കെട്ടു നിറച്ചാണ്​ പൊൻ രാധാകൃഷ്​ണൻ ശബരിമല യാത്ര തുടങ്ങിയത്​.

നിലക്കലെത്തിയ കേന്ദ്ര മന്ത്രി ഭക്തരുടെ സ്വകാര്യ വാഹനങ്ങൾ പമ്പയിലേക്ക്​ കടത്തി വിടാത്തതിനെതിരെ പൊലീസുമായി വാക്​ തർക്കത്തിലേർപ്പെട്ടിരുന്നു. ഗതാഗത തടസ്സം കാരണമാണ്​ വാഹനം കടത്തി വിടാത്തതെന്നും ഉത്തരവാദിത്തം മന്ത്രി ഏറ്റെടുക്കുമോ എന്നും എസ്​.പി യതീഷ്​ ചന്ദ്ര ചോദിച്ചപ്പോൾ ഉത്തരവാദിത്തം ഏറ്റെടുക്കാൻ തനിക്ക്​ കഴിയില്ലെന്നായിരുന്നു അദ്ദേഹത്തി​​​​​​െൻറ മറുപടി. തുടർന്ന്​ ഒപ്പമുള്ള എ.എൻ. രാധാകൃഷ്​ണൻ യതീഷ്​ചന്ദ്രയോട്​ തട്ടിക്കയറുകയുമുണ്ടായി.

മന്ത്രിയുടെ വാഹനം കടത്തി വിടാമെന്നും ഒപ്പമുള്ളവർക്ക്​ കെ.എസ്​.ആർ.ടി.സി ബസിൽ പോകാമെന്നും പൊലീസ്​ നിലപാട്​ സ്വീകരിച്ചതോടെ പ്രതിഷേധ സൂചകമായി അദ്ദേഹം കെ.എസ്​.ആർ.ടി.സി ബസ്സിലാണ്​ പമ്പയിലേക്ക്​ യാത്രയായത്​. ഉച്ച കഴിഞ്ഞ്​ മൂന്ന്​ മണിയോടുകൂടിയാണ്​ അദ്ദേഹം സന്നിധാനത്ത്​ എത്തിയത്​.