വ​യ​നാ​ടിന് കേ​ന്ദ്ര വായ്പ: സമയപരിധിയിൽ ഇളവ്​ തേടും

തി​രു​വ​ന​ന്ത​പു​രം: വ​യ​നാ​ട്​ പു​ന​ര​ധി​വാ​സ​ത്തി​നാ​യി കേ​ന്ദ്രം അ​നു​വ​ദി​ച്ച വാ​യ്പാ​തു​ക ചെ​ല​വ​ഴി​ക്കു​ന്ന​തി​നു​ള്ള സ​മ​യ​പ​രി​ധി​യി​ൽ ഇ​ള​വ്​ തേ​ടി കേ​ന്ദ്ര​ത്തെ സ​മീ​പി​ക്കാ​ൻ സ​ർ​ക്കാ​ർ ആ​ലോ​ച​ന. മൂ​ല​ധ​ന നി​ക്ഷേ​പ വാ​യ്​​പ (കാ​പെ​ക്സ്) ഇ​ന​ത്തി​ൽ ല​ഭി​ച്ച 529.50​ കോ​ടി 2025 മാ​ര്‍ച്ച് 31ന് ​മു​മ്പ് ചെ​ല​വ​ഴി​ക്ക​ണ​മെ​ന്നാ​ണ്​ കേ​ന്ദ്ര നി​ർ​ദേ​ശം.

ഇ​ത്ര​യും തു​ക ഒ​ന്ന​ര​മാ​സ സ​മ​യ​പ​രി​ധി​യി​ൽ ചെ​ല​വി​ട​ലും പൂ​ർ​ത്തീ​ക​ര​ണ​വും യൂ​ട്ടി​ലൈ​സേ​ഷ​ൻ സ​ർ​ട്ടി​ഫി​ക്ക​റ്റ്​ ഹാ​ജ​രാ​ക്ക​ലും അ​പ്രാ​യോ​ഗി​ക​മാ​യ​തി​നാ​ലാ​ണ്​ സ​മ​യ​പ​രി​ധി നീ​ട്ടു​ന്ന​തി​ന്​ കേ​ന്ദ്ര​ത്തെ സ​മീ​പി​ക്കു​ക. ഒ​ന്ന​ര​മാ​സ​മെ​ന്ന​ത്​ വ​ള​രെ കു​റ​ഞ്ഞ സ​മ​യ​പ​രി​ധി​യാ​ണെ​ന്ന്​ ബോ​ധ്യ​മു​ണ്ടാ​യി​ട്ടും എ​ന്തു​കൊ​ണ്ട്​ നി​ബ​ന്ധ​ന ഉ​ൾ​പ്പെ​ടു​ത്തി എ​ന്ന​തി​ൽ സം​സ്ഥാ​ന സ​ർ​ക്കാ​റി​നും വ്യ​ക്ത​ത​യി​ല്ല.

പ​ദ്ധ​തി​ക​ൾ കൃ​ത്യ​മാ​യി നി​ർ​ദേ​ശി​ച്ച​തി​നാ​ൽ വ​ക​മാ​റ്റാ​നും ക​ഴി​യി​ല്ല. അ​ങ്ങ​നെ വ​ന്നാ​ല്‍ വാ​യ്പ വെ​ട്ടി​ച്ചു​രു​ക്കും. ആ​വ​ര്‍ത്ത​ന പ​ദ്ധ​തി​ക​ളും പാ​ടി​ല്ലെ​ന്നും നി​ർ​ദേ​ശ​ത്തി​ല്‍ പ​റ​യു​ന്നു.

അ​തേ​സ​മ​യം ല​ഭി​ച്ച പ​ണം ചെ​ല​വ​ഴി​ക്കു​ന്ന​തി​നു​ള്ള ന​ട​പ​ടി​ക​ളു​മാ​യി മു​ന്നോ​ട്ടു​പോ​കാ​നാ​ണ്​ തീ​രു​മാ​നം. വാ​യ്പ എ​ങ്ങ​നെ വി​നി​യോ​ഗി​ക്ക​ണ​മെ​ന്ന് ച​ർ​ച്ച ചെ​യ്യാ​ൻ വി​വി​ധ വ​കു​പ്പ് സെ​ക്ര​ട്ട​റി​മാ​രു​ടെ യോ​ഗം വി​ളി​ക്കാ​നാ​ണ്​ സ​ർ​ക്കാ​ർ തീ​രു​മാ​നം. ധ​ന​വ​കു​പ്പ്​ വ​ഴി​യാ​ണ്​ വാ​യ്​​പ ഇ​ട​പാ​ടെ​ങ്കി​ലും റ​വ​ന്യൂ-​ദു​ര​ന്ത നി​വ​വാ​ര​ണ വ​കു​പ്പു​ക​ൾ വ​ഴി​യാ​ണ് നി​ർ​വ​ഹ​ണം. ദു​ര​ന്ത​നി​വാ​ര​ണ വ​കു​പ്പി​ന്റെ നേ​തൃ​ത്വ​ത്തി​ലാ​ണ് പ​ദ്ധ​തി ത​യാ​റാ​ക്കുന്ന​ത്. പ്ര​വ​ർ​ത്ത​ന​ങ്ങ​ൾ തു​ട​ങ്ങി​വെ​ച്ച ​ശേ​ഷ​മാ​കും ഇ​ള​വ്​ തേ​ടി കേ​​ന്ദ്ര​ത്തെ സ​മീ​പി​ക്കു​ക.

529.50​ കോ​ടി രൂ​പ​യു​ടെ 16 പ്ര​വ​ർ​ത്തി​ക​ൾ ​മ​രാ​മ​ത്ത്, ജ​ല​സേ​ച​ന വ​കു​പ്പ്, ജ​ല അ​തോ​റി​റ്റി, കെ.​എ​സ്.​ഇ.​ബി എ​ന്നി​ങ്ങ​നെ നാ​ല്​ നി​ർ​വ​ഹ​ണ ഏ​ജ​ൻ​സി​ക​ളെ ചു​മ​ത​ല​പ്പെ​ടു​ത്തി നി​ർ​വ​ഹി​ക്കാ​നാ​ണ്​ കേ​ന്ദ്ര നി​ർ​ദേ​ശം. ഇ​തി​ൽ ഏ​റ്റ​വും കൂ​ടു​ത​ൽ പ്ര​വ​ർ​ത്തി​ക​ളും വി​ഹി​ത​വും മ​രാ​മ​ത്ത്​ വ​കു​പ്പി​നാ​ണ്. 13 പ​ദ്ധ​തി​ക​ളി​ലാ​യി 428.5 കോ​ടി രൂ​പ.