ലാവ്​ലിൻ കേസ്​: സി.ബി.​െഎ സുപ്രീംകോടതിയിൽ അപ്പീൽ നൽകും

കൊച്ചി: ലാവ​ലിൻ കേസിൽ സി.ബി.​െഎ സുപ്രീം കോടതിയിലേക്ക്​. പിണറായി വിജയൻ ഉൾ​െപ്പടെയുള്ളവരെ കുറ്റവിമുക്​തരാക്കിയ ഹൈകോടതി വിധിക്കെതിരെ നവംബർ 20ന്​ മുമ്പ്​ അപ്പീൽ നൽകാനാണ്​ കൊച്ചിയിലെ സി.ബി.​െഎ അഴിമതിവിരുദ്ധ  യൂനിറ്റി​​െൻറ തീരുമാനം. കേസിൽ ഹൈകോടതി വിധി വന്നിട്ട്​ 21ന്​ 90 ദിവസം തികയുകയാണ്​. ഏഴാം പ്രതിയായ പിണറായി വിജയൻ ഉൾപ്പെടെ മൂന്ന്​ പേരെ കുറ്റവിമുക്​തരാക്കിയ കോടതി കേസിലെ രണ്ട്​, മൂന്ന്​, നാല്​ പ്രതികളായ  കെ.എസ്​.ഇ.ബി ഉദ്യോഗസ്​ഥർ വിചാരണ നേരിടണ​െമന്നും നിർദേശിച്ചിരുന്നു. 

കുറ്റപത്രത്തിലെ കണ്ടെത്തലുകൾ അപൂർണമാണെന്ന വിലയിരുത്തലോടെ പിണറായി അടക്കം ഒമ്പത്​ പേർക്കെതിരെ കുറ്റപത്രം റദ്ദ്​ ചെയ്​ത 2013 ലെ തിരുവനന്തപുരം സി.ബി.​െഎ കോടതി വിധിക്കെതിരെ നൽകിയ റിവിഷൻ ഹരജിയിലായിരുന്നു ആഗസ്​റ്റ്​ 23ന്​ ഹൈകോടതി ഉത്തരവ്​.  വിധി വന്ന്​ മാസങ്ങൾ കഴിഞ്ഞിട്ടും അപ്പീൽ നൽകാത്ത സി.ബി.​െഎ. നിലപാട്​ രൂക്ഷ വിമ​ർശനത്തിന്​ ഇടയാക്കിയിരുന്നു. പടയൊരുക്കം യാത്ര നടത്തുന്ന പ്രതിപക്ഷ നേതാവ്​ രമേശ്​ ചെന്നിത്തല കഴിഞ്ഞ ദിവസം കേസിൽ സി.പി.എമ്മും ബി.ജെ.പിയും ഒത്തുകളിക്കുകയാണെന്ന്​ ആരോപിച്ച്​ വിമർശനം കടുപ്പിച്ചു. തൊട്ടു പിന്നാലെയാണ്​ സി.ബി.​െഎ അപ്പീൽ നൽകാനുള്ള തീരുമാനം അറിയിച്ചത്​.

അപ്പീൽ പോകാ​െമന്ന്​ ഹൈകോടതിയിൽ സി.ബി.​െഎക്ക്​ വേണ്ടി ഹാജരായ അസിസ്​റ്റൻറ്​ സോളിസിറ്റർ ജനറൽ കെ.എം. നടരാജൻ നേര​േത്ത കത്തു നൽകിയിരുന്നു. വിചാരണ നേരിടേണ്ട കസ്​തൂരി രംഗഅയ്യർ ഉൾപ്പെടെ രണ്ട്​ കെ.എസ്​.ഇ.ബി ഉദ്യോഗസ്​ഥർ ഇതിനകം അപ്പീലുമായി സുപ്രീം കോടതിയെ സമീപിച്ചിട്ടുണ്ട്​. ദേശീയ തലത്തിൽ തന്നെ ശ്രദ്ധിക്കപ്പെട്ട ​േകസിൽ  സി.ബി.​െഎ യു​െട ഭാഗത്തുനിന്ന്​ വേണ്ടത്ര ജാഗ്രത ഉണ്ടായില്ലെന്ന വിമർശനം ഉയർന്നിരുന്നു. ഇൗ സാഹചര്യത്തിൽ കുറ്റപത്രത്തിലെ വീഴ്​ചകളെല്ലാം പരിശോധിച്ചശേഷമാകും അപ്പീൽ സമർപ്പിക്കുക.

പിണറായി വിജയൻ വൈദ്യുതി മന്ത്രിയായിരിക്കെ വൈദ്യുതി നിലയങ്ങളുടെ നവീകരണത്തിന്​ കനേഡിയൻ കമ്പനിയായ എസ്​.എൻ.സി ലാവലിന്​ കരാർ നൽകിയതിൽ 374 കോടിയുടെ ക്രമക്കേട്​ ആ​രോപിച്ചാണ്​ കേസ്​.