ആ ജാതിവിവേചനം നടന്നത് ജ​നു​വ​രിയിൽ പയ്യന്നൂരിൽ

പ​യ്യ​ന്നൂ​ർ: ദേ​വ​സ്വം മ​ന്ത്രി കെ. ​രാ​ധാ​കൃ​ഷ്ണ​ന് നേ​രെ ജാ​തി​വി​വേ​ച​നം ന​ട​ന്ന​ത് പ​യ്യ​ന്നൂ​രി​ലെ ക്ഷേ​ത്ര​ത്തി​ൽ. പ​യ്യ​ന്നൂ​ർ ന​ഗ​ര​ത്തോ​ട് ചേ​ർ​ന്ന മ​ല​ബാ​ർ ദേ​വ​സ്വം ബോ​ർ​ഡി​ന് കീ​ഴി​ലെ ന​മ്പ്യാ​ത്ര​കൊ​വ്വ​ൽ ശി​വ​ക്ഷേ​ത്ര​ത്തി​ൽ ഈ ​വ​ർ​ഷം ജ​നു​വ​രി 26നാ​ണ് ദു​ര​നു​ഭ​വ​മു​ണ്ടാ​യ​ത്. ക്ഷേ​ത്ര​ത്തി​ന്റെ ന​ട​പ്പ​ന്ത​ൽ ഉ​ദ്ഘാ​ട​ന​ത്തി​ന് എ​ത്തി​യ​പ്പോ​ഴാ​ണ് സം​ഭ​വം.

പൂ​ജാ​രി​മാ​ർ വി​ള​ക്കു​കൊ​ളു​ത്തി​യ​ശേ​ഷം മ​ന്ത്രി​ക്ക് കൈ​മാ​റാ​തെ താ​ഴെ വെ​ച്ച​താ​ണ് വി​വാ​ദ​മാ​യ​ത്. താ​ഴെ​നി​ന്ന് വി​ള​ക്കെ​ടു​ത്ത് ദേ​വ​സ്വം എ​ക്സി​ക്യൂ​ട്ടി​വ് ഓ​ഫി​സ​ർ ന​ൽ​കി​യെ​ങ്കി​ലും മ​ന്ത്രി അ​ത് വാ​ങ്ങാ​ൻ ത​യാ​റാ​യി​ല്ല. സി.​പി.​എം നേ​താ​വ് കൂ​ടി​യാ​യ സ്ഥ​ലം എം.​എ​ൽ.​എ ടി.​ഐ. മ​ധു​സൂ​ദ​ന​ൻ, ക്ഷേ​ത്രം ട്ര​സ്റ്റി ബോ​ർ​ഡ് ചെ​യ​ർ​മാ​ൻ ടി.​പി. സു​നി​ൽ​കു​മാ​ർ, ന​ഗ​ര​സ​ഭ ജ​ന​പ്ര​തി​നി​ധി​ക​ൾ തു​ട​ങ്ങി​യ​വ​രും സ്ഥ​ല​ത്തു​ണ്ടാ​യി​രു​ന്നു.

ഉ​ദ്ഘാ​ട​ന​ത്തോ​ട​നു​ബ​ന്ധി​ച്ച് ന​ട​ന്ന മ​ന്ത്രി​യു​ടെ അ​ന്ന​ത്തെ പ്ര​സം​ഗ​ത്തി​ൽ ജാ​തി​വി​വേ​ച​നം വി​ഷ​യ​മാ​യെ​ങ്കി​ലും ഈ ​അ​നു​ഭ​വം പ്ര​ത്യേ​ക​മാ​യി പ​റ​ഞ്ഞി​രു​ന്നി​ല്ല. അ​തു​കൊ​ണ്ടു​ത​ന്നെ അ​ന്ന് വി​വാ​ദ​മാ​യി​ല്ല. മ​ന്ത്രി പ​ങ്കെ​ടു​ക്കു​ന്ന ച​ട​ങ്ങി​ൽ വേ​ണ്ട​ത്ര ജാ​ഗ്ര​ത​പു​ല​ർ​ത്താ​ൻ സം​ഘാ​ട​ക​ർ ത​യാ​റാ​യി​ല്ലെ​ന്ന വി​മ​ർ​ശ​നം അ​ന്നു​ത​ന്നെ ഉ​യ​ർ​ന്നി​രു​ന്നു. എ​ന്നാ​ൽ, ക​ഴി​ഞ്ഞ​ദി​വ​സം കോ​ട്ട​യ​ത്ത് ന​ട​ന്ന ഭാ​ര​തീ​യ വേ​ല​ൻ സൊ​സൈ​റ്റി സം​സ്ഥാ​ന സ​മ്മേ​ള​ന​ത്തി​ൽ മ​ന്ത്രി​ത​ന്നെ ദു​ര​നു​ഭ​വം പ​റ​ഞ്ഞ​തോ​ടെ​യാ​ണ് സം​ഭ​വം പു​റ​ത്ത​റി​ഞ്ഞ​ത്. ഇ​തോ​ടെ, ക്ഷേ​ത്ര ട്ര​സ്റ്റി​യും പ്ര​തി​ക്കൂ​ട്ടി​ലാ​യി.

അ​തേ​സ​മ​യം, വി​ള​ക്ക് നി​ല​ത്തു​വെ​ച്ച​ത് വി​വേ​ച​ന​മ​ല്ലെ​ന്നും ആ​ചാ​ര​ത്തി​ന്റെ ഭാ​ഗ​മാ​ണെ​ന്നും ബ​ന്ധ​പ്പെ​ട്ട​വ​ർ വ്യ​ക്ത​മാ​ക്കി. പൂ​ജാ​രി​മാ​ർ പാ​ലി​ക്കേ​ണ്ട ആ​ചാ​ര​ങ്ങ​ളി​ലൊ​ന്നാ​ണ​ത്. കു​ളി​ച്ച് പൂ​ജ​ക്ക് ത​യാ​റാ​യാ​ൽ മ​റ്റു​ള്ള​വ​രു​മാ​യി സ​മ്പ​ർ​ക്കം പാ​ടി​ല്ലെ​ന്ന ആ​ചാ​രം പാ​ലി​ക്കു​ക മാ​ത്ര​മാ​ണു​ണ്ടാ​യ​തെ​ന്നും ബ​ന്ധ​പ്പെ​ട്ട​വ​ർ വ്യ​ക്ത​മാ​ക്കി. അ​തേ​സ​മ​യം, വി​ഷ​യ​ത്തി​ൽ ക്ഷേ​ത്ര​ക​മ്മി​റ്റി ഭാ​ര​വാ​ഹി​ക​ൾ പ്ര​തി​ക​രി​ച്ചി​ല്ല.

അ​ന്ന് സ്ഥ​ല​ത്തു​ണ്ടാ​യി​രു​ന്നി​ല്ല

-​​ക്ഷേ​ത്രം തന്ത്രി

പ​യ്യ​ന്നൂ​ർ: സം​ഭ​വം ന​ട​ക്കു​മ്പോ​ൾ സ്ഥ​ല​ത്തു​ണ്ടാ​യി​രു​ന്നി​ല്ലെ​ന്ന് ന​മ്പ്യാ​ത്ര​കൊ​വ്വ​ൽ ശി​വ​ക്ഷേ​ത്രം ത​ന്ത്രി തെ​ക്കി​നി​യേ​ട​ത്ത് ത​ര​ണ​നെ​ല്ലൂ​ർ പ​ത്മ​നാ​ഭ​ൻ ഉ​ണ്ണി ന​മ്പൂ​തി​രി​പ്പാ​ട്. മ​ന്ത്രി​യോ എം.​എ​ൽ.​എ​യോ പ​രാ​തി പ​റ​ഞ്ഞി​ട്ടി​ല്ല. മാ​ധ്യ​മ​ങ്ങ​ളി​ലൂ​ടെ​യാ​ണ് മ​ന്ത്രി​യു​ടെ പ​രാ​തി അ​റി​ഞ്ഞ​ത്. അ​ന്നു​ത​ന്നെ പ​രാ​തി ശ്ര​ദ്ധ​യി​ൽ​പെ​ടു​ത്താ​മാ​യി​രു​ന്നു. ഇ​പ്പോ​ൾ ആ​രോ​പ​ണം ഉ​ന്ന​യി​ച്ച​ത് എ​ന്തി​നെ​ന്ന് അ​റി​യി​ല്ല. ജാ​തി​വി​വേ​ച​നം നി​ല​നി​ൽ​ക്കു​ന്നു എ​ന്ന് പ​റ​യാ​ൻ ക​ഴി​യി​ല്ല. സാ​ഹ​ച​ര്യം എ​ന്താ​ണെ​ന്ന് പ​രി​ശോ​ധി​ക്ക​ണം. ഓ​രോ അ​മ്പ​ല​ങ്ങ​ളി​ലും ഓ​രോ രീ​തി​യാ​ണെ​ന്നും ത​ന്ത്രി പ​റ​ഞ്ഞു.