കശുവണ്ടി വികസന കോർപ്പറേഷനെതിരെ വിജിലൻസ് ​അന്വേഷണം

​കൊല്ലം: കശുവണ്ടി വികസന കോർപ്പറേഷനെതിരെ ത്വരിതാന്വേഷണം നടത്താൻ വിജിലൻസ് തീരുമാനം. കഴിഞ്ഞ നവംബറിൽ കശുവണ്ടി കോർപറേഷനിൽ നടന്ന 14.5 കോടി രൂപയുടെ ഇടപാടിൽ അഴിമതി നടന്നെന്ന്​ ആരോപിച്ച് കടകംപള്ളി മനോജ്​ നൽകിയ പരാതിയിലാണ് ​അന്വേഷണത്തിന്​ വിജിലൻസ്​ ഉത്തരവിട്ടത്​.

ഇടപാടുമായി ബന്ധപ്പെട്ട ഫയലുകൾ തിങ്കളാഴ്ച വിജിലൻസ്​ പരിശോധിക്കും. യു.ഡി.എഫ്​ ഭരണ കാലത്ത്​ ആർ. ചന്ദ്രശേഖരനെതിരെ രംഗത്തുവന്നയാളാണ്​ മനോജ്​. ഇടതു സർക്കാർ  അധികാരത്തിൽ വന്നശേഷം കോർപ്പറേഷനെതിരെ നടക്കുന്ന ആദ്യ വിജിലൻസ് പരിശോധനയാണിത്.