'നിരന്തരം ശല്യപ്പെടുത്തുന്നു'; നടിയുടെ പരാതിയിൽ സംവിധായകൻ സനൽകുമാർ ശശിധരനെതിരെ കേസ്

കൊച്ചി: പ്രമുഖ നടിയുടെ പരാതിയിൽ സംവിധായകൻ സനൽകുമാർ ശശിധരനെതിരെ കേസ്​. സ്ത്രീത്വത്തെ അപമാനിച്ചെന്ന പരാതിയിൽ എറണാകുളം എളമക്കര പൊലീസാണ്​ കേസെടുത്തത്​. ഇതേ നടിയുടെ പരാതിയിൽ മൂന്നുവർഷം മുമ്പും സനൽകുമാറിനെതിരെ കേസെടുത്തിരുന്നു.

സമൂഹമാധ്യമങ്ങൾ വഴിയും ഫോൺ വഴിയും ബന്ധുക്കളും സുഹൃത്തുക്കളും വഴിയും കഴിഞ്ഞ ആറുവർഷമായി സംവിധായകൻ തന്നെ നിരന്തരം ശല്യപ്പെടുത്തുന്നു എന്നാണ്​ നടിയുടെ പരാതി. പിന്തുടർന്ന്​ ശല്യപ്പെടുത്തൽ, നിരീക്ഷിക്കൽ തുടങ്ങിയ കുറ്റങ്ങൾ ചുമത്തിയാണ്​ കേസെടുത്തിട്ടുള്ളത്​.