Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightയുവതിയെ...

യുവതിയെ വളർത്തുനായ്ക്കൾ കടിച്ചുകീറിയ സംഭവത്തിൽ നാട്ടുകാർക്കെതിരെ പൊലീസ്​ കേസ്​; ഉടമക്കെതിരെ നിസാര വകുപ്പുകൾ മാത്രം

text_fields
bookmark_border
യുവതിയെ വളർത്തുനായ്ക്കൾ കടിച്ചുകീറിയ സംഭവത്തിൽ നാട്ടുകാർക്കെതിരെ പൊലീസ്​ കേസ്​; ഉടമക്കെതിരെ നിസാര വകുപ്പുകൾ മാത്രം
cancel

താമരശ്ശേരി: കോഴിക്കോട്​ അമ്പായത്തോട്ടിൽ യുവതിയെ വളർത്തുനായ്ക്കൾ കടിച്ചുകീറിയ സംഭവത്തിൽ നാട്ടുകാർക്കെതിരെ പൊലീസ്​ കേസ്​. നായയുടെ ഉടമ റോഷനെ അക്രമച്ചതിനാണ്​ കണ്ടാലറിയുന്ന 20ഓളം പേർക്കെതിരെ പൊലീസ്​ കേസ്​ രജിസ്റ്റർ ചെയ്​തത്​. റോഷൻ നൽകിയ പരാതിയിലാണ്​ നടപടി.

അതേസമയം, റോഷനെതിരെ നിസാര വകുപ്പുകൾ മാത്രം ചുമത്തിയതിൽ നാട്ടുകാർ പ്രത​ിഷേധത്തിലാണ്​. ഉന്നത സ്വാധീനമുള്ള വ്യക്​തിയുടെ മകനാണ്​ ​ഇയാൾ.

അമ്പായത്തോട് മിച്ചഭൂമിയിലെ താമസക്കാരിയായ ഫൗസിയക്കാണ് കഴിഞ്ഞ ദിവസം വളർത്തുനായ്​ക്കളുടെ കടിയേറ്റത്. ഇതിന്‍റെ വിഡിയോ പ്രചരിച്ചിരുന്നു. പരിക്കേറ്റ യുവതി കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്​. സംഭവത്തിനു പിന്നാലെ നായയുടെ ഉടമ റോഷനെ പൊലീസ് കസ്റ്റഡിയിലെടുത്തിരുന്നു.

രാവിലെ റോഡിലേക്കിറിങ്ങിയ യുവതിയെ നായ്ക്കൾ അക്രമിച്ചു വീഴ്ത്തി കടിച്ചുകീറുകയായിരുന്നു. ഉടമയായ റോഷൻ ഇത് കണ്ടിട്ടും ആദ്യം അടുത്തേക്ക് വന്നില്ല. പിന്നീട് നാട്ടുകാർ ഓടിക്കൂടിയതിന് ശേഷം മാത്രമാണ് ഇയാളെത്തി നായ്ക്കളെ പിടിച്ചുമാറ്റിയത്. ഈ വളർത്തു നായ്ക്കൾ ഇതിന് മുമ്പും പലരേയും കടിച്ചു പരിക്കേൽപിച്ചിരുന്നു. നാട്ടുകാർ പരാതി നൽകിയതിനെ തുടർന്ന് ഉടമകൾക്ക് പൊലീസ് താക്കീത് നൽകിയിരുന്നതാണ്.

Show Full Article
TAGS:Dog bitten thamarassery 
News Summary - case has been registered against the locals in the incident where the girl was bitten by a pet dog
Next Story