മോഡലുകളുടെ മരണം: സൈജു തങ്കച്ചൻ നടത്തിയ ലഹരി പാർട്ടിയിൽ പങ്കെടുത്ത 17 പേർക്കെതിരെ കേസ്

കൊച്ചി: കൊച്ചിയില്‍ മോഡലുകളുടെ അപകട മരണവുമായി ബന്ധപ്പെട്ട കേസില്‍ പ്രതിയായ സൈജു തങ്കച്ചനൊപ്പം ലഹരിപാര്‍ട്ടികളില്‍ പങ്കെടുത്തവർക്കെതിരെ പൊലീസ് കേസെടുത്തു. ഏഴ് യുവതികളടക്കം 17 പേര്‍ക്കെതിരെ മയക്കുമരുന്ന് ഉപയോഗിച്ചതിനാണ് കേസ് രജിസ്റ്റർ ചെയ്തത്. ഇ​വ​ര്‍ ല​ഹ​രി ഉ​പ​യോ​ഗി​ക്കു​ന്ന​തി​ന്‍റെ ദൃ​ശ്യ​ങ്ങ​ള്‍ സൈ​ജു​വി​ന്‍റെ മൊ​ബൈ​ല്‍ ഫോ​ണി​ല്‍ നി​ന്നും ല​ഭി​ച്ചി​രു​ന്നു.

തനിക്കൊപ്പം ലഹരി ഉപയോഗിച്ചവരുടേയും പാർട്ടി നടന്ന സ്ഥലങ്ങളുടേയും വിവരങ്ങൾ പൊലീസിനോട് സൈജു പറഞ്ഞിട്ടുണ്ട്. സൈ​ജു​വി​ന്‍റെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് കേ​സെ​ടു​ക്കു​ന്ന​ത്. തൃ​ക്കാ​ക്ക​ര, ഇ​ൻ​ഫോ പാ​ർ​ക്, മ​ര​ട്, പ​ന​ങ്ങാ​ട്, ഫോ​ർ​ട്ടു​കൊ​ച്ചി, ഇ​ടു​ക്കി, വെ​ള്ള​ത്തൂ​വ​ൽ സ്റ്റേ​ഷ​നു​ക​ളി​ലാ​കും കേ​സെ​ടു​ക്കു​ക. സൈജുവിന്‍റെ കുറ്റസമ്മത മൊഴിയുടെയും വിഡീയോകളുടെയും അടിസ്ഥാനത്തിലാണ് മയക്കുമരുന്ന പാര്‍ട്ടികൾ നടന്ന പ്രദേശത്തെ പൊലീസ് സ്റ്റേഷനുകളിൽ പ്രത്യേകം കേസെടുത്തത്. കാ​ട്ടു​പോ​ത്തി​നെ വേ​ട്ട​യാ​ടി​യെ​ന്ന കേ​സി​ൽ വ​നം വ​കു​പ്പും സൈ​ജു​വി​നെ​തി​രെ കേ​സെ​ടു​ത്തേ​ക്കും.

17പേരെയും പൊലീസ് ചോദ്യം ചെയ്യാൻ വിളിപ്പിച്ചിട്ടുണ്ട്. ഭൂരിഭാഗം പേരുടെയും മൊബൈല്‍ ഫോണുകൾ സ്വിച്ച് ഓഫ് ചെയ്ത നിലയിലാണ്. മൂന്ന് പേര്‍ മാത്രമാണ് ഇത് വരെ മൊഴി നല്‍കിയത്. ഹാജരായില്ലെങ്കില്‍ ഇവർക്കെതിരെ ക്രിമിനല്‍ നടപടിച്ചട്ട പ്രകാരം നോട്ടീസ് അയക്കാനാണ് തീരുമാനം. അ​തേ​സ​മ​യം, മോ​ഡ​ലു​ക​ളു​ടെ മ​ര​ണ​ത്തി​ല്‍ സൈ​ജു​വി​നെ​തി​രെ ഒ​ന്‍​പ​ത് കേ​സു​ക​ളെ​ടു​ക്കു​മെ​ന്ന് പോ​ലീ​സ് അ​റി​യി​ച്ചു.