മുജാഹിദ് പ്രവര്‍ത്തകര്‍ക്കെതിരെ എടുത്ത കേസ് റദ്ദാക്കണം -ചെന്നിത്തല

തിരുവനന്തപുരം: പറവൂരില്‍ ലഘുലേഖ വിതരണം ചെയ്ത മുജാഹിദ് പ്രവര്‍ത്തകരെ ആർ.എസ്​.എസ്^ബി.ജെ.പി പ്രവര്‍ത്തകർ സ്‌റ്റേഷന് മുന്നില്‍ പൊലീസ് നോക്കി നില്‍ക്കെ ആക്രമിച്ച സംഭവം അതിഗൗരവതരമാണെന്നും പ്രതിപക്ഷ നേതാവ്​ രമേശ് ചെന്നിത്തല. ഇക്കാര്യത്തില്‍ പൊലീസി​​െൻറ ഭാഗത്തുനിന്ന് ഗുരുതമായ വീഴ്ചയാണുണ്ടായത്.

ലഘുലേഖയില്‍ മതവിദ്വേഷം പ്രചരിപ്പിക്കുന്ന ഒന്നുമുണ്ടായിരുന്നില്ല. അതുകൊണ്ടുതന്നെ മതവിദ്വേഷം പ്രചരിപ്പിച്ചതിനെടുത്ത കേസ് റദ്ദാക്കണം. ഇവരെ ആക്രമിച്ചവര്‍ക്ക് നിസ്സാരവകുപ്പുകള്‍ ചുമത്തി സ്‌റ്റേഷന്‍ ജാമ്യം നല്‍കിയത് അംഗീകരിക്കാനാകില്ല. ഇക്കാര്യത്തില്‍ മുഖ്യമന്ത്രിയുടെ മൗനം ദുരൂഹമാണ്.

ഇത്​ അന്വേഷിക്കണമെന്ന്​ ആവശ്യപ്പെട്ട് താന്‍ കഴിഞ്ഞ ദിവസം മുഖ്യമന്ത്രിക്ക് കത്തു നല്‍കിയെങ്കിലും ഈ നിമിഷം വരെ ഒരു നടപടിയും ഉണ്ടായി​െല്ലന്നും അദ്ദേഹം പ്രസ്​താവനയിൽ പറഞ്ഞു.