സാമൂഹിക അകലം പാലിക്കാതെ ധർണ; പി.കെ ബഷീർ എം.എൽ.എക്കെതിരെ കേസ് 

അരീക്കോട്: സാമൂഹിക അകലം പാലിക്കാതെ ധർണ നടത്തിയതിനെ തുടർന്ന്​ പി.കെ. ബഷീർ എം.എൽ.എ ഉൾപ്പെടെ ആറു പേർക്കെതിരെ കേസെടുത്തു. അരീക്കോട് കെ.എസ്.ഇ.ബി ഓഫിസിന് മുന്നിൽ മുസ്​ലിം ലീഗ് ധർണ നടത്തിയിരുന്നു.

പകർച്ചവ്യാധി നിയന്ത്രണ നിരോധന വകുപ്പ് പ്രകാരം മുസ്​ലിം ലീഗ് നേതാക്കളായ പി.വി. മുഹമ്മദ് അരീക്കോട്, പി.പി. സഫറുല്ല, അൻവർ കാരാട്ടിൽ, സുൽഫിക്കർ, കെ.ടി. നാസർ എന്നിവർക്കെതിരെയും കേസെടുത്തു.