പട്ടിൽ പൊതിഞ്ഞ് അവതരിപ്പിച്ചത് സ്ഥിരം വിവാദ സ്ഥാപനം; ഒയാസിസിനെതിരെ അഴിമതിക്കും കള്ളപ്പണം വെളുപ്പിക്കലിനും കേസ്

തി​രു​വ​ന​ന്ത​പു​രം: പാലക്കാട്ടെ എലപ്പുള്ളിയിൽ ബ്രൂ​വ​റി സ്ഥാ​പി​ക്കാ​ൻ അ​നു​മ​തി ല​ഭി​ച്ച ഒ​യാ​സി​സ്​ കൊ​മേ​ഴ്​​സ്യ​ൽ പ്രൈ​വ​റ്റ്​ ലി​മി​റ്റ​ഡി​നെ​തി​രെ അ​ഴി​മ​തി​ക്കും ക​ള്ള​പ്പ​ണം വെ​ളു​പ്പി​ക്ക​ലി​നും കേ​സ്. സ്ഥി​രം വി​വാ​ദ സ്ഥാ​പ​ന​മാ​യ ഒ​യാ​സി​സ്​ ഗ്രൂ​പ്പി​നെ​യാ​ണ്​ മ​ന്ത്രി​യും എ​ക്​​സൈ​സ്​ ക​മീ​ഷ​ണ​റും രാ​ജ്യ​ത്തെ മി​ക​ച്ച സ്ഥാ​പ​ന​മെ​ന്ന്​ വി​ശേ​ഷി​പ്പി​ച്ച​ത്. പ​ഞ്ചാ​ബി​ലെ ശി​രോ​മ​ണി അ​കാ​ലി​ദ​ള്‍ നേ​താ​വും ഫ​രീ​ദ്‌​കോ​ട്ട് മു​ന്‍ എം.​എ​ൽ.​എ​യു​മാ​യ ദീ​പ് മ​ല്‍ഹോ​ത്ര​യു​ടെ ഉ​ട​മ​സ്ഥ​ത​യി​ലു​ള്ള ക​മ്പ​നി​യാ​ണി​ത്.

1987ൽ ​ദീ​പ് മ​ല്‍ഹോ​ത്ര​യു​ടെ പി​താ​വ് ഓം ​പ്ര​കാ​ശ് മ​ല്‍ഹോ​ത്ര ആ​രം​ഭി​ച്ച ഒ​യാ​സി​സ് ഗ്രൂ​പ്​ രാ​ജ്യ​ത്തെ വലിയ മ​ദ്യ​നി​ർ​മാ​ണ​ക്ക​മ്പ​നി​ക​ളി​ലൊ​ന്നാ​ണ്. ഇ​ദ്ദേ​ഹ​ത്തി​ന്റെ മ​ക​നും ഡ​യ​റ​ക്ട​റു​മാ​യ ഗൗ​തം മ​ല്‍ഹോ​ത്ര​യെ ഡ​ല്‍ഹി മ​ദ്യ അ​ഴി​മ​തി​യു​ടെ​യും ക​ള്ള​പ്പ​ണം വെ​ളു​പ്പി​ക്ക​ലി​ന്‍റെ​യും പേ​രി​ല്‍ ഇ.​ഡി അ​റ​സ്റ്റ് ചെ​യ്തി​രു​ന്നു. ഡ​ല്‍ഹി​യി​ലും പ​ഞ്ചാ​ബി​ലും ത​ട്ടി​പ്പും അ​ഴി​മ​തി​യും ന​ട​ത്തി​യ​തി​ന്റെ പേ​രി​ല്‍ ക​മ്പ​നി അ​ന്വേ​ഷ​ണ​വും നേ​രി​ടു​ന്നു.

ഇ.​ഡി, ആ​ദാ​യ നി​കു​തി തു​ട​ങ്ങി​യ കേ​ന്ദ്ര ഏ​ജ​ന്‍സി​ക​ള്‍, ഒ​യാ​സി​സ് ഗ്രൂ​പ്പി​ന്റെ ഉ​ട​മ​ക​ളു​ടെ വീ​ടു​ക​ളി​ലും സ്ഥാ​പ​ന​ങ്ങ​ളി​ലും ക​ഴി​ഞ്ഞ​വ​ര്‍ഷം റെ​യ്ഡ് ന​ട​ത്തി​യി​രു​ന്നു. നി​ര​വ​ധി സാ​മ്പ​ത്തി​ക ക്ര​മ​ക്കേ​ടു​ക​ളാ​ണ് അന്ന് ക​ണ്ടെ​ത്തി​യ​ത്. ഇ​തി​നു​​പു​റ​മെ, ഇവരുടെ ഫി​റോ​സ്പൂ​ർ മ​ന്‍സൂ​ര്‍വാ​ലയിലെ മാ​ല്‍ബ്രോ മ​ദ്യ ഉ​ല്പാ​ദ​ന യൂ​നി​റ്റ് പ​ഞ്ചാ​ബ് സ​ര്‍ക്കാ​ര്‍ പൂ​ട്ടി​ച്ചി​രു​ന്നു.

കു​ഴ​ൽ​ക്കി​ണ​റു​ക​ളി​ലൂ​ടെ വ്യ​വ​സാ​യി​ക മാ​ലി​ന്യം ത​ള്ളി ഭൂ​ഗ​ർ​ഭ​ജ​ലം മ​ലി​ന​മാ​ക്കി​യ​തി​ന്റെ പേ​രി​ലാ​യി​രു​ന്നു ന​ട​പ​ടി. നാ​ല് കി​ലോ​മീ​റ്റ​ര്‍ ചു​റ്റ​ള​വി​ലെ ഉ​പ​രി​ത​ല ജ​ല​വും ഭൂ​ഗ​ര്‍ഭ​ജ​ല​വു​മാ​ണ്​ മ​ലി​ന​മാ​ക്കി​യ​ത്. ഇ​തി​നെ​തി​രെ ജ​ന​ങ്ങ​ള്‍ ആ​റു​മാ​സം ന​ട​ത്തി​യ സ​മ​ര​ത്തി​നൊ​ടു​വി​ലാ​ണ് ക​മ്പ​നി​യു​ടെ പ്ര​വ​ര്‍ത്ത​നം നി​ര്‍ത്തി​വെ​ച്ച​ത്. ഈ ​വി​ഷ​യം പാ​ര്‍ല​മെ​ന്റി​ലെ​ത്തി​യ​പ്പോ​ൾ കേ​ന്ദ്ര മ​ലി​നീ​ക​ര​ണ ബോ​ര്‍ഡും കേ​ന്ദ്ര ഭൂ​ഗ​ര്‍ഭ​ജ​ല ബോ​ര്‍ഡും പ്ര​ദേ​ശം സ​ന്ദ​ര്‍ശി​ച്ച്​ ഗു​രു​ത​ര നി​യ​മ​ലം​ഘ​നം ന​ട​ത്തി​യ​താ​യി റി​പ്പോ​ര്‍ട്ട് ചെ​യ്തു. പ​ഞ്ചാ​ബ് മ​ലി​നീ​ക​ര​ണ നി​യ​ന്ത്ര​ണ ബോ​ര്‍ഡ് ക​മ്പ​നി​ക്കെ​തി​രെ ന​ൽ​കി​യ പ​രാ​തി​യി​ലും കേ​സു​ണ്ട്.

ഹ​രി​യാ​ന, പ​ഞ്ചാ​ബ്, രാ​ജ​സ്ഥാ​ൻ, മ​ധ്യ​പ്ര​ദേ​ശ്, ഉ​ത്ത​ർ​പ്ര​ദേ​ശ് എ​ന്നി​വി​ട​ങ്ങ​ളി​ല്‍ ഡി​സ്റ്റി​ല​റീ​സും മ​റ്റ് അ​നു​ബ​ന്ധ വ്യ​വ​സാ​യ സ്ഥാ​പ​ന​ങ്ങ​ളും ഈ ​ഗ്രൂ​പ്പി​നു​ണ്ട്. പ്ര​തി​വ​ര്‍ഷം 20 കോ​ടി ലി​റ്റ​ര്‍ മ​ദ്യം ഉ​ല്പാ​ദി​പ്പി​ക്കു​ന്ന രാ​ജ്യ​ത്തെ വ​മ്പ​ന്‍ ക​മ്പ​നി​ക​ളി​ലൊ​ന്നാ​ണ് ഒ​യാ​സി​സ് ഗ്രൂ​പ്. ഒ​യാ​സി​സ് ഗ്രൂ​പ്പു​മാ​യി ചേ​ര്‍ന്ന് 2021-22 കാ​ല​ത്ത് ന​ട​ത്തി​യ മ​ദ്യ ഇ​ട​പാ​ടി​ലെ അ​ഴി​മ​തി​യു​ടെ പേ​രി​ല്‍ ഡ​ല്‍ഹി മു​ഖ്യ​മ​ന്ത്രി അ​ര​വി​ന്ദ് കെ​ജ്രി​വാ​ള്‍, ഉ​പ​മു​ഖ്യ​മ​ന്ത്രി മ​നീ​ഷ് സി​സോ​ദി​യ എ​ന്നി​വ​ര്‍ ജ​യി​ലി​ല്‍ കി​ട​ന്നി​രു​ന്നു.

കു​ടി​വെ​ള്ളം ക്ഷാ​മം നേ​രി​ടു​ന്ന ക​ഞ്ചി​ക്കോ​ട്ട്​ പാ​രി​സ്ഥി​തി​ക പ​ഠ​ന​മോ അ​ന്വേ​ഷ​ണ​മോ ന​ട​ത്താ​തെ​യാ​ണ് സ​ര്‍ക്കാ​ര്‍ ബ്രൂ​വ​റി തു​ട​ങ്ങാ​ന്‍ അ​നു​മ​തി ന​ല്‍കി​യ​ത്. ര​ണ്ട് പ​തി​റ്റാ​ണ്ടു​മു​മ്പ് കൊ​ക്ക​ക്കോ​ള ക​മ്പ​നി​യു​ടെ ജ​ല​ചൂ​ഷ​ണ​ത്തി​നെ​തി​രെ സ​മ​രം ന​ട​ത്തി ക​മ്പ​നി​യെ നാ​ടു​ക​ട​ത്തി​യ​തും പാ​ല​ക്കാ​ടാ​ണ്.