വിവാദ പ്രസംഗം: അധ്യാപകനെതിരെ കേസ്​

കൊടുവള്ളി (കോഴിക്കോട്​): വിദ്യാർഥിനികളുടെ വസ്ത്രധാരണ രീതിയെക്കുറിച്ച്​ വിവാദ പരാമർശങ്ങളടങ്ങിയ ​പ്രസംഗം നടത്തിയെന്ന ആരോപണവുമായി ബന്ധപ്പെട്ട്​ അധ്യാപകനെത​ിരെ കേസ്​. ഫാറൂഖ് ട്രെയ്​നിങ് കോളജ്​ അധ്യാപകന്‍ ജൗഹര്‍ മുനവ്വറിനെതിരെയാണ്​ കൊടുവള്ളി പൊലീസ്​ കേസെടുത്തത്​. ഇന്ത്യൻ ശിക്ഷനിയമം 354 എ, 509 വകുപ്പുകൾ പ്രകാരം സ്​ത്രീത്വത്തെ അപമാനിച്ചതിനാണ്​ കേസ്​. 

ഫാറൂഖ്​ കോളജ്​ മൂന്നാം വർഷ ഡിഗ്രി വിദ്യാർഥിനിയുടെ പരാതിയിലാണ്​ നടപടി. കൊടുവള്ളി സ്​റ്റേ​ഷൻ പരിധിയിൽ നരിക്കുനിക്കടുത്ത്​ വ​േട്ടാളിയിൽ നടന്ന പരിപാടിയിലാണ്​ വിവാദ പരാമർശമുണ്ടായത്​. പ്രസംഗത്തി​​െൻറ വിഡിയോ ക്ലിപ്പുകളും മറ്റും വിശദമായി പരിശോധിക്കുമെന്ന്​ എസ്​.​െഎ പി. ​പ്രജീഷ്​ അറിയിച്ചു. സി.​െഎ എ. ചന്ദ്രമോഹ​​െൻറ നേതൃത്വത്തിലാണ്​ അന്വേഷണം.

മതപ്രസംഗത്തിനിടെ, താന്‍ ഫാറൂഖ് കോളജ്​ അധ്യാപകനാണെന്ന്​ പറഞ്ഞ്​ പെണ്‍കുട്ടികളുടെ വസ്​ത്രധാരണ രീതിയെക്കുറിച്ചും മുസ്​ലിം പെണ്‍കുട്ടികളെ ഉപദേശിച്ചും നടത്തിയ പ്രസംഗത്തി​​െൻറ ക്ലിപ്പുകള്‍ പുറത്തുവന്നതാണ് പ്രതിഷേധങ്ങള്‍ക്ക് കാരണമായത്​. ജൗഹര്‍ മുനവ്വറിനെതിരെ നടപടിയാവശ്യപ്പെട്ട് കോളജിൽ പ്രതിഷേധമുയർന്നിരുന്നു. നടപടി ആവശ്യപ്പെട്ട്  വിദ്യാര്‍ഥി സംഘടനകള്‍ സര്‍വകലാശാലക്കും പരാതി നല്‍കിയിരുന്നു.