ഹിന്ദു മഹാ സമ്മേളനത്തിൽ ഹലാൽ, ലൗ-ലാൻഡ് ജിഹാദുകൾ ചർച്ച ചെയ്യാൻ തീവ്ര ക്രിസ്ത്യൻ സംഘടനയായ കാസയും

അനന്തപുരി ഹിന്ദു മാഹാസമ്മേളനത്തി​ന്റെ ഭാഗമായി നടക്കുന്ന ഹിന്ദു യൂത്ത് കോണ്‍ക്ലേവിൽ മുസ്‍ലിം വിരുദ്ധ വിഷയങ്ങൾ ചർച്ച ചെയ്യാൻ തീവ്ര ക്രിസ്ത്യൻ സംഘത്തിന്റെ കൂട്ടായ്മയായ കാസയും. വെള്ളിയാഴ്ച നടക്കുന്ന സെമിനാറിൽ കാസ അംഗങ്ങളും പ​ങ്കെടുക്കും.

ലൗ, ലാന്‍ഡ് ജിഹാദ് ആന്‍ഡ് ഹലാല്‍ എക്കണോമി എന്ന വിഷയത്തെക്കുറിച്ച് കാസ സംസ്ഥാന പ്രസിഡന്റ് കെവിന്‍ പീറ്റര്‍ സംസാരിക്കും. രാവിലെ 10 മുതല്‍ 4 മണിവരെ നാല് സെമിനാര്‍ സെഷനുകളാണുളളത്. പ്രമുഖ എഴുത്തുകാരി ഷഫാലി വൈദ്യയും സെമിനാറില്‍ സംസാരിക്കും.

വൈകുന്നേരം അഞ്ച് മണിക്ക് നടക്കുന്ന സമ്മേളനം മുന്‍ എം.എല്‍.എ പി.സി ജോര്‍ജ് ഉദ്ഘാടനം ചെയ്യും. സന്ദീപ് വാചസ്പതി, മാധ്യമപ്രവര്‍ത്തകന്‍ വടയാര്‍ സുനില്‍, അഡ്വ. കൃഷണരാജ് എന്നിവര്‍ സംസാരിക്കും.