ഓടിക്കൊണ്ടിരുന്ന കാര്‍ കത്തിനശിച്ചു

കൊടകര: ദേശീയപാതയില്‍ അഴകത്തിനു സമീപം സർവീസ് റോഡില്‍ ഓടിക്കൊണ്ടിരുന്ന കാര്‍ കത്തിനശിച്ചു. വട്ടേക്കാട് സ്വദേശികളായ ദമ്പതികള്‍ സഞ്ചരിച്ചിരുന്ന നാനോ കാറാണ് കത്തിനശിച്ചത്.

കാറിനുള്ളില്‍ നിന്ന് തീയും പുകയും ഉയരുന്നത് കണ്ട് ഇവര്‍ പുറത്തിറങ്ങിയതിനാല്‍ ആളപായമുണ്ടായില്ല. പുതുക്കാട്, ചാലക്കുടി എന്നിവിടങ്ങളില്‍ നിന്ന് ഫയര്‍ഫോഴ്‌സ് എത്തി തീയണച്ചു. രാവിലെ ഒമ്പതരയോടാണ് സംഭവം.