നിയന്ത്രണംവിട്ട കാർ പോസ്റ്റിലിടിച്ച് രണ്ടുപേര്‍ക്ക് പരിക്ക്

കൂറ്റനാട്: നിയന്ത്രണംവിട്ട കാർ വൈദ്യുതി പോസ്റ്റിൽ ഇടിച്ചുണ്ടായ അപകടത്തിൽ കർണ്ണാടക സ്വദേശികളായ രണ്ട് പേർക്ക് പരിക്ക്. വ്യാഴാഴ്ച പുലർച്ചെ രണ്ട് മണിയോടെയായിരുന്നു അപകടം.

കുന്നംകുളം ഭാഗത്തേക്ക് പോവുകയായിരുന്ന കാർ ചാലിപ്പുറത്തു വച്ച് നിയന്ത്രണംവിട്ട് വൈദ്യുതി പോസ്റ്റിൽ ഇടിക്കുകയായിരുന്നു. ഇടിയിൽ കാറിന്‍റെ മുൻവശം തകർന്നു. പരിക്ക് പറ്റിയവരെ ആശുപത്രിയിൽ പ്രവേശിപ്പിച്ചു. ചാലിശ്ശേരി പൊലീസ് സ്ഥലത്തെത്തി തുടർ നടപടികൾ സ്വീകരിച്ചു.