വഴിയരികിൽ പൂക്കാൻ പാകമായി കഞ്ചാവ് ചെടി, 'വേരുകൾ' തേടി എക്സൈസ്

പരവൂർ: ചാത്തന്നൂർ എക്‌സൈസ് റേഞ്ച് വിവിധ ഭാഗങ്ങളിൽ നടത്തിയ പരിശോധനയിൽ തിരുമുക്ക് - പരവൂർ റോഡിൽ മീനാട്‌ പാലത്തിന് സമീപമുള്ള റോഡരുകിൽ പൂക്കാൻ പാകമായ ഇലകളോടുകൂടിയ കഞ്ചാവ് ചെടി കണ്ടെത്തി. 75 സെന്‍റി മീറ്റർ നീളമുള്ള കഞ്ചാവ് ചെടിയാണ് കണ്ടത്തിയത്.

റോഡരികിൽ കഞ്ചാവ് ചെടി ശ്രദ്ധയിൽപെട്ട നാട്ടുകാർ എക്‌സൈസിനെ വിളിച്ച് വിവരമറിയിക്കുകയായിരുന്നു. ചെടി നട്ടുവളർത്തിയ ആളെ കണ്ടുപിടിക്കാൻ എക്‌സൈസ് ഉദ്യോഗസ്ഥർ അനേഷണം ആരംഭിച്ചു.