അന്നം തന്നെ ചിഹ്നം

വോ​ട്ടു​തേ​ടു​ന്ന​ത്​ സ്വ​ന്തം തൊ​ഴി​ലു​മാ​യി ബ​ന്ധ​പ്പെ​ട്ട ചി​ഹ്ന​ങ്ങ​ളി​ൽ ത​ന്നെ​യാ​യ​തി​െൻറ ത്രി​ല്ല​ടി​ച്ചി​രി​ക്കു​ന്ന സ്​​ഥാ​നാ​ർ​ഥി​ക​ളു​ണ്ട്​ ത​ദ്ദേ​ശ തെ​ര​ഞ്ഞെ​ടു​പ്പി​ൽ. സ്വ​ത​ന്ത്ര​രാ​യി മ​ത്സ​രി​ക്കു​ന്ന ഇ​വ​ർ അ​വ​രു​ടെ ജീ​വി​ത​മാ​ർ​ഗ​മാ​യ അ​ട​യാ​ള​ങ്ങ​ൾ അ​നു​വ​ദി​ച്ചു​കി​ട്ടി​യ​ത്​ ഭാ​ഗ്യ​മാ​യി ക​രു​തു​ന്നു. പ​രി​ച​യ​പ്പെ​ടു​ത്ത​ലി​െൻറ ആ​വ​ശ്യ​മി​ല്ലാ​തെ സ്വ​ന്തം ചി​ഹ്​​ന​വു​മാ​യി എ​ത്തി വോ​ട്ടു​തേ​ടാ​നി​വ​ർ​ക്കാ​വു​ന്നു എ​ന്ന പ്ര​ത്യേ​ക​ത​യു​മു​ണ്ട്. അ​വ​രെ പ​രി​ച​യ​പ്പെ​ടാം

മു​സ്ത​ഫ​യു​ടെ സ്വ​ന്തം ഓ​ട്ടോ

കോ​ട്ട​ക്ക​ൽ: പ​ത്ത്​ വ​ർ​ഷ​ത്തി​ല​ധി​ക​മാ​യി ന​ഗ​ര​ത്തി​ലെ ഓ​ട്ടോ ഡ്രൈ​വ​റാ​ണ് വാ​ർ​ഡ്​ അ​ഞ്ചി​ലെ ഇ​ട​തു​പ​ക്ഷ സ്വ​ത​ന്ത്ര സ്ഥാ​നാ​ർ​ഥി പ​ര​വ​ക്ക​ൽ മു​സ്ത​ഫ. പ്ര​ചാ​ര​ണം ചൂ​ടു​പി​ടി​ക്കു​ന്ന​തി​നി​ടെ ഇ​ര​ട്ടി​മ​ധു​ര​മാ​യി മു​സ്ത​ഫ​ക്ക്​ ല​ഭി​ച്ച ചി​ഹ്​​ന​മാ​ക​​ട്ടെ ഓ​ട്ടോ​യും. സ്വ​ത​ന്ത്ര​രാ​യി മ​ത്സ​രി​ക്കു​ന്ന​വ​ർ​ക്ക് ഒ​രേ​ചി​ഹ്നം മ​തി​യെ​ന്ന എ​ൽ.​ഡി.​എ​ഫ് നേ​തൃ​ത്വ​ത്തി​െൻറ നി​ല​പാ​ടാ​ണ് തു​ണ​യാ​യ​ത്.

ഇ​തോ​ടെ പാ​ല​പ്പു​റ വാ​ർ​ഡി​ൽ ഓ​ട്ടോ​യി​ൽ വോ​ട്ട​ഭ്യ​ർ​ഥി​ച്ചാ​ണ് പ്ര​ചാ​ര​ണം. ഓ​ട്ടോ തൊ​ഴി​ലാ​ളി​ക​ളു​ടെ ഉ​ന്ന​മ​ന​ത്തി​നു​കൂ​ടി ശ്ര​മി​ക്കു​മെ​ന്ന്​ മു​സ്ത​ഫ പ​റ​യു​ന്നു. 13 വ​ർ​ഷം മു​മ്പ്​ പ്ര​വാ​സ​ജീ​വി​തം മ​തി​യാ​ക്കി​യാ​ണ് നാ​ട​ണ​ഞ്ഞ​ത്. പി​ന്നീ​ടാ​ണ്​ ഓ​​ട്ടോ​ക്കാ​ര​നാ​യ​ത്. ഹ​ഫ്സ​ത്താ​ണ് ഭാ​ര്യ. മു​ഹ്സി​ന, മു​ഹ്സി​ൻ, മു​ഹ്​​ലീ​ഹ് എ​ന്നി​വ​ർ മ​ക്ക​ളാ​ണ്.

ചി​ൻ അ​പ്, ചി​ൻ ഡൗ​ൺ

വ​ളാ​ഞ്ചേ​രി: ന​ഗ​ര​സ​ഭ 16 ആ​ലി​ൻ​ചു​വ​ട് വാ​ർ​ഡി​ൽ​നി​ന്ന്​ എ​ൽ.​ഡി.​എ​ഫ് സ്ഥാ​നാ​ർ​ഥി​യാ​യി കാ​മ​റ ചി​ഹ്​​ന​ത്തി​ൽ ജ​ന​വി​ധി​ തേ​ടു​ന്ന വി.​ടി. നാ​സ​റി​ന് കാ​മ​റ​യാ​ണ്​ ജീ​വി​തം. 1989 മു​ത​ൽ ഫോ​ട്ടോ​ഗ്ര​ഫി മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ഇ​ദ്ദേ​ഹ​ത്തി​ന്​ കാ​ൽ​നൂ​റ്റാ​ണ്ടി​െൻറ പ​രി​ച​യ​മു​ണ്ട്. ഫോ​ട്ടോ നാ​സ​ർ എ​ന്ന പേ​രി​ലാ​ണ് നാ​ട്ടി​ൽ അ​റി​യ​പ്പെ​ടു​ന്ന​തു​ത​ന്നെ.

പൊ​തു​പ്ര​വ​ർ​ത്ത​ന​ത്തി​ൽ സ​ജീ​വ​മാ​യ നാ​സ​റി​നി​ത്​ ക​ന്നി​യ​ങ്ക​മാ​ണ്. പ​ല​രും കാ​മ​റ​മാ​െൻറ ജോ​ലി വി​​ട്ടെ​ങ്കി​ലും നാ​സ​ർ ഇ​പ്പോ​ഴും തു​ട​രു​ന്നു. ഭാ​ര്യ​യും മ​ക്ക​ളും സ​ജീ​വ​മാ​യി കൂ​ടെ​യു​ണ്ട്. പൊ​തു​പ്ര​വ​ർ​ത്ത​ന പ​രി​ച​യ​വും കാ​മ​റ​യും ഈ ​തെ​ര​ഞ്ഞെ​ടു​പ്പി​ൽ ക്ലി​ക്കാ​വും എ​ന്ന് ആ​ത്മ​വി​ശ്വാ​സ​ത്തി​ലാ​ണ്.

വോ​ട്ടും ചെ​യ്യാം, ഓ​ട്ട​വും പോ​കാം

തി​രൂ​ര​ങ്ങാ​ടി: ഓ​ട്ടോ​റി​ക്ഷ ചി​ഹ്നം ല​ഭി​ച്ച മ​റ്റൊ​രു ഓ​ട്ടോ ഡ്രൈവർ കൂ​ടി​യു​ണ്ട്. ഇ​തു​വ​രെ ഓ​ട്ടം കാ​ത്തി​രു​ന്ന സ്ഥാ​നാ​ർ​ഥി ഇ​പ്പോ​ൾ വോ​ട്ട് കാ​ത്തി​രി​ക്കു​ക​യാ​ണ്.

തെ​ന്ന​ല ഗ്രാ​മ​പ​ഞ്ചാ​യ​ത്ത് 15ാം വാ​ർ​ഡ് അ​പ്പി​യ​ത്ത് ജ​ന​കീ​യ​മു​ന്ന​ണി സ്ഥാ​നാ​ർ​ഥി​യാ​യി മ​ത്സ​രി​ക്കു​ന്ന ത​യ്യി​ൽ സു​ഹൈ​ൽ മു​ത്തു​വാ​ണ് ഓ​ട്ടോ​യി​ൽ ക​യ​റാ​ൻ പ​റ​യു​ന്ന​തി​നൊ​പ്പം ഓ​ട്ടോ​റി​ക്ഷ​ക്ക് വോ​ട്ട് ചെ​യ്യാ​നും ആ​വ​ശ്യ​പ്പെ​ടു​ന്ന​ത്. തെ​ന്ന​ല ത​റ​യി​ലാ​ണ് 25കാ​ര​നാ​യ സു​ഹൈ​ൽ ഓ​ട്ടോ ഓ​ടി​ക്കു​ന്ന​ത്. നി​ല​വി​ൽ ജ​ന​കീ​യ മു​ന്ന​ണി​യാ​ണ് വാ​ർ​ഡ് ഭ​രി​ക്കു​ന്ന​ത്.

ക​ത്തു​പെ​ട്ടി​യു​മാ​യി മാ​ത്യൂ​സ്

ക​രു​വാ​ര​കു​ണ്ട്: വീ​ടു​ക​ളി​ൽ ക​ത്തു​ക​ളെ​ത്തി​ച്ച് ഒ​ടു​വി​ൽ വീ​ട്ടു​കാ​രു​ടെ മ​നം​ക​വ​രാ​ൻ ക​ത്തു​പെ​ട്ടി ചി​ഹ്ന​മാ​ക്കി മാ​ത്യൂ​സ്. ക​ൽ​കു​ണ്ട് സ​ബ് പോ​സ്​​റ്റ്​ ഓ​ഫി​സി​ലെ 32 വ​ർ​ഷ​മ​ട​ക്കം 42 വ​ർ​ഷം പോ​സ്​​റ്റ്​​മാ​നാ​യി സേ​വ​നം​ചെ​യ്ത ക​ണ​ങ്ങ​മ്പ​തി​യി​ൽ മാ​ത്യു വ​ർ​ഗീ​സ് എ​ന്ന മാ​ത്യൂ​സാ​ണ് അ​ങ്ക​ത്തി​നി​റ​ങ്ങി​യ​ത്. സ്വ​ത​ന്ത്ര​വേ​ഷ​മാ​യ​തി​നാ​ൽ ആ​ത്മ​ബ​ന്ധ​മു​ള്ള ക​ത്തു​പെ​ട്ടി ചി​ഹ്ന​മാ​യി തെ​ര​ഞ്ഞെ​ടു​ക്കു​ക​യാ​യി​രു​ന്നു.

ക​ൽ​കു​ണ്ടി​ലെ മു​ഖ്യ​ധാ​രാ സ്ഥാ​നാ​ർ​ഥി​ക​ളോ​ടു​ള്ള വി​യോ​ജി​പ്പു​മൂ​ല​മാ​ണ് മ​ത്സ​ര​ത്തി​നി​റ​ങ്ങി​യ​ത്. വാ​ർ​ഡി​ലെ ഇ​ട​തു​സ്ഥാ​നാ​ർ​ഥി ക​ഴി​ഞ്ഞ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സ് സ്ഥാ​നാ​ർ​ഥി​യാ​യി ജ​യി​ച്ച വ​നി​ത​യാ​ണ്. കോ​ൺ​ഗ്ര​സ് സ്ഥാ​നാ​ർ​ഥി​യാ​വ​ട്ടെ, ക​ഴി​ഞ്ഞ ത​വ​ണ ഇ​ട​തു​സ്ഥാ​നാ​ർ​ഥി​ക്കാ​യി പ്ര​ചാ​ര​ണ​ത്തി​ന് നേ​തൃ​ത്വം ന​ൽ​കി​യ​യാ​ളും.

സ്​​കൂ​ട്ട​റി​ലെ​ത്തി അ​ച്ചാ​മ്മ ജോ​സ​ഫ്

നി​ല​മ്പൂ​ർ: ചാ​ലി​യാ​ർ പ​ഞ്ചാ​യ​ത്തി​ലെ പെ​രു​വ​മ്പാ​ടം എ​ൽ.​ഡി.​എ​ഫ് സ്വ​ത​ന്ത്ര സ്ഥാ​നാ​ർ​ഥി അ​ച്ചാ​മ്മ ജോ​സ​ഫി​െൻറ സ​ഞ്ചാ​രം എ​പ്പോ​ഴും സ്​​കൂ​ട്ട​റി​ലാ​ണ്. എ​ൽ.​ഐ.​സി ഏ​ജ​ൻ​റ​ു​കൂ​ടി​യാ​യ ഇ​വ​ർ 25 വ​ർ​ഷ​മാ​യി സ്വ​ന്തം സ്കൂ​ട്ട​റി​ലാ​ണ് സ​ഞ്ചാ​രം. ഇ​ത്ത​വ​ണ ചി​ഹ്​​ന​മാ​യി കി​ട്ടി​യ​തും സ്​​കൂ​ട്ട​ർ. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ വി​ജ​യി​ച്ച ഇ​വ​ർ ക്ഷേ​മ​കാ​ര‍്യ സ്​​റ്റാ​ൻ​ഡി​ങ്​ ക​മ്മി​റ്റി ചെ​യ​ർ​പേ​ഴ്സ​ൻ കൂ​ടി​യാ​യി​രു​ന്നു.

പെ​രു​വ​മ്പാ​ടം ഇ​ത്ത​വ​ണ ജ​ന​റ​ൽ സീ​റ്റാ​യെ​ങ്കി​ലും വീ​ണ്ടും മ​ത്സ​രി​പ്പി​ക്കാ​ൻ പാ​ർ​ട്ടി തീ​രു​മാ​നി​ക്കു​ക​യാ​യി​രു​ന്നു. അ​ച്ചാ​മ്മ ജോ​സ​ഫ് എ​ന്ന പേ​രി​ൽ മ​റ്റൊ​രു സ്വ​ത​ന്ത്ര സ്ഥാ​നാ​ർ​ഥി​കൂ​ടി വാ​ർ​ഡി​ലു​ണ്ട്. പേ​രി​നൊ​പ്പം വീ​ട്ടു​പേ​രു​കൂ​ടി ചേ​ർ​ത്ത് അ​ച്ചാ​മ്മ പാ​ലാ​ട്ട് എ​ന്ന പേ​രി​ലാ​ണ് മ​ത്സ​ര​രം​ഗ​ത്ത് ഇ​റ​ങ്ങി​യി​രി​ക്കു​ന്ന​ത്.

ക​പ്പും സോ​സ​റി​ൽ​ നാ​സ​ർ

മ​ഞ്ചേ​രി: 25 വ​ർ​ഷ​മാ​യി ഹോ​ട്ട​ൽ രം​ഗ​ത്തു​ള്ള പി.​പി. അ​ബ്​​ദു​ന്നാ​സ​ർ ക​ള​ത്തി​ൽ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​നി​റ​ങ്ങി​യ​പ്പോ​ൾ ചി​ഹ്നം തീ​രു​മാ​നി​ക്കാ​ൻ കൂ​ടു​ത​ലാ​യൊ​ന്നും ആ​ലോ​ചി​ക്കേ​ണ്ടി​വ​ന്നി​ല്ല. വ​ർ​ഷ​ങ്ങ​ളാ​യി കൂ​ടെ​യു​ള്ള ക​പ്പും സോ​സ​റും​ത​ന്നെ തെ​ര​ഞ്ഞെ​ടു​ത്തു.

ന​ഗ​ര​സ​ഭ​യി​ലെ 26ാം വാ​ർ​ഡാ​യ പി​ലാ​ക്ക​ലി​ൽ​നി​ന്ന് എ​ൽ.​ഡി.​എ​ഫ് പി​ന്തു​ണ​യോ​ടെ​യാ​ണ് ഇ​ദ്ദേ​ഹം മ​ത്സ​രി​ക്കു​ന്ന​ത്. തൊ​ഴി​ൽ​മേ​ഖ​ല​യി​ൽ സ്ഥി​ര​മാ​യി ഉ​പ​യോ​ഗി​ക്കു​ന്ന വ​സ്തു​ത​ന്നെ ചി​ഹ്ന​മാ​യി ഉ​പ​യോ​ഗി​ക്കു​ക​യാ​യി​രു​ന്നു​വെ​ന്ന് അ​ദ്ദേ​ഹം പ​റ​ഞ്ഞു. നേ​ര​ത്തെ സൗ​ദി​യി​ലെ മ​ക്ക​യി​ലാ​യി​രു​ന്നു സ്ഥാ​പ​നം. നാ​ട്ടി​ലെ 'ഇ​സ്തം​ബൂ​ൾ' ഹോ​ട്ട​ലി​ൽ തു​ർ​ക്കി മ​ന്തി​യാ​ണ് പ്ര​ധാ​ന​വി​ഭ​വം. ആ​ദ്യ​റൗ​ണ്ട് പ്ര​ചാ​ര​ണം പൂ​ർ​ത്തി​യാ​ക്കി.

ഫു​ൾ റെ​യ്​​ഞ്ചി​ലാ​ണ്​ ഇ​ബ്രാ​ഹീം

മ​ഞ്ചേ​രി: മ​ഞ്ചേ​രി ന​ഗ​ര​സ​ഭ​യി​ലെ അ​ഞ്ചാം വാ​ർ​ഡാ​യ ചെ​ര​ണി​യി​ൽ മ​ത്സ​രി​ക്കു​ന്ന ഇ​ബ്രാ​ഹീം പാ​ലാ​ൻ​തൊ​ടി മ​ഞ്ചേ​രി ശ്രീ​കൃ​ഷ്ണ തി​യ​റ്റ​റി​ന് സ​മീ​പ​മു​ള്ള മൊ​ബൈ​ൽ ക​ട​യു​ടെ ഉ​ട​മ​യാ​ണ്. 18 വ​ർ​ഷ​മാ​യി മൊ​ബൈ​ൽ സെ​യി​ൽ​സ് ആ​ൻ​ഡ്​ സ​ർ​വി​സ് രം​ഗ​ത്തു​ണ്ട്. ത​ദ്ദേ​ശ തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ അ​വ​സ​രം കി​ട്ടി​യ​പ്പോ​ൾ ചി​ഹ്ന​മാ​യി മൊ​ബൈ​ൽ ഫോ​ൺ​ത​ന്നെ തെ​ര​ഞ്ഞെ​ടു​ത്തു. ഐ.​എ​ൻ.​എ​ൽ സ്വ​ത​ന്ത്ര സ്ഥാ​നാ​ർ​ഥി​യാ​യാ​ണ് മ​ത്സ​രി​ക്കു​ന്ന​ത്. ന​ഗ​ര​സ​ഭ​യി​ലേ​ക്കു​ള്ള ക​ന്നി​യ​ങ്ക​മാ​ണ്. ആ​ദ്യ​ഘ​ട്ട പ്ര​ചാ​ര​ണം പൂ​ർ​ത്തി​യാ​ക്കി. മൊ​ബൈ​ൽ ആ​യ​തു​കൊ​ണ്ടു​ത​ന്നെ ചി​ഹ്നം പ​രി​ച​യ​പ്പെ​ടു​ത്തേ​ണ്ട​തി​ല്ലെ​ന്ന വി​ശ്വാ​സ​ത്തി​ലാ​ണ് സ്ഥാ​നാ​ർ​ഥി.