സ്ഥാനാർഥി നിർണയം: മാനദണ്ഡം വിജയസാധ്യത -മുസ്​ലിം ലീഗ്​

മലപ്പുറം: വിജയസാധ്യത മാത്രം പരിഗണിച്ച്​ സ്ഥാനാർഥികളെ നിർണയിക്കാൻ മുസ്​ലിം ലീഗ്​ പ്രവർത്തക സമിതി തീരുമാനം. സ്ഥാനാര്‍ഥികളെ നിര്‍ണയിക്കാന്‍ പാര്‍ട്ടി സംസ്ഥാന അധ്യക്ഷന്‍ പാണക്കാട് ഹൈദലി ശിഹാബ് തങ്ങളെ ചുമതലപ്പെടുത്തിയതായി യോഗ ശേഷം സംസ്ഥാന ജനറൽ സെക്രട്ടറി കെ.പി.എ. മജീദ്​ വാർത്തസമ്മേളനത്തിൽ പറഞ്ഞു.

പൗരത്വ നിയമം പിൻവലിക്കണമെന്നാവശ്യപ്പെട്ട്​ പ്രതിഷേധിച്ചവർക്കെതി​രെ സംസ്ഥാന സർക്കാർ എടുത്ത കേസുകൾ പിൻവലിക്കണ​െമന്നും ലീഗ്​ ആവശ്യപ്പെട്ടു. ഉത്തർപ്രദേശ്​ കഴിഞ്ഞാൽ കൂടുതൽ കേസുകൾ​ കേരളത്തിലാണ്​. യു.ഡി.എഫ്​ അധികാരത്തിലെത്തിയാൽ കേസുകൾ പിൻവലിക്കുമെന്നും ശബരിമല വിഷയത്തിൽ നിയമനിർമാണം കൊണ്ടുവരുമെന്നും ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി പറഞ്ഞു.

അടുത്തത്​ യു.ഡി.എഫ്​ സർക്കാറായിരിക്കുമെന്നും കൂട്ടിച്ചേർത്തു. ഉപ​െതരഞ്ഞെടുപ്പ് നടക്കുന്ന മലപ്പുറം ലോക്‌സഭ മണ്ഡലത്തിലേക്ക് എം.പി. അബ്​ദുസ്സമദ് സമദാനിയെയും രാജ്യസഭയിലേക്ക് പി.വി. അബ്​ദുൽ വഹാബ് എം.പി​െയയുമാണ്​ പരിഗണിക്കുന്നത്. നിയമസഭയിലേക്ക് വനിതകള്‍ക്ക് അവസരം നല്‍കുമോ എന്ന ചോദ്യത്തിന്​ കാത്തിരിക്കാമെന്നായിരുന്നു കുഞ്ഞാലിക്കുട്ടിയുടെ മറുപടി.

മുന്നണിയിൽ ലീഗിന്​ കൂടുതൽ സീറ്റുകൾ നൽകുന്നതുമായി ബന്ധപ്പെട്ട്​ ആഭ്യന്തര ചർച്ചകൾ നടക്കുകയാണ്​. ഇന്ധന വില വർധനയിൽ കേന്ദ്ര^സംസ്ഥാന സർക്കാറുകൾക്കെതിരെ ബുധനാഴ്​ച മണ്ഡലംതലത്തിൽ പ്രതിഷേധം സംഘടിപ്പിക്കും. ബഫർസോൺ വിജ്ഞാപനത്തിൽനിന്ന്​ കേന്ദ്ര^സംസ്ഥാന സർക്കാറുകൾ പിൻവാങ്ങണമെന്നും ലീഗ്​ ആവശ്യപ്പെട്ടു. ​ൈഹദരലി തങ്ങളുടെ അധ്യക്ഷതയിലായിരുന്നു യോഗം. ദേശീയ ഒാർഗനൈസിങ്​ സെക്രട്ടറി ഇ.ടി. മുഹമ്മദ്​ ബഷീർ എം.പി, ദേശീയ ട്രഷറർ പി.വി. അബ്​ദുൽ വഹാബ്​ എം.പി, പ്രതിപക്ഷ ഉപനേതാവ്​ എം.കെ. മുനീർ എന്നിവരും സംബന്ധിച്ചു.