Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightആകാശിന്റെ ജാമ്യം...

ആകാശിന്റെ ജാമ്യം റദ്ദാക്കൽ: വിധി 20ന്

text_fields
bookmark_border
akash thillenkeri
cancel

ത​ല​ശ്ശേ​രി: യൂ​ത്ത് കോ​ൺ​ഗ്ര​സ് മ​ട്ട​ന്നൂ​ർ മ​ണ്ഡ​ലം സെ​ക്ര​ട്ട​റി ഷു​ഹൈ​ബ് എ​ട​യ​ന്നൂ​രി​നെ കൊ​ല​പ്പെ​ടു​ത്തി​യ കേ​സി​ൽ ഒ​ന്നാം പ്ര​തി​യാ​യ ആ​കാ​ശ് തി​ല്ല​ങ്കേ​രി​യു​ടെ ജാ​മ്യം റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട ഹ​ര​ജി​യി​ൽ 20ന് ​വി​ധി പ​റ​യും. പൊ​ലീ​സി​നു​വേ​ണ്ടി പ്രോ​സി​ക്യൂ​ഷ​ൻ ന​ൽ​കി​യ ഹ​ര​ജി​യി​ൽ അ​ഡീ​ഷ​ന​ൽ സെ​ഷ​ൻ​സ് കോ​ട​തി​യാ​ണ് (മൂ​ന്ന്) വി​ധി പ​റ​യു​ക. ബു​ധ​നാ​ഴ്ച ഹ​ര​ജി പ​രി​ഗ​ണി​ച്ച​പ്പോ​ൾ വി​വി​ധ മേ​ൽ​കോ​ട​തി ഉ​ത്ത​ര​വു​ക​ൾ ചൂ​ണ്ടി​ക്കാ​ട്ടി ശ​ക്ത​മാ​യ വാ​ദ-​പ്ര​തി​വാ​ദ​ങ്ങ​ൾ ഉ​യ​ർ​ന്നു.

2018ലെ ​കൊ​ല​ക്കേ​സി​ൽ അ​റ​സ്റ്റി​ലാ​യ ആ​കാ​ശി​ന് ഒ​രു​വ​ർ​ഷ​ത്തി​നു​ശേ​ഷം 2019 ഏ​പ്രി​ൽ 24നാ​ണ് മ​റ്റു ക്രി​മി​ന​ൽ കേ​സു​ക​ളി​ൽ പ്ര​തി​യാ​വ​രു​തെ​ന്ന ക​ർ​ശ​ന ഉ​പാ​ധി​ക​ളോ​ടെ ഹൈ​കോ​ട​തി ജാ​മ്യം അ​നു​വ​ദി​ച്ച​തെ​ന്നും എ​ന്നാ​ൽ, 2023 ആ​കു​​മ്പോ​ഴേ​ക്കും കൊ​ല​പാ​ത​കം ഉ​ൾ​പ്പെ​ടെ 12ഓ​ളം കേ​സു​ക​ളി​ൽ പ്ര​തി​യാ​യി​ട്ടു​ണ്ടെ​ന്നും പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. കെ. ​അ​ജി​ത്ത് കു​മാ​ർ കോ​ട​തി​യെ ബോ​ധി​പ്പി​ച്ചു. ഒ​രി​ക്ക​ൽ കാ​പ്പ ചു​മ​ത്തി അ​റ​സ്റ്റി​ലാ​യ ആ​കാ​ശി​നെ​തി​രെ വീ​ണ്ടും കാ​പ്പ ചു​മ​ത്തി ജ​യി​ലി​ല​ട​ച്ച​ത് ഇ​ദ്ദേ​ഹ​ത്തി​ന്റെ ക്രി​മി​ന​ൽ പ​ശ്ചാ​ത്ത​ല​ത്തി​ന് തെ​ളി​വാ​ണ്‌. അ​ടു​ത്തി​ടെ​യാ​യി മു​ഴ​ക്കു​ന്ന്, മ​ട്ട​ന്നൂ​ർ പൊ​ലീ​സ് സ്റ്റേ​ഷ​ൻ പ​രി​ധി​യി​ൽ കേ​സി​ൽ പ്ര​തി​യാ​യ​തോ​ടെ​യാ​ണ് ജാ​മ്യം റ​ദ്ദാ​ക്ക​ണ​മെ​ന്നാ​വ​ശ്യ​പ്പെ​ട്ട് പ്രോ​സി​ക്യൂ​ഷ​ൻ ഹ​ര​ജി ന​ൽ​കി​യ​ത്.

എ​ന്നാ​ൽ, 2019ൽ ​ജാ​മ്യം ല​ഭി​ച്ച ആ​കാ​ശ് മൂ​ന്നു​വ​ർ​ഷ​ത്തി​നു​ശേ​ഷ​മാ​ണ് കേ​സു​ക​ളി​ൽ കു​റ്റാ​രോ​പി​ത​നാ​വു​ന്ന​തെ​ന്നും ജാ​മ്യ​വ്യ​വ​സ്ഥ​യു​ടെ ലം​ഘ​ന​മാ​വി​ല്ലെ​ന്നും ആ​കാ​ശി​നു​വേ​ണ്ടി ഹാ​ജ​രാ​യ അ​ഡ്വ. പി. ​രാ​ജ​ൻ വാ​ദി​ച്ചു. എ​ന്നാ​ൽ, നി​ല​വി​ലു​ള്ള കേ​സി​ൽ വി​ധി പ​റ​യു​ന്ന​തു​വ​രെ മ​റ്റു കേ​സു​ക​ളി​ൽ പ്ര​തി​യാ​വ​രു​തെ​ന്ന പ്ര​ത്യേ​ക നി​ബ​ന്ധ​ന​യോ​ടെ​യാ​ണ് 2019ൽ ​ഹൈ​കോ​ട​തി ജാ​മ്യം അ​നു​വ​ദി​ച്ച​തെ​ന്ന് രേ​ഖ​ക​ൾ സ​ഹി​തം പ​ബ്ലി​ക് പ്രോ​സി​ക്യൂ​ട്ട​ർ സ​മ​ർ​ഥി​ച്ചു. പ്ര​തി​ഭാ​ഗം അ​ഭി​ഭാ​ഷ​ക​ൻ അ​ഡ്വ. പി. ​രാ​ജ​നെ സ​ഹാ​യി​ക്കാ​ൻ അ​ഡ്വ. എ​ൻ.​ആ​ർ. ഷാ​ന​വാ​സും കോ​ട​തി​യി​ൽ ഹാ​ജ​രാ​യി. കാ​പ്പ ചു​മ​ത്തി അ​റ​സ്റ്റ് ചെ​യ്ത ആ​കാ​ശ് തി​ല്ല​ങ്കേ​രി ഇ​പ്പോ​ൾ വി​യ്യൂ​ർ സെ​ൻ​ട്ര​ൽ ജ​യി​ലി​ലാ​ണ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:BailAkash Thillankery
News Summary - Cancellation of Akash's bail: Verdict on 20
Next Story