​​'ഉറങ്ങുന്ന സമയത്ത് മദ്റസ പഠനം നടത്താനാകുമോ' ?; മാന്യമായി മറുപടി പറയണം, ശിവൻകുട്ടിക്കെതിരെ സമസ്ത

കോഴിക്കോട്: സ്കുൾസമയമാറ്റം സംബന്ധിച്ച് വി.ശിവൻകുട്ടിയുടെ പരാമർശത്തിനെതിരെ സമസ്ത. സ്കൂൾ സമയമാറ്റം അംഗീകരിക്കില്ലെന്ന് സമസ്ത പ്രസിഡന്റ് ജിഫ്രിമുത്തുകോയ തങ്ങൾ. ഇക്കാര്യത്തിൽ മാന്യമായി മറുപടി പറയണമെന്നും അദ്ദേഹം ആവശ്യപ്പെട്ടു. സമുദായത്തിന്റെ കൂടി വോട്ട് വാങ്ങിയാണ് ഭരിക്കുന്നത്. അതുകൊണ്ട് പ്രശ്നത്തിൽ ഇടപെടാൻ സർക്കാറിന് ബാധ്യതയുണ്ടെന്നും അദ്ദേഹം പറഞ്ഞു.

ഇക്കാര്യത്തിൽ സമരം ചെയ്തിട്ടും കാര്യമില്ല, ഒന്നും അംഗീകരിക്കില്ലെന്ന നിലപാട് ശരിയല്ല. ഇക്കാര്യത്തിൽ മുഖ്യമന്ത്രിക്ക് നിവേദനം നൽകിയിട്ടുണ്ട്. മുഖ്യമന്ത്രിയാണ് തീരുമാനമെടുക്കേണ്ടത്. വിഷയത്തിൽ അവഗണിക്കപ്പെട്ടുവെന്ന തോന്നൽ സമസ്തക്കില്ലെന്നും അദ്ദേഹം കൂട്ടിച്ചേർത്തു. വി.ശിവൻകുട്ടിയുടെ ശൈലി ശരിയല്ലെന്ന പരോക്ഷ വിമർശനവും ജിഫ്രിമുത്തുകോയ തങ്ങൾ ഉന്നയിച്ചു.

സ്കൂൾസമയമാറ്റം സർക്കാറിന്റെ ആലോചനയിലില്ലെന്ന് വിദ്യാഭ്യാസമന്ത്രി വി.ശിവൻകുട്ടി പറഞ്ഞിരുന്നു. 37 ലക്ഷം വിദ്യാർഥികളെ ബാധിക്കുന്ന പ്രശ്നമാണിത്. ഒരു വിഭാഗത്തിന് മാത്രമായി സൗകര്യം ചെയ്ത് കൊടുക്കാനാവില്ല. സമയമാറ്റം കൊണ്ട് പ്രശ്നമുണ്ടാവുന്നവർ അവരുടെ സമയം ക്രമീകരിക്കുകയാണ് വേണ്ടത്. ഇക്കാര്യത്തിൽ സർക്കാറിനെ വിരട്ടാൻ നോക്കേണ്ടെന്നും ശിവൻകുട്ടി പറഞ്ഞിരുന്നു.

സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ച സ്കൂ​ൾ സ​മ​യ​മാ​റ്റം മു​സ്​​ലിം സ​മു​ദാ​യ​ത്തി​ന്‍റെ മ​ദ്റ​സ വി​ദ്യാ​ഭ്യാ​സ സം​വി​ധാ​ന​ത്തെ സാ​ര​മാ​യി ബാ​ധി​ക്കു​മെ​ന്നും ഇ​തി​നെ​തി​രെ അ​ന്തി​മ വി​ജ​യം നേ​ടും​വ​രെ പോ​രാ​ടു​മെ​ന്നും സ​മ​സ്ത കേ​ര​ള മ​ദ്റ​സ മാ​നേ​ജ്മെ​ന്‍റ് അ​സോ​സി​യേ​ഷ​ൻ (എ​സ്.​കെ.​എം.​എം.​എ) പ്ര​ഖ്യാ​പി​ച്ചിരുന്നു. ഇ​ക്കാ​ര്യ​ത്തി​ൽ സ​ർ​ക്കാ​ർ പു​ന​രാ​ലോ​ചി​ച്ച് ഉ​ത്ത​മ തീ​രു​മാ​ന​മെ​ടു​ക്ക​ണ​മെ​ന്നും സ​മ​ര​പ്ര​ഖ്യാ​പ​നം ന​ട​ത്തി​യ സ​മ​സ്ത കേ​ര​ള ഇ​സ്‍ലാം​മ​ത വി​ദ്യാ​ഭ്യാ​സ ബോ​ർ​ഡ് ജ​ന​റ​ൽ സെ​ക്ര​ട്ട​റി എം.​ടി. അ​ബ്ദു​ല്ല മു​സ്‍ലി​യാ​ർ ആ​വ​ശ്യ​പ്പെ​ട്ടു.

ഇ​ക്കാ​ര്യ​ത്തി​ൽ സ​ർ​ക്കാ​ർ മ​ത​സം​ഘ​ട​ന​ക​ളു​മാ​യി കൂ​ടി​യാ​ലോ​ച​ന ന​ട​ത്തി​യി​ട്ടി​ല്ല. മു​സ്‍ലിം​ക​ൾ​ക്ക് മ​ത​വി​ദ്യാ​ഭ്യാ​സം നി​ർ​ബ​ന്ധ​മാ​ണ്. മ​ദ്റ​സ സ​മ​യ​ത്തി​ൽ ഒ​ന്നും കു​റ​ക്കാ​ൻ ക​ഴി​യി​ല്ല. ഈ ​പ​ഠ​ന​സ​മ​യ​ത്തെ ബാ​ധി​ക്കാ​ത്ത രീ​തി​യി​ൽ​ത​ന്നെ സ്കൂ​ൾ സ​മ​യം ക്ര​മീ​ക​രി​ക്കാ​വു​ന്ന​താ​ണ്. കൂ​ടി​യാ​ലോ​ച​ന​യി​ല്ലാ​തെ ഇ​ത്ത​ര​മൊ​രു നീ​ക്കം സ​ർ​ക്കാ​റി​ന്‍റെ ഭാ​ഗ​ത്തു​നി​ന്നു​ണ്ട​യ​തി​ൽ യോ​ഗം ശ​ക്തി​യാ​യി പ്ര​തി​ഷേ​ധി​ച്ചു.