സംസ്ഥാന കാമ്പസ് സമ്മേളനത്തിന്​ തുടക്കം

പെരിന്തല്‍മണ്ണ: ‘സൗന്ദര്യമുള്ള ജീവിതത്തിന് വിശ്വാസത്തി​​​െൻറ കരുത്ത്’ തലക്കെട്ടില്‍ എസ്.ഐ.ഒയും ജി.ഐ.ഒയും ചേ ർന്ന്​ സംഘടിപ്പിക്കുന്ന സംസ്​ഥാന കാമ്പസ് സമ്മേളനത്തിന്​ ശാന്തപുരം അല്‍ജാമിഅ അല്‍ ഇസ്​ലാമിയ കാമ്പസില്‍ തുടക ്കമായി. ജമാഅത്തെ ഇസ്​ലാമി കേന്ദ്ര പ്രതിനിധിസഭ അംഗം ഡോ. താഹ മതീന്‍ ഉദ്ഘാ​ടനം ചെയ്തു. കാമ്പസുകളില്‍ ധാര്‍മികമൂല്യങ്ങള്‍ ഉയര്‍ത്തിപ്പിടിച്ച് നീതിക്കുവേണ്ടി നിലകൊള്ളണമെന്ന് അദ്ദേഹം പറഞ്ഞു.

നന്മയുടെ പക്ഷത്തുനിന്ന് സമൂഹ പുനര്‍നിര്‍മാണത്തില്‍ വിദ്യാര്‍ഥികള്‍ പങ്കാളികളാവണമെന്ന് മുഖ്യ പ്രഭാഷണത്തിൽ ജമാഅത്തെ ഇസ്​ലാമി കേരള അസി. അമീര്‍ വി.ടി. അബ്​​ദുല്ലക്കോയ തങ്ങള്‍ ആവശ്യപ്പെട്ടു. ജി.ഐ.ഒ സംസ്ഥാന പ്രസിഡൻറ്​ അഫീദ അഹ്​മദ് അധ്യക്ഷത വഹിച്ചു. എസ്.ഐ.ഒ ദേശീയ സെക്രട്ടറി പി.പി. ജസീം, സംസ്ഥാന പ്രസിഡൻറ്​ സി.ടി. സുഹൈബ്, ജനറല്‍ സെക്രട്ടറി കെ.പി. തൗഫീഖ്, ജി.ഐ.ഒ ജനറല്‍ സെക്രട്ടറി ഫസ്ന മിയാന്‍ എന്നിവര്‍ സംസാരിച്ചു. സംസ്ഥാനത്തെ വിവിധ കാമ്പസുകളില്‍ നിന്നായി മൂവായിരത്തിലധികം വിദ്യാര്‍ഥികളാണ് രണ്ട് ദിവസത്തെ സമ്മേളനത്തില്‍ പങ്കെടുക്കുന്നത്.

‘ലിബറല്‍ സംസ്‌കാരങ്ങളും ഇസ്​ലാമിക ജീവിതവും’ തലക്കെട്ടില്‍ നടന്ന സെമിനാറില്‍ ജമാഅത്തെ ഇസ്​ലാമി സംസ്ഥാന സെക്രട്ടറി ശിഹാബ് പൂക്കോട്ടൂര്‍, ടി. മുഹമ്മദ് വേളം, സലീം മമ്പാട്, ടി.എ. ബിനാസ് എന്നിവര്‍ സംസാരിച്ചു. ‘ഇസ്​ലാമിക നാഗരികതയും വൈജ്ഞാനിക സംഭാവനകളും’ വിഷയത്തില്‍ അല്‍ജാമിഅ റെക്ടര്‍ ഡോ. അബ്​ദുസ്സലാം അഹ്​മദ്, ഫ്രറ്റേണിറ്റി മൂവ്മ​​െൻറ്​ സംസ്ഥാന വൈസ് പ്രസിഡൻറ്​ ശംസീര്‍ ഇബ്രാഹിം, എം.ഇ.എസ് എൻജിനീയറിങ് കോളജ് വൈസ് പ്രിന്‍സിപ്പല്‍ ഡോ. ബദീഉസ്സമാന്‍, യു. ആബിദ എന്നിവര്‍ സംസാരിച്ചു. ‘ഇസ്​ലാമിക പ്രബോധന രീതിശാസ്ത്രം’ വിഷയത്തിലെ പാനല്‍ ചർച്ചയിൽ സി. ദാവൂദ്, എന്‍.എം. അബ്​ദുറഹ്​മാന്‍, ജി.കെ. എടത്തനാട്ടുകര, യാസര്‍ ഖുത്വുബ്, കെ.എം. ശഫ്രിന്‍ എന്നിവരും ‘വിദ്യാര്‍ഥി രാഷ്​ട്രീയത്തി​​​െൻറ ഭാവി’ സെമിനാറില്‍ എസ്‌.ഐ.ഒ ദേശീയ സെക്രട്ടറി പി.പി. ജസീം, ഫ്രറ്റേണിറ്റി മൂവ്‌മ​​െൻറ്​ സംസ്ഥാന പ്രസിഡൻറ്​ എസ്. ഇര്‍ഷാദ്, ആർ.എസ്​. വസീം, പി.കെ. സാദിഖ്, നജ്ദ റൈഹാന്‍, തമന്ന സുല്‍ത്താന എന്നിവരും സംസാരിച്ചു.

കലയും സൗന്ദര്യശാസ്ത്രവും ഇസ്​ലാമില്‍ എന്നതില്‍ ഡോ. വി. ഹിക്മത്തുല്ല, ഡോ. ജമീല്‍ അഹ്​മദ്​, ഷിയാസ് പെരുമാതുറ, ഡോ. എ.കെ. സഫീര്‍ എന്നിവര്‍ സംസാരിച്ചു. ഉബൈദ് കുന്നക്കാവും സംഘവും നയിച്ച സംഗീത വിരുന്നും അരങ്ങേറി. സമാപന സമ്മേളനം ഞായറാഴ്​ച ഉച്ചക്കുശേഷം ജമാഅത്തെ ഇസ്​ലാമി അഖിലേന്ത്യ അസി. അമീര്‍ ടി. ആരിഫലി ഉദ്​ഘാടനം ചെയ്യും.