കാലിക്കറ്റ് വി.സി പുറത്താകുന്നത് നാലുമാസത്തെ കാലാവധി ബാക്കിനില്‍ക്കെ

തേ​ഞ്ഞി​പ്പ​ലം: കാ​ലി​ക്ക​റ്റ് സ​ര്‍വ​ക​ലാ​ശാ​ല വൈ​സ് ചാ​ന്‍സ​ല​ര്‍ ഡോ. ​എം.​കെ. ജ​യ​രാ​ജ് പ​ദ​വി​യി​ല്‍നി​ന്ന് പു​റ​ത്താ​ക്ക​പ്പെ​ടു​ന്ന​ത് നാ​ലു​മാ​സ​ത്തെ ഔ​ദ്യോ​ഗി​ക കാ​ല​യ​ള​വ് ബാ​ക്കി​നി​ല്‍ക്കെ. ജൂ​ലൈ 12നാ​ണ് കാ​ലാ​വ​ധി അ​വ​സാ​നി​ക്കു​ന്ന​ത്. ഇ​തോ​ടെ പ്രോ ​വൈ​സ് ചാ​ന്‍സ​ല​റു​ടെ നി​ല​നി​ല്‍പും തു​ലാ​സി​ലാ​യി.

യു.​ജി.​സി നി​യ​മ​പ്ര​കാ​രം വി.​സി മാ​റി​യാ​ല്‍ പി.​വി.​സി​യും ഒ​ഴി​യേ​ണ്ടി​വ​രും. തൃ​ശൂ​ര്‍ സ്വ​ദേ​ശി​യാ​യ ഡോ. ​എം.​കെ. ജ​യ​രാ​ജ് 2020 ജൂ​ലൈ 12നാ​ണ് കാ​ലി​ക്ക​റ്റ് വി.​സി​യാ​യ​ത്. സു​പ്രീം​കോ​ട​തി വി​ധി​യു​ടെ പ​ശ്ചാ​ത്ത​ല​ത്തി​ലു​ള്ള ചാ​ന്‍സ​ല​റു​ടെ ഉ​ത്ത​ര​വി​നെ​തി​രെ വി.​സി​ക്ക് ഹൈ​കോ​ട​തി​യി​ല്‍ 10 ദി​വ​സ​ത്തി​ന​കം അ​പ്പീ​ല്‍ ന​ല്‍കാം. അ​തു​വ​രെ പ​ദ​വി​യി​ല്‍ തു​ട​രാം. ചാ​ന്‍സ​ല​റു​ടെ ന​ട​പ​ടി മു​ന്നി​ല്‍ക്ക​ണ്ട് വി.​സി​മാ​ര്‍ ഏ​താ​നും ദി​വ​സ​ങ്ങ​ളി​ലാ​യി എ​റ​ണാ​കു​ള​ത്ത് മു​തി​ര്‍ന്ന അ​ഭി​ഭാ​ഷ​ക​രു​മാ​യി കൂ​ടി​യാ​ലോ​ച​ന​യി​ലാ​യി​രു​ന്നു. ഇ​തി​നി​ട​യി​ലാ​ണ് വ്യാ​ഴാ​ഴ്ച വൈ​കീ​ട്ടോ​ടെ രാ​ജ്ഭ​വ​നി​ല്‍നി​ന്നു​ള്ള ഉ​ത്ത​ര​വി​റ​ങ്ങി​യ​ത്.

വി.​സി നി​യ​മ​ന​ത്തി​ന് യു.​ജി.​സി, സ​ര്‍ക്കാ​ര്‍, സ​ര്‍വ​ക​ലാ​ശാ​ല പ്ര​തി​നി​ധി​ക​ള്‍ ഉ​ള്‍പ്പെ​ട്ട പാ​ന​ല്‍ രൂ​പ​വ​ത്ക​രി​ച്ച് ചാ​ന്‍സ​ല​ര്‍ക്ക് ന​ല്‍ക​ണ​മെ​ന്നും അ​തു​പ്ര​കാ​രം നി​യ​മ​ന ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്നു​മാ​ണ് ച​ട്ടം. പാ​ന​ലി​ല്‍ മൂ​ന്നു​പേ​രി​ല്ലാ​ത്ത​തി​നാ​ല്‍ സാ​ങ്കേ​തി​ക സ​ര്‍വ​ക​ലാ​ശാ​ല വി.​സി സ്ഥാ​ന​ത്തു​നി​ന്ന് ഡോ. ​എം.​എ​സ്. രാ​ജ​ശ്രീ​യെ സു​പ്രീം​കോ​ട​തി മു​മ്പ് ഒ​ഴി​വാ​ക്കി​യി​രു​ന്നു. ഈ ​വി​ധി​യി​ല്‍ സ​ര്‍ക്കാ​റു​മാ​യി ബ​ന്ധ​പ്പെ​ട്ട​വ​ര്‍ പാ​ന​ലി​ലു​ണ്ടാ​ക​രു​തെ​ന്നും കോ​ട​തി നി​ര്‍ദേ​ശി​ച്ചു. എ​ന്നാ​ല്‍, കാ​ലി​ക്ക​റ്റ് വി.​സി തെ​ര​ഞ്ഞെ​ടു​പ്പ് സ​മി​തി​യി​ല്‍ ചീ​ഫ് സെ​ക്ര​ട്ട​റി​യു​മു​ണ്ടാ​യി​രു​ന്നു. ഇ​താ​ണ് ഡോ. ​എം.​കെ. ജ​യ​രാ​ജ​ട​ക്ക​മു​ള്ള​വ​ര്‍ക്ക് തി​രി​ച്ച​ടി​യാ​യ​ത്.

കാ​ലി​ക്ക​റ്റി​ല്‍ ഏ​റെ​ക്കാ​ല​മാ​യി ഒ​ഴി​ഞ്ഞു​കി​ട​ന്ന അ​ധ്യാ​പ​ക ത​സ്തി​ക​ക​ളി​ല്‍ നി​യ​മ​നം ന​ട​ത്തി​യ​ത് ഡോ. ​എം.​കെ. ജ​യ​രാ​ജി​ന്റെ കാ​ല​ത്താ​ണ്. സം​വ​ര​ണം അ​ട്ടി​മ​റി​ച്ചെ​ന്ന പ​രാ​തി​യി​ല്‍ നി​ല​വി​ല്‍ 20ഓ​ളം കേ​സു​ക​ള്‍ കോ​ട​തി​യി​ലു​ണ്ട്. ഒ​രു കേ​സി​ല്‍ വി​ധി സ​ര്‍വ​ക​ലാ​ശാ​ല​ക്ക് എ​തി​രാ​യും വ​ന്നു. ഇ​നി​യും 20 കേ​സു​ക​ള്‍കൂ​ടി അ​ധ്യാ​പ​ക നി​യ​മ​ന വി​ഷ​യ​ത്തി​ല്‍ ഉ​ണ്ടാ​കു​മെ​ന്നാ​ണ് സൂ​ച​ന.