ലോകത്തെ മികച്ച ഗവേഷകരുടെ പട്ടികയിൽ കാലിക്കറ്റ് വി.സിയും രണ്ട് പ്രഫസര്‍മാരും

തേ​ഞ്ഞി​പ്പ​ലം: അ​മേ​രി​ക്ക​യി​ലെ സ്റ്റാ​ന്‍ഫോ​ർ​ഡ് സ​ര്‍വ​ക​ലാ​ശാ​ല ത​യാ​റാ​ക്കി​യ ലോ​ക​ത്തി​ലെ മി​ക​ച്ച ര​ണ്ട് ശ​ത​മാ​നം ഗ​വേ​ഷ​ക​രു​ടെ റാ​ങ്കി​ങ്ങി​ല്‍ കാ​ലി​ക്ക​റ്റ് സ​ര്‍വ​ക​ലാ​ശാ​ല വൈ​സ് ചാ​ന്‍സ​ല​റും ര​ണ്ട് പ്ര​ഫ​സ​ര്‍മാ​രും ഇ​ടം നേ​ടി. ഫി​സി​ക്‌​സ് പ്ര​ഫ​സ​റും വൈ​സ് ചാ​ന്‍സ​ല​റു​മാ​യ ഡോ. ​എം.​കെ. ജ​യ​രാ​ജ്, കാ​ലി​ക്ക​റ്റി​ലെ കെ​മി​സ്ട്രി പ​ഠ​ന​വി​ഭാ​ഗം പ്ര​ഫ​സ​ര്‍മാ​രാ​യ ഡോ. ​എം.​ടി. ര​മേ​ശ​ന്‍, ഡോ. ​പി. ര​വീ​ന്ദ്ര​ന്‍ എ​ന്നി​വ​ര്‍ക്കാ​ണ് അം​ഗീ​കാ​രം.

ഗ്ര​ന്ഥ​ക​ര്‍തൃ​ത്വം, ഗ​വേ​ഷ​ണ പ്ര​ബ​ന്ധ​ങ്ങ​ളു​ടെ മി​ക​വ് ക​ണ​ക്കാ​ക്കു​ന്ന എ​ച്ച്-​ഇ​ന്‍ഡ​ക്‌​സ്, സൈ​റ്റേ​ഷ​ന്‍സ് എ​ന്നി​വ​യാ​ണ് റാ​ങ്കി​ങ്ങി​ന് ആ​ധാ​രം. മൂ​ന്ന് പേ​റ്റ​ന്റും പ്ര​ബ​ന്ധ​ങ്ങ​ളും ഒ​പ്‌​റ്റോ ഇ​ല​ക്ട്രോ​ണി​ക്സി​ലും നാ​നോ സ്ട്ര​ക്ച​റ​ല്‍ ഉ​പ​ക​ര​ണ​ങ്ങ​ളി​ലു​മു​ള്ള ഗ​വേ​ഷ​ണ​ങ്ങ​ളു​മാ​ണ് ഡോ. ​ജ​യ​രാ​ജി​നെ മി​ക​വി​ന്റെ പ​ട്ടി​ക​യി​ല്‍ എ​ത്തി​ച്ച​ത്. ഫി​സി​ക്‌​സ്, അ​സ്‌​ട്രോ​ണ​മി കെ​മി​സ്ട്രി വി​ഷ​യ​ത്തി​ല്‍ 5878 ആ​ണ് ഇ​ദ്ദേ​ഹ​ത്തി​ന്റെ റാ​ങ്ക്.

പോ​ളി​മ​ര്‍ സ​യ​ന്‍സി​ല്‍ ഗ​വേ​ഷ​ക​നാ​യ ഡോ. ​എം.​ടി. ര​മേ​ശ​ന്‍ തു​ട​ര്‍ച്ച​യാ​യി നാ​ലാം ത​വ​ണ​യാ​ണ് സ്റ്റാ​ന്‍ഫോ​ർ​ഡ് പ​ട്ടി​ക​യി​ലി​ടം നേ​ടു​ന്ന​ത്. 353 ആ​ണ് ഇ​ദ്ദേ​ഹ​ത്തി​ന്റെ റാ​ങ്ക്. ഗ്രീ​ന്‍ കെ​മി​സ്ട്രി​യി​ല്‍ ഗ​വേ​ഷ​ണം തു​ട​ര്‍ന്ന് പേ​റ്റ​ന്റ് ക​ര​സ്ഥ​മാ​ക്കി​യ ഡോ. ​പി. ര​വീ​ന്ദ്ര​ന് കെ​മി​സ്ട്രി​യു​ടെ പ​ട്ടി​ക​യി​ല്‍ 957ാം സ്ഥാ​ന​മാ​ണു​ള്ള​ത്.