കാലിക്കറ്റിലെ 'സ്ഥിരപ്പെടു​ത്തൽ മേള' ഇല്ലാത്ത ചട്ടങ്ങളു​െട മറവിൽ

കോഴിക്കോട്​: കാലിക്കറ്റ്​ സർവകലാശാലയിൽ കരാർ, ദിവസക്കൂലി ജീവനക്കാരെ സ്ഥിരപ്പെടുത്തുന്നത്​ ദുർബലമായ സർവകലാശാല ചട്ടങ്ങളുടെ മറവിൽ. അനധ്യാപക തസ്​തികകളിൽ പി.എസ്​.സി വഴിയാണ്​ നിയമനം നടത്തേണ്ടത്​. നിയമനാധികാരി സംസ്ഥാന സർക്കാറാണെങ്കിലും സർവകലാശാലതന്നെ രാഷ്​ട്രീയ സ്വാധീനത്താൽ നിയമവിരുദ്ധ നിയമനം നടത്തുന്നതാണ്​ വിവാദമാകുന്നത്​.

നിയമസഭ പാസാക്കിയ നിയമത്തെ വെല്ല​ുവിളിച്ചുള്ള ഇത്തരം സ്ഥിരപ്പെടുത്തൽ ജോലി തേടി നടക്കുന്ന നിരവധി ചെറുപ്പക്കാരുടെ അവസരമാണ്​ നഷ്​ടപ്പെടുത്തുന്നത്​. പി.എസ്​.സിയുടെ ചട്ടങ്ങളാണ്​ സർവകലാശാലയിലെ നിയമനത്തിന്​ അടിസ്ഥാനമാക്കേണ്ടതെന്ന്​ പി.എസ്​.സി പട്ടികയിലുള്ളവർ ചൂണ്ടിക്കാട്ടുന്നു. സെക്യൂരിറ്റി ഗാർഡ്​ തസ്​തിക പോലെയുള്ളവക്ക്​ പി.എസ്​.സിയുടെ ലാസ്​റ്റ്​ഗ്രേഡ്​ റാങ്ക്​ ലിസ്​റ്റിൽനിന്ന്​ നിയമനം നടത്താമെന്ന തീരുമാനമുണ്ടായിരുന്നു. ഈ ലിസ്​റ്റി​‍െൻറ കാലാവധി ആറുമാസം ബാക്കിയുണ്ട്​. ഹൈകോടതിയെ സമീപിച്ച്​ സർവകലാശാല നടപടി തിരുത്താ​നൊരുങ്ങുകയാണ്​ റാങ്ക്​ ഹോൾഡേഴ​്​സ്​ അസോസിയേഷൻ.

2015ലെ പി.എസ്​.സിയുടെ 18ാം ചട്ടമനുസരിച്ചാണ്​ സർവകലാശാലകളിലെ അനധ്യാപക നിയമനങ്ങൾ നടത്തേണ്ടത്​. നിയമനങ്ങളുമായി ബന്ധപ്പെട്ട്​ സർവകലാശാലകൾ പി.എസ്​.സിയുടെ ഉപദേശം തേടണം. താൽക്കാലികക്കാരെ സ്​ഥിരപ്പെടുത്തുന്നതിനെതിരെ നിരവധി കോടതി വിധികളും നിലവിലുണ്ട്​. അതേസമയം, പി.എസ്​.സിയുടെ സ്​പെഷൽ റൂളുകളൊന്നും നിലവിൽ വന്നിട്ടി​ല്ലെന്നും സർവകലാശാല ചട്ടമനുസരിച്ചുതന്നെ താൽക്കാലികക്കാരെ സ്ഥിരപ്പെടുത്താമെന്നും വൈസ്​ ചാൻസലർ ഡോ. എം.കെ. ജയരാജ്​ 'മാധ്യമ'ത്തോട്​ പറഞ്ഞു.

ഡിസംബർ 30ന്​ സിൻഡിക്കേറ്റ്​ തീരുമാനിച്ച സ്ഥിരപ്പെടുത്തൽ അതിവേഗമാണ്​ സർവകലാശാല നടപ്പാക്കുന്നത്​. രണ്ട്​ കമ്പ്യൂട്ടർ പ്രോഗ്രാമർമാരെയും ആറ്​ ഡ്രൈവർമാരെയും സ്ഥിര​െപ്പടുത്തി ഉത്തരവിറങ്ങി.

പ്രോഗ്രാമറെ നിയമിക്കാനാണ്​ സിൻഡിക്കേറ്റ്​ യോഗം തീരുമാനിച്ചതെങ്കിലും അസിസ്​റ്റൻറ്​ ​പ്രോഗ്രാമറെയും സ്​ഥിരപ്പെടുത്തിയിട്ടുണ്ട്​. സ്ഥിരപ്പെടു​ത്തിയ ഒരു പ്രോഗ്രാമർ സി.പി.എം പ്രാദേശിക നേതാവി​‍െൻറ മകനാണ്​. ഉന്നത ഉദ്യോഗസ്ഥരുടെ ശമ്പള സ്​കെയിലാണ്​ ഇവർക്ക്​ ലഭിക്കുക. 42,500-87,000 രൂപയാണ്​ പ്രോഗ്രാമറു​െട സ്​കെയിൽ. 32,300-68,700 രൂപയാണ്​ അസിസ്​റ്റൻറ്​ പ്രോഗ്രാമറു​ടെ ശമ്പള സ്​കെയിൽ. എം.സി.എക്ക്​ നിശ്ചിത ശതമാനം മാർക്ക്​ വേണമെന്ന നിബന്ധന പാലിച്ചോ​െയന്ന്​ പരിശോധിക്കണമെന്ന ആവശ്യവും ശക്തമാണ്​. പുതിയ തസ്​തിക സൃഷ്​ടിച്ചാണ്​ ഇവർക്ക്​ ചട്ടവിരുദ്ധമായി നിയമനം നൽകുന്നത്​.

ഡ്രൈവർ കം ഓഫിസ്​ അസിസ്​റ്റൻറ്​​ എന്ന തസ്​തികയിലാണ്​ ആറ്​ താൽക്കാലിക ഡ്രൈവർമാരെ നിയമിക്കുന്നത്​. ഇതിൽ ഒരാൾ വൈസ്​ ചാൻസലറു​െട ഡ്രൈവറാണ്​. 18,000-41,500 രൂപ എന്ന സ്​കെയിലിലാണ്​ നിയമനം. സ്ഥിരപ്പെടുത്തുന്ന താൽക്കാലിക ജീവനക്കാർ ഭരണപക്ഷ അനുകൂലികളും അനധികൃതമായി സ്ഥാനക്കയറ്റം ലഭിക്കുന്ന ക്ലറിക്കൽ അസിസ്​റ്റൻറുമാർ പ്രതിപക്ഷ അനുഭാവികളുമായതിനാൽ ഒത്തുകളി നടക്കുന്നതായും ആ​​​േക്ഷപമുണ്ട്​.