സോണൽ ​കലോത്സവത്തി​നായി കാലിക്കറ്റിൽ വീണ്ടും പരീക്ഷ മാറ്റി

തേഞ്ഞിപ്പലം: സോണൽ ​കലോത്സവത്തി​​െൻറ പേരിൽ കാലിക്കറ്റ്​ സർവകലാശാലയിൽ വീണ്ടും പരീക്ഷ മാറ്റം. മത്സരത്തിൽ പ​െങ്കടുക്കുന്നവർക്ക്​ ​പ്രത്യേക പരീക്ഷ നടത്താമെന്ന പരീക്ഷകൺട്രോളറുടെ എതിർപ്പ്​ മറികടന്നാണ്​ വി.സിയുടെ നടപടി. സോണൽ കലോത്സവത്തിനും പരീക്ഷ മാറ്റി​യതോടെ പൊതുവെ വൈകിയോടുന്ന പരീക്ഷ സംവിധാനം കൂടുതൽ പ്രതിസന്ധിയിലായി. മേയ്​ രണ്ട്​, മൂന്നു തീയതികളിൽ നിശ്ചയിച്ചിരുന്ന റെഗുലർ, വിദൂര വിദ്യാഭ്യാസ വിഭാഗം ബി.കോം പരീക്ഷയാണ്​ ഇപ്പോൾ മാറ്റിയത്​. 2016 നവംബറിൽ നടക്കേണ്ട പരീക്ഷയാണ്​ ഇവ. ​മേയ്​ എട്ടു മുതൽ 12വരെ ഇൻറർസോൺ ക​േലാത്സവം നിശ്ചയിച്ചതിനാൽ അന്നത്തെ പരീക്ഷകളും മാറ്റും.

ഏതാനും വർഷമായി സോണൽ മത്സരത്തിന്​ കാലിക്കറ്റിൽ പരീക്ഷ മാറ്റാറില്ല. ഇൻറർസോൺ കലോത്സവത്തിനാണ്​ പരീക്ഷ മാറ്റിവെക്കാറുള്ളത്​. അഞ്ചു ജില്ലകളിലായി നടക്കുന്ന സോണൽ മേളയുടെ പേരിൽ പരീക്ഷ മാറ്റുന്നത്​ അക്കാദമിക്​ കലണ്ടറിനെ ദോഷകരമായി ബാധിക്കുമെന്നതിനാലാണ്​ ഇത്തരമൊരു തീരുമാനം.

വിദ്യാർഥി സംഘടനകളുടെ സമ്മർദത്തിൽ ഒരു വിഭാഗം സിൻഡിക്കേറ്റംഗങ്ങളും വി.സിയും മുട്ടുമടക്കിയതാണ്​ പരീക്ഷ മാറ്റാൻ ഇടയാക്കിയതെന്ന്​ ജീവനക്കാർ പറഞ്ഞു.

തൃശൂർ സോണൽ ​കലോത്സവത്തി​​െൻറ പേരിലാണ്​ ഇൗവർഷം ആദ്യം പരീക്ഷ മാറ്റിയത്​. പാലക്കാട്​, മലപ്പുറം ജില്ല മേളക്കും പരീക്ഷ മാറ്റി. കോഴിക്കോട്​ മേളയിൽ പ​െങ്കടുത്തവർക്ക്​ പ്രത്യേക പരീക്ഷ നടത്താനാണ്​ തീരുമാനിച്ചത്​. നിശ്ചയിച്ച പരീക്ഷകൾ മാറ്റാൻ വി.സിക്കാണ്​ അധികാരം. വിദ്യാർഥി സംഘടനകൾക്കു പുറമെ ചില സിൻഡിക്കേറ്റംഗങ്ങളും പരീക്ഷ മാറ്റാൻ വി.സിയിൽ സമ്മർദം ചെലുത്തി. പരീക്ഷ നിലവിൽ വൈകിയിരിക്കയാണെന്നും മേളയിൽ പ​െങ്കടുക്കുന്നവർക്കായി പ്രത്യേക പരീക്ഷ നടത്താമെന്നുമാണ്​ പരീക്ഷ കൺട്രോളർ വി.സിക്ക്​ നൽകിയ റിപ്പോർട്ട്​.

ഡിഗ്രി ഒന്ന്​, രണ്ട്​, നാല്​ സെമസ്​റ്റർ പരീക്ഷകളാണ്​ മേയിൽ ന​ടത്തേണ്ടത്​. നിലവിലെ സാഹചര്യത്തിൽ ഇൗ പരീക്ഷകളെല്ലാം നീട്ടിവെക്കേണ്ടി വരുമെന്ന്​ പരീക്ഷഭവൻ ജീവനക്കാർ പറഞ്ഞു. ഉത്തരക്കടലാസ്​ മൂല്യനിർണയം ഒരു വിഭാഗം അധ്യാപകർ ബഹിഷ്​കരിച്ചതിനാൽ ഫല പ്രഖ്യാപനവും മുടങ്ങിയ വേളയിലാണ്​ പരീക്ഷ മാറ്റിയത്​.