കാലിക്കറ്റിൽ സ്വയംഭരണ കോളജുകളുടെ ബിരുദ നിയമാവലി പഠിക്കാൻ സമിതി 

തേഞ്ഞിപ്പലം​: സ്വയംഭരണ കോളജുകൾ തയാറാക്കുന്ന ബിരുദ നിയമാവലി പഠിക്കാൻ കാലിക്കറ്റ്​ സർവകലാശാലയിൽ പ്രത്യേക സമിതി. സംസ്​ഥാന സർക്കാറി​​​െൻറ സ്വയംഭരണ നിയമം പാലിക്കുന്നുവെന്ന്​ ഉറപ്പുവരുത്തുകയാണ്​ ലക്ഷ്യം. കോഴ്​സുകളുടെ ഗ്രേഡിങ്​, ഘടന തുടങ്ങിയ കാര്യങ്ങൾ സമിതി പഠിക്കും. സർവകലാശാല ബിരുദത്തി​​​െൻറ അതേ ഗ്രേഡിങ്​ രീതി സ്വയ​ംഭരണ കോളജുകളിലെ ഡിഗ്രിക്കും ഉറപ്പാക്കും. കോഴ്​സ്​ അംഗീകാരവുമായി ബന്ധപ്പെട്ട്​ ഭാവിയിൽ വരുന്ന പ്രശ്​നം ഒഴിവാക്കാനാണിത്​. 

കോഴ്​സുകളും സിലബസും പരിഷ്​കരിക്കാൻ സ്വയംഭരണ കോളജുകൾക്ക്​ അധികാരമുണ്ടെങ്കിലും സർവകലാശാലയുടെ അംഗീകാരം നേടിയിരിക്കണമെന്നാണ്​ ചട്ടം. കോഴിക്കോട്​ ദേവഗിരി സ​​െൻറ്​ ജോസഫ്​സ്​ സ്വയംഭരണ കോളജി​​​െൻറ പരിഷ്​കരിച്ച ഡിഗ്രി നിയമാവലി പരിശോധിക്കാൻ സിൻഡിക്കേറ്റംഗം ഡോ. കെ.എം. നസീർ, മീഞ്ചന്ത ഗവ. ആർട്സ്​ ആൻഡ്​ കോളജിലെ ചരിത്ര വിഭാഗത്തിലെ പ്രഫ. ലുഖ്​മാനുൽ ഹക്കീം, ഡോ. ആബിദ ഫാറൂഖി എന്നിവരെ ചുമതലപ്പെടുത്തി. കാലിക്കറ്റ്​ സർവകലാശാല യു.ജി ചോയ്​സ്​ ബേസ്​ഡ്​ ക്രെഡിറ്റ്​ ആൻഡ്​ സെമസ്​റ്റർ സിസ്​റ്റം സ്​റ്റിയറിങ്​ കമ്മിറ്റി അംഗങ്ങൾ കൂടിയാണിവർ. ഇവർ തയാറാക്കുന്ന പഠനറിപ്പോർട്ട്​ സർവകലാശാലക്ക്​ സമർപ്പിക്കും.