കോഴിക്കോട്​, മലപ്പുറം ജില്ലകളിൽ വിദ്യാഭ്യാസസ്ഥാപനങ്ങൾ ജൂൺ അഞ്ചിന്​ തുറക്കും

കോഴിക്കോട്​: മധ്യവേനലവധിക്ക്​ ശേഷം കോഴിക്കോട്​, മലപ്പുറം ജില്ലകളിൽ പ്രൊഫഷണൽ കോളജുകൾ ഉൾപ്പടെയുള്ള വിദ്യാഭ്യാസ സ്ഥാപനങ്ങൾ ജൂൺ അഞ്ചിന്​ തുറക്കും. ജൂൺ ഒന്നിന്​  തുറക്കാനായിരുന്നു നേരത്തെ നിശ്​ചയിച്ചിരുന്നത്​. എന്നാൽ, നിപ വൈറസ്​ ബാധയുടെ പശ്​ചാത്തലത്തിൽ  ജൂൺ അഞ്ചിന്​ തുറന്നാൽ മതിയെന്ന്​ ആരോഗ്യമന്ത്രിയുടെ അധ്യക്ഷതയിൽ കലക്​ടറേറ്റിൽ ചേർന്ന യോഗം തീരുമാനിക്കുകയായിരുന്നു. മറ്റ്​ ജില്ലകളിൽ ഒന്നാം തീയതി തന്നെ അധ്യയന വർഷം ആരംഭിക്കും.

നിപ വൈറസ്​ബാധ നേരിടാൻ കോഴിക്കോട്​ മെഡിക്കൽ കോളജിൽ ​െഎസുലേഷൻ വാർഡ്​ ഒരുക്കു​ം. ഡോക്​ടർമാർക്ക്​ പ്രത്യേക സുരക്ഷ ഏർപ്പെടുത്തുമെന്നും രണ്ടാം ഘട്ടം നേരിടുന്നതിന്​ എല്ലാ സംവിധാനങ്ങളും സജ്ജമാക്കുമെന്നും ആരോഗ്യമന്ത്രി അറിയിച്ചു.