മഷുഹൈബ്​ വധം: പങ്ക്​ ബോധ്യപ്പെട്ടാൽ കർശന നടപടി -കോടിയേരി 

തൃശൂർ: കണ്ണൂരിൽ യൂത്ത് ​കോൺഗ്രസ്​ പ്രവർത്തകൻ ഷുഹൈബ്​ കൊല്ലപ്പെട്ട സംഭവത്തിൽ പാർട്ടി ബന്ധമുള്ളവർക്ക് പങ്കുണ്ടെന്ന്​ ബോധ്യപ്പെട്ടാൽ കർശന നടപടി സ്വീകരിക്കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണൻ. സി.പി.എം സംസ്ഥാന സെക്രട്ടറിയായി തെരഞ്ഞെടുക്കപ്പെട്ട ശേഷം നടത്തിയ വാർത്തസമ്മേളനത്തിലാണ്​ അദ്ദേഹം ഇക്കാര്യം  അറിയിച്ചത്​. ഇത്തരം സംഭവങ്ങൾ അംഗീകരിക്കാനാകില്ല . അതിനെ പാർട്ടി ശക്തമായി അപലപിക്കുന്നു. ആരോപണവിധേയരുടെ പങ്ക്​ പാർട്ടി പരിശോധിക്കും. ഇത്​ സംബന്ധിച്ച അന്വേഷണം നടത്താൻ പാർട്ടിയുടേതായ സംവിധാനമുണ്ട് . കുറ്റക്കാരാണെന്ന് കണ്ടാൽ നടപടി സ്വീകരിക്കും. പൊലീസ്​ അന്വേഷണം നടക്ക​െട്ട. പൊലീസ്​ അ​േന്വഷണത്തി​​െൻറ അടിസ്​ഥാനത്തിൽ മാത്രം നടപടി സ്വീകരിച്ചാൽ മതിയെങ്കിൽ പൊലീസ്​ ഉദ്യോഗസ്​ഥനെ കമ്മിറ്റിയിൽ ഉൾപ്പെടുത്തിയാൽ പോരേയെന്നും കോടിയേരി പരിഹസിച്ചു. പാർട്ടിക്ക്​ അതി​േൻറതായ സംവിധാനമുണ്ട്​. 

കണ്ണൂരിലെ അക്രമ സംഭവങ്ങൾ അവസാനിപ്പിക്കാൻ മുഖ്യമന്ത്രി നേരിട്ട് സമാധാന യോഗം വിളിച്ചിരുന്നു. അതിൽ ഒരു പാർട്ടിയും മുൻ​ൈകയെടുത്ത് അക്രമത്തിനു നേതൃത്വം നൽകരുതെന്ന് ധാരണയായിരുന്നു. പ്രകോപനങ്ങളിൽ വീഴരുതെന്ന് പ്രവർത്തകർക്ക് സി.പി.എം നിർദേശം നൽകുകയ​ും ചെയ്​തിട്ടുണ്ട്​.  കണ്ണൂരിൽ കോൺഗ്രസ് സമാധാനം ആഗ്രഹിക്കുന്നില്ല. പ്രാദേശികമായ നിർഭാഗ്യകരമായ സംഭവമാണുണ്ടായത്​. പാർട്ടിയുടെ ഏതെങ്കിലുമൊരു ഘടകം ആസൂത്രണം ചെയ്​തതല്ല ഇൗ കൊലപാതകം.

സി.പി.എം സമാധാനപരമായ രാഷ്​ട്രീയമാണ്​ ആഗ്രഹിക്കുന്നത്. ഒറ്റപ്പെട്ട സംഭവം മുൻനിർത്തി കോൺഗ്രസ് അക്രമത്തിനും കലാപത്തിനും ശ്രമിക്കുകയാണ്​. സി.പി.എം പ്രവർത്തകർക്ക്​ പൊലീസി​​െൻറ ഒരു വഴിവിട്ട സഹായവും വേണ്ട. സാധാരണ പൗരന്​ ലഭിക്കുന്ന നീതി അത്​ സി.പി.എം പ്രവർത്തകർക്കും ലഭിക്കണം. അത്​ നിഷേധിക്കപ്പെടുന്ന സാഹചര്യമുണ്ടായാൽ അക്കാര്യം സർക്കാറി​​െൻറ ശ്രദ്ധയിൽപ്പെടുത്തും. അതി​​െൻറ പേരിൽ നിയമം കൈയിലെടുക്കാനുള്ള അവസരം പാർട്ടി പ്രവർത്തകർക്കില്ലെന്നും കോടിയേരി പറഞ്ഞു. 

മന്ത്രിസഭ പുനഃസംഘടനക്ക്​ സമ്മേളനം തീരുമാനിച്ചിട്ടില്ല -കോടിയേരി 

തൃശൂർ: മന്ത്രിസഭ പുനഃസംഘടനക്ക്​ സംസ്ഥാന സമ്മേളനം തീരുമാനിച്ചിട്ടില്ലെന്നും മന്ത്രിമാരുടെ പ്രവർത്തനങ്ങൾ വിലയിരുത്താൻ പാർട്ടിക്ക്​ സംവിധാനമുണ്ടെന്നും സി.പി.എം സംസ്​ഥാന സെക്രട്ടറി കോടിയേരി ബാലകൃഷ്​ണൻ വാർത്തസമ്മേളനത്തിൽ വ്യക്​തമാക്കി. മന്ത്രിമാരുടെ പ്രവർത്തനം സംബന്ധിച്ച്​ സംസ്​ഥാന സമിതി നേരത്തെ അംഗീകരിച്ച മാർഗരേഖ നിലവിലുണ്ട്​. സംസ്​ഥാനസമ്മേളനത്തിൽ മന്ത്രിമാരുടെ പ്രവർത്തനങ്ങൾ വിലയിരുത്തപ്പെട്ടിട്ടുണ്ട്​. മാർഗരേഖയിൽ നിന്നും മന്ത്രിമാർ വ്യതിചലിച്ചാൽ അത്​ പരിശോധിക്കാനുള്ള സംവിധാനം പാർട്ടിക്കുണ്ട്​. 
ചെങ്ങന്നൂർ ഉപ​െതരഞ്ഞെടുപ്പിൽ മണ്ഡലം നിലനിർത്തും. 2019ലെ ലോക്സഭ തെരഞ്ഞെടുപ്പിൽ വൻ വിജയം നേടും. സമ്മേളനത്തിൽ ​െയച്ചൂരിയുടെ പ്രസംഗം മാധ്യമങ്ങൾ റിപ്പോർട്ട് ചെയ്തതുപോലെയല്ല. നിങ്ങൾക്ക്​ വിവരം നൽകുന്നവർ നിങ്ങളെ തെറ്റിദ്ധരിപ്പിക്കുന്നുണ്ടെന്നും കോടിയേരി പറഞ്ഞു.