തടസ്സം നീങ്ങുന്നു; കോഴഞ്ചേരി പാലത്തിന്റെ തുടർപ്രവൃത്തി ടെൻഡറിന് മന്ത്രിസഭ അനുമതി

പ​ത്ത​നം​തി​ട്ട: കോ​ഴ​ഞ്ചേ​രി പു​തി​യ പാ​ല​ത്തി​ന്റെ തു​ട​ർ​പ്ര​വൃ​ത്തി​യു​ടെ ടെ​ൻ​ഡ​റി​ന് ബു​ധ​നാ​ഴ്ച ചേ​ർ​ന്ന മ​ന്ത്രി​സ​ഭ യോ​ഗ​ത്തി​ൽ അ​നു​മ​തി. പാ​ല​ത്തി​ന്റെ നി​ർ​മാ​ണ​വു​മാ​യി ബ​ന്ധ​പ്പെ​ട്ട് സ്ഥ​ലെ​റ്റെ​ടു​പ്പ് ഉ​ൾ​പ്പെ​ടെ പൂ​ർ​ത്തീ​ക​രി​ച്ച്, ബാ​ക്കി​യു​ള്ള പ്ര​വൃ​ത്തി 13.94 കോ​ടി രൂ​പ​ക്കാ​ണ് ടെ​ൻ​ഡ​ർ ചെ​യ്ത​ത്.

2018 ഡി​സം​ബ​ർ 19ന്​ ​പാ​ല​ത്തി​ന്റെ പ്ര​വൃ​ത്തി പി.​ജി ക​ൺ​സ്ട്ര​ഷ​ൻ ക​മ്പ​നി ക​രാ​ർ ഏ​റ്റെ​ടു​ക്കു​ക​യും എ​ഗ്രി​മെൻറ് വെ​ക്കു​ക​യും ചെ​യ്തി​രു​ന്നു. ക​രാ​ർ തു​ക വ​ർ​ധ​ന​യും ജി.​എ​സ്.​ടി തു​ക​യും ക​രാ​റു​കാ​ര​ൻ ആ​വ​ശ്യ​പ്പെ​ട്ടു. മു​ൻ​കൂ​റാ​യി ഭൂ​മി ല​ഭ്യ​മാ​ക്കാ​ത്ത​തും ഏ​റ്റെ​ടു​ക്ക​ൽ ന​ട​പ​ടി​ക​ളു​ടെ കാ​ല​താ​മ​സ​വും പ​ദ്ധ​തി​യെ ബാ​ധി​ച്ചു. നി​ർ​മാ​ണ​ത്തി​നാ​യി പോ​സ്റ്റ്‌ ഓ​ഫി​സ് അ​ധീ​ന​ത​യി​ലു​ള്ള സ്ഥ​ല​വും ആ​വ​ശ്യ​മാ​യി വ​ന്നു. വൈ​ദ്യു​തി പോ​സ്റ്റു​ക​ളും മ​റ്റും മ​റ്റാ​നു​ള്ള പ​ണം ല​ഭി​ക്കാ​നും കാ​ല​താ​മ​സം നേ​രി​ട്ടു. ഹൈ​കോ​ട​തി​യി​ൽ ഉ​ൾ​പ്പെ​ടെ ഉ​ണ്ടാ​യി​രു​ന്ന കേ​സു​ക​ൾ​മൂ​ലം ര​ണ്ട​ര​വ​ർ​ഷം പ്ര​വൃ​ത്തി ത​ട​സ്സ​പ്പെ​ട്ടു. ക​മ്പ​നി പ്ര​വൃ​ത്തി പൂ​ർ​ത്തീ​ക​രി​ക്കാ​ത്ത​തി​നെ തു​ട​ർ​ന്ന് ക​രാ​ർ അ​വ​സാ​നി​പ്പി​ച്ചു. പി​ന്നീ​ട് അ​ഞ്ചു​ത​വ​ണ തു​ട​ർ​പ്ര​വൃ​ത്തി ടെ​ൻ​ഡ​ർ ചെ​യ്തെ​ങ്കി​ലും സ​ർ​ക്കാ​ർ മാ​ന​ദ​ണ്ഡം അ​നു​സ​രി​ച്ചു അം​ഗീ​കാ​രം ല​ഭി​ച്ചി​ല്ല. തു​ട​ർ​ന്ന് അ​വ​സാ​ന ടെ​ൻ​ഡ​റി​ൽ ശ്യാ​മ ഡൈ​ന​മി​ക്സ് എ​ന്ന ക​മ്പ​നി പ​ങ്കെ​ടു​ക്കു​ക​യും അം​ഗീ​കാ​ര​ത്തി​നാ​യി കാ​ബി​ന​റ്റി​ൽ വെ​ക്കു​ക​യാ​യി​രു​ന്നു. കി​ഫ്ബി 2016-17 പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണ് കോ​ഴ​ഞ്ചേ​രി പു​തി​യ പാ​ല​ത്തി​ന്റെ നി​ർ​മാ​ണം. 19.77 കോ​ടി രൂ​പ​യു​ടെ ഭ​ര​ണാ​നു​മ​തി​യും 25.01.2018ൽ 19.69 ​കോ​ടി രൂ​പ​ക്ക്​ സാ​ങ്കേ​തി​കാ​നു​മ​തി​യും ല​ഭി​ച്ചി​രു​ന്നു. കോ​ഴ​ഞ്ചേ​രി​യി​ൽ തി​രു​വ​ല്ല-​കു​മ്പ​ഴ റോ​ഡി​ൽ സ്ഥി​തി​ചെ​യ്യു​ന്ന കോ​ഴ​ഞ്ചേ​രി പ​ഴ​യ​പാ​ല​ത്തി​ന് സ​മാ​ന്ത​ര​മാ​യി പ​മ്പ​യാ​റി​ന് കു​റു​കെ​യാ​ണ് പു​തി​യ പാ​ലം നി​ർ​മി​ക്കു​ന്ന​ത്. പാ​ല​ത്തി​ന് 198.8 മീ​റ്റ​ർ നീ​ള​വും ഇ​രു​വ​ശ​ത്ത് ന​ട​പ്പാ​ത​യോ​ടു കൂ​ടി 12 മീ​റ്റ​ർ വീ​തി​യു​മാ​ണു​ള്ള​ത്.

ആ​ധു​നി​ക സാ​ങ്കേ​തി​ക​വി​ദ്യ ഉ​പ​യോ​ഗി​ച്ച് ബി.​എം ആ​ൻ​ഡ്​ ബി.​സി വ​ർ​ക്കും ആ​വ​ശ്യ​സ്ഥ​ല​ങ്ങ​ളി​ൽ സം​ര​ക്ഷ​ണ​ഭി​ത്തി​യും ഉ​ൾ​പ്പെ​ടു​ത്തി​യാ​ണ് വി​ഭാ​വ​നം ചെ​യ്തി​ട്ടു​ള്ള​ത്. കോ​ഴ​ഞ്ചേ​രി ഭാ​ഗ​ത്ത് 90 മീ​റ്റ​റും തി​രു​വ​ല്ല ഭാ​ഗ​ത്ത് 390 മീ​റ്റ​റു​മാ​ണ് സ​മീ​പ​ന​പാ​ത​യു​ടെ നീ​ളം. നി​ല​വി​ലു​ള്ള സം​സ്ഥാ​ന​പാ​ത​യാ​യ തി​രു​വ​ല്ല-​കു​മ്പ​ഴ റോ​ഡി​ൽ കോ​ഴ​ഞ്ചേ​രി ടൗ​ണി​ൽ അ​നു​ഭ​വി​ക്കു​ന്ന ഗ​താ​ഗ​ത​ക്കു​രു​ക്കി​ന് ശാ​ശ്വ​ത​പ​രി​ഹാ​ര​ത്തി​നും ശ​ബ​രി​മ​ല തീ​ർ​ഥാ​ട​ക​ർ​ക്ക് ഗ​താ​ഗ​ത​കു​രു​ക്കി​ൽ​പെ​ടാ​തെ പോ​കാ​നും ഈ ​പാ​ലം സ​ഹാ​യ​ക​മാ​കും.