Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപൗരത്വ ഭേദഗതി: ജില്ലാ...

പൗരത്വ ഭേദഗതി: ജില്ലാ കേന്ദ്രങ്ങളിൽ കോൺഗ്രസ്​ പ്രതിഷേധം

text_fields
bookmark_border
പൗരത്വ ഭേദഗതി: ജില്ലാ കേന്ദ്രങ്ങളിൽ കോൺഗ്രസ്​ പ്രതിഷേധം
cancel

തിരുവനന്തപുരം: പൗരത്വ നിയമ ഭേദഗതിക്കെതിരെ ജില്ലാ കേന്ദ്രങ്ങളിൽ കോൺഗ്രസ്​ പ്രതിഷേധ പരിപാടികൾ. സംസ്ഥാന നേതൃത്വത്തി​​െൻറ നിർദേശ പ്രകാരമാണ്​ ഡി.സി.സികൾ വിവിധ ജില്ലകളിൽ പ്രതിഷേധ പരിപാടികൾ നടത്തിയത്​.

മലപ്പുറത്ത്​ പ്രതിപക്ഷ നേതാവ് രമേശ്​ ചെന്നിത്തല​ നേതൃത്വം നൽകി. രാജ്യത്ത്​ ഭരണകൂട ഭീകരതയുടെ ഭീബത്സമായ മുഖം ഇന്ന്​ നമ്മൾ കണ്ടുകൊണ്ടിരിക്കുകയാണെന്ന്​ ചെന്നിത്തല പറഞ്ഞു. നരേന്ദ്രമോദിയും അമിത്​ ഷായും ചേർന്ന്​ രാജ്യത്തെ വിപത്തിലേക്കെത്തിക്കുകയാണ്​. പൗരത്വം തീരുമാനിക്കേണ്ടത്​ മതത്തി​േൻറയും ജാതിയുടേയും അടിസ്ഥാനത്തിലാവരുതെന്ന്​ ചെന്നിത്തല പറഞ്ഞു.

പാലക്കാട്ട്​ വി.ടി. ബൽറാം എം.എൽ.എയുടെ നേതൃത്വത്തിൽ ഏകദിന ഉപവാസം നടക്കുന്നു​.
കൊച്ചിയിൽ ഹൈബി ഈഡ​ൻ എം.പിയുടെ നേതൃത്വത്തിൽ പ്രതിഷേധ മാർച്ച്​ നടന്നു. മാർച്ച്​ പൊലീസ്​ തടഞ്ഞതോടെപ്രതിഷേധക്കാരും പൊലീസുകാരും തമ്മിൽ ഉന്തും തള്ളുമുണ്ടായി. തുടർന്ന്​ കോൺഗ്രസ്​ പ്രവർത്തകർ പൊലീസ്​ ബാരിക്കേഡ്​ തകർത്തു.

തിര​ുവനന്തപുരത്ത്​ ഹെഡ്​പോസ്​റ്റ്​ ഓഫീസിലേക്ക്​ നടത്തിയ മാർച്ചിനിടെ കോൺഗ്രസ്​ പ്രവർത്തകർ ഗേറ്റ്​ ചാടിക്കടന്ന്​ ഓഫീസി​േലക്ക്​ തള്ളിക്കയറാൻ ശ്രമിച്ചതോടെ പൊലീസും പ്രതിഷേധക്കാരും തമ്മിൽ ബലപ്രയോഗം നടന്നു. ഇതിനിടെ കെ.എസ്​.യു പ്രവർത്തകന്​ പരിക്കേറ്റതോടെ സമരം കൂടുതൽ സംഘർഷത്തിലേക്ക്​ നീങ്ങി. തുടർന്ന്​ പ്രതിഷേധക്കാരെ പൊലീസ്​​ ബലം പ്രയോഗിച്ച്​ അറസ്​റ്റ്​ ചെയ്​ത്​ നീക്കാൻ ശ്രമിക്കുകയാണ്​.

കോഴിക്കോട്ട്​ നടന്ന പരിപാടിയിൽ ശശി തരൂർ എം.പിയും തൃശൂരിൽ ബെന്നി ബഹന്നാനും പ​ങ്കെടുത്തു.

Show Full Article
TAGS:CAA protest congress protest congress kerala news malayalam news 
News Summary - caa; congress protest in district centers -kerala news
Next Story