Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightലോക്​ഡൗണിനിടെ...

ലോക്​ഡൗണിനിടെ കുറ്റ്യാടിയിൽനിന്ന് മോഷ്​ടിച്ച ബസുമായി കൊയിലാണ്ടി സ്വദേശി കുമരകത്ത് പിടിയിൽ

text_fields
bookmark_border
bus thief
cancel

കോട്ടയം: കോഴ​ി​േക്കാട്​ കുറ്റ്യാടിയിൽനിന്ന് മോഷ്​ടിച്ച സ്വകാര്യബസുമായി കൊയിലാണ്ടി സ്വദേശിയെ കുമരകത്ത് പൊലീസ് പിടികൂടി. കവണാറ്റിൻകരയിൽ ഞായറാഴ്ച രാവിലെ പൊലീസ് നടത്തിയ പരിശോധനയിലാണ് ബസും മോഷ്​ടാവും കുടുങ്ങിയത്. കൊയിലാണ്ടി ചെറുകൊല്ലിമിത്തൽ ബിനൂപാണ്​ (30) പിടിയിലായത്.

മൂന്ന് ജില്ല കടന്നെത്തിയ ബസ് റാന്നിയിൽനിന്ന്​ അന്തർ സംസ്ഥാന തൊഴിലാളികളെ കയറ്റാൻ പോകുകയാണെന്നാണ് പറഞ്ഞത്. സംശയം തോന്നിയ പൊലീസ് കൂടുതൽ ചോദ്യം ചെയ്തതോടെ മോഷ്​ടിച്ചതാണെന്ന് മനസ്സിലായി. ഉടമയെ ബന്ധപ്പെട്ടപ്പോഴാണ് ബസ്​ മോഷണംപോയ വിവരം അദ്ദേഹം അറിയുന്നത്. KL18 Q 1107 നമ്പറി​െല പീ.പീ എന്ന ബസ്​ ലോക്ഡൗണിനെത്തുടർന്ന് കുറ്റ്യാടി ബസ് ​സ്​റ്റാൻഡിൽ നിർത്തിയിട്ടിരിക്കുകയായിരുന്നു. സമ്പൂർണ ലോക്​ഡൗൺ തുടങ്ങിയ ഇന്നലെ രാത്രി ഒമ്പത് മണിയോടുകൂടിയാണ് ബസ്​ മോഷ്​ടിച്ചത്​.

കുമരകം ഇൻസ്പെക്ടർ വി. സജികുമാർ, എസ്.ഐ എസ്​. സുരേഷ്, സി.പി.ഒമാരായ അനീഷ്, ബാഷ് എന്നിവർ ചേർന്നാണ് ബസ് പിടികൂടിയത്. ബാറ്ററി മോഷണമടക്കമുള്ള കേസുകളിൽ പ്രതിയാണ് ബിനൂപ്. ഇയാളെ കുറ്റ്യാടി പൊലീസിന് കൈമാറും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:crime newsbus thief
News Summary - bus thief caught in kumarakom
Next Story