ബസ്​ കാത്തിരിപ്പ് കേന്ദ്രം തീവെച്ച കേസിലെ പ്രതി 24 വർഷത്തിന് ശേഷം പിടിയിൽ

പെരുമ്പിലാവ്: ബസ്​ കാത്തിരിപ്പ് കേന്ദ്രം തീവെച്ച കേസിലെ പ്രതി കോഴിക്കര തിരുത്തുപുലാക്കൽ വീട്ടിൽ സലീമിനെ (43) ചാലിശ്ശേരി പൊലീസ് 24 വർഷങ്ങൾക്ക്​ ശേഷം അറസ്​റ്റ്​ ചെയ്​തു. 1997ൽ ഇടത് പക്ഷ യുവജന സംഘടന നിർമിച്ച ബസ്​ കാത്തിരിപ്പ് കേന്ദ്രം രാഷ്​ട്രീയ വിരോധം വെച്ച് തീവെച്ചുവെന്നായിരുന്നു കേസ്.

കേസിലെ മറ്റു പ്രതികളെ പൊലീസ് നേരത്തെ പിടികൂടി കോടതിയിൽ ഹാജരാക്കിയിരുന്നു. സംഭവത്തിന് ശേഷം ഗൾഫിലേക്ക് മുങ്ങിയ പ്രതിയെ പിന്നീട് പിടികൂടാനായില്ല. എസ്.എച്ച്.ഒ ശശീന്ദ്രൻ മേലയി​ലിെൻറ നേതൃത്വത്തിലുള്ള പൊലീസ് സംഘത്തിൽ സി.പി.ഒമാരായ നിഷാദ്, സുരേഷ് ബാബു എന്നിവരും ഉണ്ടായിരുന്നു.